ಒಬಿಸಿ ಗಣತಿ ನಡೆಸಿದರೆ ಸಂಸತ್‌ನ ಒಳಗೂ ಹೊರಗೂ ಕೇಂದ್ರಕ್ಕೆ ನಮ್ಮ ಬೆಂಬಲ; ಮಾಯಾವತಿ
ಶುಕ್ರವಾರ ಟ್ವೀಟ್‌ ಮಾಡಿರುವ ಮಾಯಾವತಿ, ಇತರೆ ಹಿಂದುಳಿದ ವರ್ಗ (ಒಬಿಸಿ)ಗಳ ಗಣತಿ ನಡೆಯಬೇಕೆನ್ನುವುದು ನಮ್ಮ ಬಹುವರ್ಷಗಳ ಬೇಡಿಕೆ. ಕೇಂದ್ರ ಸರಕಾರವು ಒಬಿಸಿ ಗಣತಿ ನಡೆಸಲು ಮುಂದಾದರೆ ನಮ್ಮ ಪಕ್ಷವು ಸಂಸತ್‌ನ ಒಳಗೆ ಮತ್ತು ಹೊರಗೆ ಬೆಂಬಲ ನೀಡಲಿದೆ ಎಂದು ತಿಳಿಸಿದ್ದಾರೆ.
Admin
0
5
ಲಖನೌ: ಮುಂದಿನ ವರ್ಷ ವಿಧಾನಸಭೆ ಚುನಾವಣೆ ಎದುರಿಸಲಿರುವ ಉತ್ತರ ಪ್ರದೇಶದಲ್ಲಿ ಪ್ರಮುಖ ಪಕ್ಷಗಳು 'ಜಾತಿ ಕಾರ್ಡ್‌' ಪ್ರಯೋಗಿಸುತ್ತಿವೆ.
ಬ್ರಾಹ್ಮಣ ಸಮುದಾಯವನ್ನು ಸೆಳೆಯಲು ಎಸ್ಪಿ ಮುಖ್ಯಸ್ಥ ಅಖಿಲೇಶ್‌ ಯಾದವ್‌ ತಂತ್ರ ಹೆಣೆದ ಬೆನ್ನಲ್ಲಿಯೇ ಈಗ ಬಿಎಸ್ಪಿ ವರಿಷ್ಠ ನಾಯಕಿ ಒಬಿಸಿ ಗಣತಿಯ ಬಾಣ ಪ್ರಯೋಗಿಸಿದ್ದಾರೆ. ಈ ಕುರಿತು ಶುಕ್ರವಾರ ಟ್ವೀಟ್‌ ಮಾಡಿರುವ ಮಾಯಾವತಿ, ಇತರೆ ಹಿಂದುಳಿದ ವರ್ಗ (ಒಬಿಸಿ)ಗಳ ಗಣತಿ ನಡೆಯಬೇಕೆನ್ನುವುದು ನಮ್ಮ ಬಹುವರ್ಷಗಳ ಬೇಡಿಕೆ. ಕೇಂದ್ರ ಸರಕಾರವು ಒಬಿಸಿ ಗಣತಿ ನಡೆಸಲು ಮುಂದಾದರೆ ನಮ್ಮ ಪಕ್ಷವು ಸಂಸತ್‌ನ ಒಳಗೆ ಮತ್ತು ಹೊರಗೆ ಬೆಂಬಲ ನೀಡಲಿದೆ ಎಂದು ತಿಳಿಸಿದ್ದಾರೆ.
ಅಲ್ಲದೇ ಕೇಂದ್ರ ಸರಕಾರವು ಕಳೆದ ವಾರವಷ್ಟೇ ವೈದ್ಯಕೀಯ ಕೋರ್ಸ್‌ಗಳ ಅಖಿಲ ಭಾರತೀಯ ಕೋಟಾದಲ್ಲಿ ಒಬಿಸಿಗೆ ಶೇ.27 ಹಾಗೂ ಆರ್ಥಿಕವಾಗಿ ಹಿಂದುಳಿದ ವರ್ಗ (ಇಡಬ್ಲ್ಯೂಎಸ್‌)ಗಳಿಗೆ ಶೇ.10ರಷ್ಟು ಮೀಸಲು ಘೋಷಿಸಿದೆ. ಉತ್ತರ ಪ್ರದೇಶ ಚುನಾವಣೆ ಮೇಲೆ ಕಣ್ಣಿಟ್ಟೇ ಕೇಂದ್ರ ಸರಕಾರದಿಂದ ಈ ಘೋಷಣೆ ಮಾಡಲಾಗಿದೆ ಎಂದು ವ್ಯಾಖ್ಯಾನಿಸಲಾಗಿದೆ.
