ಯುವಕನ ಜೊತೆಗಿನ ಖಾಸಗಿ ವಿಡಿಯೋ ಲೀಕ್: ನಿಮ್ಮ ಮನೆಯಲ್ಲೂ ತಾಯಿ, ಸಹೋದರಿಯರಿದ್ದಾರೆ ಎಂದ ತ್ರಿಷಾ

ಜನಪ್ರಿಯ ತ್ರಿಷಾ ಕರ್ ಮಧು ಬೇಡದ ವಿಚಾರವಾಗಿ ಸುದ್ದಿಯಾಗಿದ್ದಾರೆ. ಯುವಕನ ಜೊತೆಗಿನ ಅವರ ಖಾಸಗಿ ವಿಡಿಯೋ ಲೀಕ್ ಆಗಿದೆ. ಈ ಬಗ್ಗೆ ಸ್ವತಃ ಲೈವ್‌ಗೆ ಬಂದು ತ್ರಿಷಾ ಕರ್ ಮಧು ಬೇಸರ ವ್ಯಕ್ತಪಡಿಸಿದ್ದಾರೆ. ಲೀಕ್ ಆಗಿರುವ ವಿಡಿಯೋದಲ್ಲಿ ತ್ರಿಷಾ ಕರ್ ಮಧು ಜೊತೆಗೆ ಓರ್ವ ಯುವಕ ಇದ್ದಾನೆ. ಆ ಯುವಕ ಯಾರು ಎಂದು ನೆಟ್ಟಿಗರು ಪ್ರಶ್ನಿಸುತ್ತಿದ್ದಾರೆ. ಈ ಮಧ್ಯೆ ಆ ಯುವಕ ತ್ರಿಷಾ ಕರ್ ಮಧು ಅವರ ಬಾಯ್‌ಫ್ರೆಂಡ್ ಎನ್ನಲಾಗುತ್ತಿದೆ. ತೀರಾ ಖಾಸಗಿಯಾಗಿರುವ ವಿಡಿಯೋವನ್ನು ಲೀಕ್ ಮಾಡಲಾಗಿದ್ದು, ತ್ರಿಷಾ ಕರ್ ಮಧು ಅಸಮಾಧಾನಗೊಂಡಿದ್ದಾರೆ. ಟ್ವೀಟ್ ಮಾಡಿದ ತ್ರಿಷಾ ಕರ್ ಮಧು ವಿಡಿಯೋ ಲೀಕ್ ಆಗಿರುವ ಬಗ್ಗೆ ಕೋಪಗೊಂಡಿರುವ ತ್ರಿಷಾ ಕರ್ ಮಧು, ''ದೇವರು ಎಲ್ಲವನ್ನೂ ನೋಡುತ್ತಿರುತ್ತಾನೆ. ನನಗೆ ಅವಮಾನ ಮಾಡುವ ಸಲುವಾಗಿ ಕೆಲವರು ನನ್ನ ಈ ಖಾಸಗಿ ವಿಡಿಯೋವನ್ನು ವೈರಲ್ ಮಾಡಿದ್ದಾರೆ. ಬಿಹಾರದ ಕೆಲವು ಮಂದಿ ಇಷ್ಟು ಕೀಳುಮಟ್ಟಕ್ಕೆ ಇಳಿಯುತ್ತಾರೆ ಎಂದು ನನಗೆ ಗೊತ್ತಿರಲಿಲ್ಲ. ನಿಮ್ಮ ಮನೆಯಲ್ಲೂ ತಾಯಿ, ಅಕ್ಕ-ತಂಗಿಯರಿದ್ದಾರೆ'' ಎಂದು ಟ್ವೀಟ್ ಮಾಡಿದ್ದಾರೆ. ಟ್ರೋಲ್ ಆದ ತ್ರಿಷಾ ಕರ್ ಮಧು ತ್ರಿಷಾ ಕರ್ ಮಧು ಅವರ ಖಾಸಗಿ ವಿಡಿಯೋವನ್ನು ಚಿತ್ರೀಕರಿಸಿದ್ದು ಯಾರು, ಲೀಕ್ ಮಾಡಿದ್ದು ಯಾರು ಎಂಬುದು ತಿಳಿದುಬಂದಿಲ್ಲ. ಆದರೆ, ವಿಡಿಯೋ ಲೀಕ್ ಆಗುತ್ತಿದ್ದ ಹಾಗೆ ತ್ರಿಷಾ ಕರ್ ಮಧು ಸೋಷಿಯಲ್ ಮೀಡಿಯಾದಲ್ಲಿ ಟ್ರೋಲ್ ಆಗುತ್ತಿದ್ದಾರೆ. ಪಬ್ಲಿಸಿಟಿಗಾಗಿ ಬೇಕಂತ್ಲೇ ತ್ರಿಷಾ ಕರ್ ಮಧು ವಿಡಿಯೋ ಲೀಕ್ ಮಾಡಿದ್ದಾರೆ ಅಂತ ಟ್ರೋಲಿಗರು ವಾದಿಸುತ್ತಿದ್ದಾರೆ. ಯಾರೀ ತ್ರಿಷಾ ಕರ್ ಮಧು? ಅಂದ್ಹಾಗೆ, ಪಶ್ಚಿಮ ಬಂಗಾಳ ಮೂಲದ ತ್ರಿಷಾ ಕರ್ ಮಧು ಅವರಿಗೆ 27 ವರ್ಷ ವಯಸ್ಸು. 'ಹಮ್ ಹೇ ಹಿಂದೂಸ್ತಾನಿ' ಎಂಬ ಭೋಜ್‌ಪುರಿ ಸೀರಿಯಲ್ ಮೂಲಕ ಬಣ್ಣದ ಬದುಕಿಗೆ ತ್ರಿಷಾ ಕರ್ ಮಧು ಕಾಲಿಟ್ಟರು. ಭೋಜ್‌ಪುರಿಯ ಅನೇಕ ಸಿನಿಮಾಗಳ ಐಟಂ ಸಾಂಗ್‌ಗಳಲ್ಲಿ ತ್ರಿಷಾ ಕರ್ ಮಧು ಹೆಜ್ಜೆ ಹಾಕಿದ್ದಾರೆ.