ಬೆಂಗಳೂರಿಗೆ ಬಂದು RRR ಸಿನಿಮಾದ ಹಾಡು ರಿಲೀಸ್ ಮಾಡಿದ ರಾಜಮೌಳಿ; ಕನ್ನಡಿಗರ ಕ್ಷಮೆ ಕೇಳಿದ್ದೇಕೆ ಜಕ್ಕಣ್ಣ?

ಜ್ಯೂ. ಎನ್ಟಿಆರ್ ಮತ್ತು ರಾಮ್ ಚರಣ್ ಅಭಿನಯದ '' ಸಿನಿಮಾ ಈಗಾಗಲೇ ದೊಡ್ಡ ಹವಾ ಎಬ್ಬಿಸಿದೆ. ಈ ಸಿನಿಮಾವು ಜನವರಿ 7ರಂದು ಅದ್ದೂರಿಯಾಗಿ ರಿಲೀಸ್ ಆಗಲಿದೆ. ಆ ಹಿನ್ನೆಲೆಯಲ್ಲಿ ಬೆಂಗಳೂರಿಗೆ ಬಂದಿದ್ದ , ಚಿತ್ರದ ಬಹುಮುಖ್ಯವಾದ 'ಜನನಿ..' ಹಾಡನ್ನು ಬಿಡುಗಡೆ ಮಾಡಿದ್ದಾರೆ. ಅದಕ್ಕಾಗಿ ಬೆಂಗಳೂರಿಗೆ ಬಂದಿದ್ದ ಅವರು, ಹಾಡನ್ನು ರಿಲೀಸ್ ಮಾಡಿ, ಆ ಹಾಡಿನ ಬಗ್ಗೆ ಮಾತನಾಡಿದ್ದಾರೆ. ಕನ್ನಡದಲ್ಲೇ ಮಾತು ಆರಂಭಿಸಿದ ಅವರು, 'ನೀವು ನನ್ನನ್ನು ಎರಡು ವಿಚಾರದಲ್ಲಿ ಕ್ಷಮಿಸಬೇಕು' ಎಂದು ಎಲ್ಲರನ್ನು ಅಚ್ಚರಿಪಡಿಸಿದರು. 'ಮೊದಲನೆಯದಾಗಿ, ನನ್ನ ಕನ್ನಡದ ಬಗ್ಗೆ. ಅಷ್ಟೊಂದು ಚೆನ್ನಾಗಿ ಮಾತನಾಡಲು ಬರುವುದಿಲ್ಲ. ಎರಡನೆಯದಾಗಿ, ಈಗ ನಾನು ಯಾರಿಗೂ ಯಾವ ಸಂದರ್ಶನವನ್ನೂ ಕೊಡುವುದಿಲ್ಲ. ಈ ಕಾರ್ಯಕ್ರಮ ಸಿನಿಮಾದ ಪ್ರಚಾರನೂ ಅಲ್ಲ. ಜನನಿ ಹಾಡು ನಮ್ಮ ಆರ್ ಆರ್ ಆರ್ ಸಿನಿಮಾದ ಆತ್ಮ. ಆ ಆತ್ಮದೊಂದಿಗೆ ನಿಮ್ಮನ್ನು ಪರಿಚಯಿಸಲು ಬಂದಿದ್ದೇನೆ. ಮುಂದಿನ ತಿಂಗಳು ಟ್ರೇಲರ್ ರಿಲೀಸ್ ಆಗಲಿದೆ. ಆಗ ಬೆಂಗಳೂರಿನಲ್ಲಿ ಗ್ರ್ಯಾಂಡ್ ಆಗಿ ಪ್ರೀ-ರಿಲೀಸ್ ಇವೆಂಟ್ ಮಾಡಲು ನಿರ್ಧರಿಸಿದ್ದೇವೆ. ಅಂದು ನಮ್ಮೊಂದಿಗೆ ರಾಮ್ ಚರಣ್, ಜ್ಯೂ. ಎನ್ಟಿಆರ್, ಅಜಯ್ ದೇವಗನ್, ಆಲಿಯಾ ಭಟ್ ಸೇರಿದಂತೆ ಇಡೀ ತಂಡ ಇರುತ್ತದೆ. ನಮ್ಮ ಚಿತ್ರದ 'ಜನನಿ..' ಹಾಡಿನ ಬಗ್ಗೆ ಮಾತ್ರ ಇಂದು ಮಾತನಾಡುತ್ತೇನೆ. ಈ ಹಾಡಿನಲ್ಲಿ ಒಂದು ಎಮೋಷನ್ ಇದೆ. ಎಮೋಷನ್ ಇಲ್ಲದೆ ನಾನು ಏನನ್ನೂ ಮಾಡೋದಿಲ್ಲ..' ಎಂದು ಸಿನಿಪ್ರಿಯರ 'ಜಕ್ಕಣ್ಣ' ರಾಜಮೌಳಿ. 'RRR' ಸಿನಿಮಾ ಅನೌನ್ಸ್ ಆದಾಗಿನಿಂದ ನಿರೀಕ್ಷೆಯನ್ನು ದುಪ್ಪಟ್ಟು ಮಾಡುತ್ತಲೇ ಇದೆ. ಜೂ. ಎನ್‌ಟಿಆರ್, ರಾಮ್ ಚರಣ್, ಅಜಯ್ ದೇವಗನ್, ಆಲಿಯಾ ಭಟ್, ಶ್ರೀಯಾ ಶರಣ್ ಸೇರಿದಂತೆ ದೊಡ್ಡ ತಾರಾಬಳಗವೇ ಇರುವ ಈ ಸಿನಿಮಾದ ಎರಡು ಹಾಡುಗಳು ಈಗಾಗಲೇ ದೊಡ್ಡ ಮಟ್ಟದಲ್ಲಿ ಸದ್ದು ಮಾಡುತ್ತಿವೆ. 'ದೋಸ್ತಿ..' ಹಾಗೂ 'ಹಳ್ಳಿ ನಾಟು..' ಹಾಡು ಭರ್ಜರಿ ಸೌಂಡ್ ಮಾಡುತ್ತಿರುವ ಬೆನ್ನಲ್ಲೇ 'ಜನನಿ..' ಎಂಬ ಮತ್ತೊಂದು ಹಾಡು ಈಗ ಸಿನಿಪ್ರಿಯರ ಮುಂದಿದೆ. 'ಜನನಿ..' ಹಾಡು ಹೇಗಿದೆ?ದೃಶ್ಯಕಾವ್ಯದಂತಿರುವ 'ಜನನಿ..' ಹಾಡಿನ ಪ್ರತಿ ಫ್ರೇಮ್ ಕೂಡ ಅತ್ಯದ್ಭುತವಾಗಿ ಮೂಡಿಬಂದಿದೆ. ಇದು ಈ ಸಿನಿಮಾದ ಮೊದಲ ವಿಡಿಯೋ ಸಾಂಗ್ ಆಗಿದೆ. ಸಂಗೀತ ನಿರ್ದೇಶಕ ಎಂ.ಎಂ. ಕೀರವಾಣಿ ಮ್ಯೂಸಿಕ್ ಗುಂಗು ಹಿಡಿಸುವಂತೆ ಇದೆ. ಕ್ರೋಧ, ಭಯದ ನಡುವೆ ಮನಕಲುವ ದೃಶ್ಯಗಳು ನೋಡುಗರನ್ನು ಭಾವುಕರನ್ನಾಗಿ ಮಾಡುತ್ತವೆ. 3 ನಿಮಿಷದ 10 ಸೆಕೆಂಡ್‌ನ 'ಜನನಿ..' ಹಾಡು ಬೇರೆಯದ್ದೇ ಪ್ರಪಂಚಕ್ಕೆ ಕರೆದುಕೊಂಡು ಹೋಗುತ್ತದೆ. ಸೆಂಥಿಲ್ ಕುಮಾರ್ ಪ್ರತಿ ದೃಶ್ಯಗಳನ್ನು ಕ್ಯಾಮೆರಾ ಕಣ್ಣುಗಳಲ್ಲಿ ಅಚ್ಚುಕಟ್ಟಾಗಿ ಸೆರೆ ಹಿಡಿದಿದ್ದಾರೆ. ಕನ್ನಡ, ತೆಲುಗು, ಹಿಂದಿ, ತಮಿಳು ಹಾಗೂ ಮಲಯಾಳಂ ಭಾಷೆಗಳಲ್ಲಿ ಬಿಡುಗಡೆಯಾಗಿರುವ 'ಜನನಿ..' ಹಾಡಿಗೆ ಉತ್ತಮ ಪ್ರತಿಕ್ರಿಯೆ ಸಿಕ್ಕಿದ್ದು, ಜ.7ಕ್ಕೆ ಸಿನಿಮಾ ಅದ್ಧೂರಿಯಾಗಿ ತೆರೆಗೆ ಬರ್ತಿದೆ.