ಅಧಿಕೃತ, ಶುಕ್ರವಾರ ಷೇರು ಮಾರುಕಟ್ಟೆ ಪ್ರವೇಶಿಸಲಿದೆ ಜೊಮ್ಯಾಟೋ

ಮುಂಬಯಿ: ಲಿ. ಷೇರುಗಳು ಜುಲೈ 23 ರಂದು ಅಧಿಕೃತವಾಗಿ ಪ್ರವೇಶಿಸಲಿವೆ. ಆರಂಭಿಕ ಷೇರು ಕೊಡುಗೆ () ಘೋಷಣೆಯಾದ ವಾರದ ಬಳಿಕ ಇದೀಗ ಷೇರು ಮಾರುಕಟ್ಟೆಗೆ ಜೊಮ್ಯಾಟೋ ಪ್ರವೇಶಿಸಲಿದೆ. ಆರಂಭದಲ್ಲಿ ಜುಲೈ 27 ರಂದು ಷೇರು ಮಾರುಕಟ್ಟೆ ಲಿಸ್ಟಿಂಗ್‌ ಸೇರಲು ಜೊಮ್ಯಾಟೋ ಉದ್ದೇಶಿಸಿತ್ತು. ಇದೀಗ ನಿಗದಿತ ದಿನಾಂಕಕ್ಕೂ ಮುನ್ನ ಅಂದರೆ ಜುಲೈ 23 ರಂದೇ ಷೇರು ಮಾರುಕಟ್ಟೆ ಪ್ರವೇಶಿಸುತ್ತಿದೆ. ಆದರೆ 'ಇನ್ನೊಂದಿಷ್ಟು ಪ್ರಕ್ರಿಯೆಗಳು ಬಾಕಿ ಇದ್ದು, ಇವು ಪೂರ್ಣಗೊಳ್ಳಬೇಕಿದೆ' ಎಂದು ಈ ಬಗ್ಗೆ ಮಾಹಿತಿ ಇರುವ ವ್ಯಕ್ತಿಯೊಬ್ಬರು ಎಕನಾಮಿಕ್‌ ಟೈಮ್ಸ್‌ಗೆ ತಿಳಿಸಿದ್ದಾರೆ. ಜೊಮ್ಯಾಟೋದ ಷೇರುಗಳ ಹಂಚಿಕೆ ಇಂದು ಅಂದರೆ ಗುರುವಾರವೇ ನಡೆಯಲಿದೆ. ಜೊಮ್ಯಾಟೋ ಷೇರುಗಳಿಗೆ 40.38 ಪಟ್ಟು ಜನರು ಸಬ್‌ಸ್ಕ್ರೈಬ್‌ ಆಗಿದ್ದಾರೆ. ಈ ಮೂಲಕ 2.13 ಲಕ್ಷ ಕೋಟಿ ರೂ.ಗೆ ಬೇಡಿಕೆ ಸೃಷ್ಟಿಯಾಗಿದ್ದು, ಭಾರತದ ಷೇರು ಮಾರುಕಟ್ಟೆ ಇತಿಹಾಸದಲ್ಲಿ ಕಳೆದ 11 ವರ್ಷಗಳಲ್ಲೇ ಸೃಷ್ಟಿಯಾದ ಗರಿಷ್ಠ ಬೇಡಿಕೆಯಾಗಿದೆ. ಒಟ್ಟಾರೆ ಮೂರನೇ ಗರಿಷ್ಠ ಬೇಡಿಕೆಯಾಗಿದೆ. ಜುಲೈ 14 ರಂದು ಐಪಿಒ ಆರಂಭವಾಗಿತ್ತು ಮತ್ತು ಜುಲೈ 16ರಂದು ಅಂತ್ಯವಾಗಿತ್ತು. 1 ರೂ. ಮುಖಬೆಲೆಯ ಷೇರನ್ನು 72-76 ರೂಪಾಯಿ ಬೆಲೆಗೆ ಆಫರ್‌ ಮಾಡಲಾಗಿತ್ತು. ಇದರಲ್ಲಿ ಹೊಸದಾಗಿ ಬಿಡುಗಡೆಯಾದ 9,000 ಕೋಟಿ ರೂ. ಮೊತ್ತದ ಷೇರುಗಳು ಹಾಗೂ 375 ಕೋಟಿ ರೂ. ಮೊತ್ತದ ಈಕ್ವಿಟಿ ಮಾರಾಟವೂ ಸೇರಿದೆ. ಇದರಿಂದ ಕಂಪನಿಯ ಮಾರುಕಟ್ಟೆ ಮೌಲ್ಯ 64,500 ಕೋಟಿ ರೂ.ಗೆ ಹೆಚ್ಚುವ ಸಾಧ್ಯತೆ ಇದೆ. ಐಪಿಒಗೂ ಮೊದಲು ಆಂಕರ್‌ ಇನ್ವೆಸ್ಟರ್ಸ್‌ಗೆ 55.22 ಕೋಟಿ ಷೇರುಗಳನ್ನು 76 ರೂಪಾಯಿ ಬೆಲೆಗೆ ಮಾರಿ ಜೊಮ್ಯಾಟೋ 4,197 ಕೋಟಿ ರೂ. ಸಂಗ್ರಹಿಸಿತ್ತು. ಗುರುಗ್ರಾಮ ಮೂಲದ ಜೊಮ್ಯಾಟೋ ಷೇರು ಮಾರುಕಟ್ಟೆ ಪ್ರವೇಶಿಸುತ್ತಿರುವ ಹೊಸ ತಲೆಮಾರಿನ ಮೊದಲ ಇಂಟರ್‌ನೆಟ್‌ಗೆ ಸಂಬಂಧಿಸಿದ ಸ್ಟಾರ್ಟ್‌ಅಪ್‌ ಆಗಿದೆ. ಇದರ ಬೆನ್ನಿಗೆ ಪೇಟಿಎಂ, ಪಾಲಿಸಿಬಜಾರ್‌ ಮತ್ತು ಮೊಬಿವಿಕ್‌ ಕೂಡ ಷೇರು ಮಾರುಕಟ್ಟೆ ಪ್ರವೇಶಿಸುವ ಸಾಧ್ಯತೆ ಇದೆ.