Pushpa: ಅಲ್ಲು ಅರ್ಜುನ್ ಸಿನಿಮಾಕ್ಕೆ ಸಿಗಲಿದೆ ಸಲ್ಮಾನ್ ಖಾನ್ & ಪ್ರಭಾಸ್ ಸಪೋರ್ಟ್!
ಅಲ್ಲು ಅರ್ಜುನ್ ಮತ್ತು ರಶ್ಮಿಕಾ ಮಂದಣ್ಣ ಅಭಿನಯದ 'ಪುಷ್ಪ' ಚಿತ್ರವು ಇದೇ ಡಿಸೆಂಬರ್ 17ರಂದು ವಿಶ್ವಾದ್ಯಂತ ತೆರೆಗೆ ಬರಲಿದೆ. ಆ ಹಿನ್ನೆಲೆಯಲ್ಲಿ ಚಿತ್ರಕ್ಕೆ ಸಪೋರ್ಟ್ ಮಾಡಲು ಪ್ರಭಾಸ್ ಮತ್ತು ಸಲ್ಮಾನ್ ಖಾನ್ ಮುಂದಾಗಿದ್ದಾರೆ ಎನ್ನಲಾಗಿದೆ.
Admin
0
7
ಅಭಿನಯದ '' ಚಿತ್ರವು ಇದೇ ಡಿಸೆಂಬರ್ 17ರಂದು ವಿಶ್ವಾದ್ಯಂತ ಐದು ಭಾಷೆಗಳಲ್ಲಿ ತೆರೆಗೆ ಬರಲಿದೆ. ನಿರ್ದೇಶಕ ಸುಕುಮಾರ್ ಮತ್ತು ಅಲ್ಲು ಅರ್ಜುನ್ ಕಾಂಬಿನೇಷನ್‌ನ ಮೂರನೇ ಸಿನಿಮಾ ಇದಾಗಿದ್ದು, ನೂರಾರು ಕೋಟಿ ರೂ. ಬಜೆಟ್‌ನಲ್ಲಿ ಸಿನಿಮಾದ ಸಿದ್ಧಗೊಂಡಿದೆ. ಇದೀಗ ಈ ಬಿಗ್ ಬಜೆಟ್ ಸಿನಿಮಾಕ್ಕೆ ಸಪೋರ್ಟ್ ಮಾಡಲು ಮತ್ತು ಪ್ರಭಾಸ್ ಕೂಡ ಸಾಥ್ ನೀಡಲಿದ್ದಾರೆ ಎನ್ನಲಾಗಿದೆ. ಅದು ಯಾವ ರೀತಿ? ಮುಂದೆ ಓದಿ.
ಪ್ರೀ-ರಿಲೀಸ್ ಇವೆಂಟ್‌ಗೆ ಪ್ರಭಾಸ್ ಅತಿಥಿ!'ಬಾಹುಬಲಿ' ನಂತರ ನಟ ಪ್ರಭಾಸ್ ಪ್ಯಾನ್ ಇಂಡಿಯಾ ಸ್ಟಾರ್ ಆಗಿದ್ದಾರೆ. ಅವರಿಗೆ ಈಗ ದೇಶಾದ್ಯಂತ ಅಭಿಮಾನಿಗಳಿದ್ದಾರೆ. ಇದೀಗ ಅವರನ್ನು 'ಪುಷ್ಪ' ಚಿತ್ರದ ಪ್ರೀ-ರಿಲೀಸ್ ಇವೆಂಟ್‌ಗೆ ಕರೆಸಿ, ದೊಡ್ಡಮಟ್ಟದ ಪ್ರಚಾರ ಪಡೆಯುವ ಪ್ಲ್ಯಾನ್ ಹಾಕಿಕೊಂಡಿದೆ 'ಪುಷ್ಪ' ಚಿತ್ರತಂಡ. ಡಿಸೆಂಬರ್ 6ರಂದು ಚಿತ್ರದ ಟ್ರೈಲರ್ ಲಾಂಚ್ ಆಗಲಿದೆ. ಅಂದೇ ಪ್ರೀ-ರಿಲೀಸ್ ಇವೆಂಟ್‌ ಕೂಡ ಇರಲಿದೆಯೇ? ಸದ್ಯಕ್ಕಿನ್ನೂ ಮಾಹಿತಿ ಸಿಕ್ಕಿಲ್ಲ. ಆದರೆ, ಅತಿಥಿಯಾಗಿ ಪ್ರಭಾಸ್ ಬರುವುದು ಮಾತ್ರ ನಿಗದಿಯಾಗಿದೆ ಎಂಬ ಮಾಹಿತಿ ಸಿಕ್ಕಿದೆ. ಮೊದಲಿನಿಂದಲೂ ಪ್ರಭಾಸ್ ಮತ್ತು ಅಲ್ಲು ಅರ್ಜುನ್ ನಡುವೆ ಉತ್ತಮ ಒಡನಾಟ ಇದೆ. ಇದೀಗ ಇಬ್ಬರನ್ನು ಒಟ್ಟಿಗೆ ಒಂದೇ ವೇದಿಕೆ ಮೇಲೆ ನೋಡಲು ಫ್ಯಾನ್ಸ್ ಕಾದಿದ್ದಾರೆ.
ಬಿಗ್ ಬಾಸ್ ವೇದಿಕೆ ಮೇಲೆ ಅಲ್ಲು ಅರ್ಜುನ್ಈ ಬಾರಿ ಅಲ್ಲು ಅರ್ಜುನ್ ಬರೀ ದಕ್ಷಿಣ ಭಾರತ ಮಾತ್ರವಲ್ಲ, ಉತ್ತರ ಭಾರತದ ಮೇಲೂ ಕಣ್ಣಿಟ್ಟಿದ್ದಾರೆ. ಅದಕ್ಕಾಗಿಯೇ ಹಿಂದಿ ಬಿಗ್ ಬಾಸ್ ಶೋಗೆ ಹೋಗಿ, ಅಲ್ಲಿಯೂ ತಮ್ಮ ಸಿನಿಮಾದ ಪ್ರಚಾರ ಮಾಡುವುದಕ್ಕೆ ಪ್ಲ್ಯಾನ್ ಮಾಡಿಕೊಂಡಿದ್ದಾರೆ ಎನ್ನಲಾಗಿದೆ. ಬಾಲಿವುಡ್‌ 'ಸೂಪರ್ ಸ್ಟಾರ್' ಸಲ್ಮಾನ್ ಖಾನ್ ಈ ಶೋ ನಡೆಸಿಕೊಡುತ್ತಿದ್ದಾರೆ. ಹಾಗಾಗಿ, ಬಿಗ್ ಬಾಸ್ ವೇದಿಕೆ ಮೇಲೆ 'ಪುಷ್ಪ' ಚಿತ್ರದ ಕುರಿತು ಪ್ರಚಾರ ಮಾಡಿದರೆ, ಅದು ದೊಡ್ಡಮಟ್ಟದಲ್ಲಿ ರೀಚ್ ಆಗಲಿದೆ ಎಂಬುದು ಚಿತ್ರತಂಡ ಲೆಕ್ಕಾಚಾರ. ಒಟ್ಟಿನಲ್ಲಿ ಸಲ್ಮಾನ್ ಮತ್ತು ಪ್ರಭಾಸ್ ಅವರ ಉಪಸ್ಥಿತಿ ಚಿತ್ರತಂಡಕ್ಕೆ ದೊಡ್ಡ ಸಹಾಯ ಮಾಡುವುದಂತೂ ಖಚಿತ.
ಅಲ್ಲು ಅರ್ಜುನ್‌ರ ಮೊದಲ ಪ್ಯಾನ್ ಇಂಡಿಯಾ ಸಿನಿಮಾಎರಡು ಭಾಗಗಳಲ್ಲಿ ತಯಾರಾಗಿರುವ 'ಪುಷ್ಪ' ಸಿನಿಮಾವು ಅಲ್ಲು ಅರ್ಜುನ್ ನಟನೆಯ ಮೊದಲ ಪ್ಯಾನ್ ಇಂಡಿಯಾ ಸಿನಿಮಾವಾಗಿದೆ. ಈ ಸಿನಿಮಾವನ್ನು ಮೈತ್ರಿ ಮೂವೀ ಮೇಕರ್ಸ್ ನಿರ್ಮಾಣ ಮಾಡಿದ್ದು, ಈಗಾಗಲೇ ಹಾಡುಗಳು ಮೋಡಿ ಮಾಡಿವೆ. ಅಲ್ಲು ಅರ್ಜುನ್‌ಗೆ ನಾಯಕಿಯಾಗಿ ರಶ್ಮಿಕಾ ಮಂದಣ್ಣ ಕಾಣಿಸಿಕೊಂಡಿದ್ದು, ಐಟಂ ಸಾಂಗ್‌ಗೆ ನಟಿ ಸಮಂತಾ ಹೆಜ್ಜೆ ಹಾಕಲಿದ್ದಾರೆ. ಧನಂಜಯ್‌, ಜಗಪತಿ ಬಾಬು, ಫಹಾದ್ ಫಾಸಿಲ್, ಪ್ರಕಾಶ್ ರೈ, ಸುನೀಲ್, ಅನಸೂಯ ಭಾರದ್ವಾಜ್‌ ಮುಂತಾದವರು ಚಿತ್ರದಲ್ಲಿ ನಟಿಸಿದ್ದಾರೆ. ರಕ್ತ ಚಂದನ ಕಳ್ಳ ಸಾಗಾಣಿಕೆ ಕುರಿತ ಸಿನಿಮಾ ಇದಾಗಿದೆ.
