ಹಸುಗೂಸಿನಿಂದ ವಯೋವೃದ್ಧರವರೆಗೆ ಎಲ್ಲ ವಯಸ್ಸಿನವರಿಗೂ ಕಾಡಿದ ಕೋವಿಡ್ 19 ಡೆಲ್ಟಾ ತಳಿ
ಡೆಲ್ಟಾ ತಳಿಯ ಕೋವಿಡ್ 19ಗೆ ಹಸುಗೂಸಿನಿಂದ ಹಿಡಿದು ವಯೋವೃದ್ಧರವರೆಗೆ ಪ್ರತಿಯೊಬ್ಬರೂ ತುತ್ತಾಗಿದ್ದಾರೆ. ಇದರಲ್ಲಿ 20-30 ವರ್ಷದ ವಯೋಮಾನದವರ ಸಂಖ್ಯೆ ಹೆಚ್ಚಾಗಿದೆ.
Admin
0
6
ಹೈದರಾಬಾದ್: ದೇಶದಲ್ಲಿ ಎರಡನೆಯ ಅಲೆಗೆ ಪ್ರಮುಖ ಕಾರಣ ಎಂದು ನಂಬಲಾಗಿರುವ ಅಥವಾ B.1.617.2 ರೂಪಾಂತರವು ನವಜಾತ ಶಿಶುಗಳಿಂದ ಹಿಡಿದು ವಯೋವೃದ್ಧರವರೆಗೆ ಎಲ್ಲ ವಯಸ್ಸಿನವರಿಗೂ ಹಾನಿ ಮಾಡಿದೆ. ಪುರುಷರು ಹಾಗೂ ಮಹಿಳೆಯರು ಕೂಡ ಸಮಾನವಾಗಿ ಇದರ ಹೊಡೆತಕ್ಕೆ ನಲುಗಿದ್ದಾರೆ. ಒಟ್ಟಾರೆ ಸೋಂಕಿತರಲ್ಲಿ ಪುರುಷರ ಸಂಖ್ಯೆ ಕೊಂಚ ಹೆಚ್ಚಿದೆ.
ಡೆಲ್ಟಾ ತಳಿಯು ಎಲ್ಲ ವಯೋಮಾನದವರಲ್ಲಿ ಕಂಡುಬಂದಿದ್ದರೂ ಅತ್ಯಧಿಕ ಪ್ರಕರಣಗಳು ಪತ್ತೆಯಾಗಿರುವುದು 20-30 ವಯಸ್ಸಿನವರಲ್ಲಿ. ಮಕ್ಕಳು, ತಾರುಣ್ಯದಲ್ಲಿರುವವರು, 30-39 ವರ್ಷದ ಗುಂಪಿನವರು ಕೂಡ ಇದಕ್ಕೆ ತುತ್ತಾಗಿದ್ದಾರೆ. ಸೇರಿದಂತೆ ಜಗತ್ತಿನ ವಿವಿಧ ದೇಶಗಳಲ್ಲಿ ಡೆಲ್ಟಾ ತಳಿ ಹಾಗೂ ಅದರ ರೂಪಾಂತರಗಳ ಬಗ್ಗೆ ಅಧ್ಯಯನ ನಡೆಸುತ್ತಿರುವ ಇಂಗ್ಲೆಂಡ್ ಸಾರ್ವಜನಿಕ ಆರೋಗ್ಯ ವಿಭಾಗವು ಈ ಮಾಹಿತಿ ನೀಡಿದೆ.
ತೆಲಂಗಾಣ ಮತ್ತು ಆಂಧ್ರಪ್ರದೇಶಗಳಲ್ಲಿ ನಡೆಸಲಾದ ಪ್ರಕರಣಗಳ ವಂಶವಾಹಿ ವಿಶ್ಲೇಷಣೆಯ ಪ್ರಮಾಣ ಸೀಮಿತವಾಗಿದ್ದರೂ, ಮಹಾರಾಷ್ಟ್ರದಲ್ಲಿ ಮೊದಲು ಪತ್ತೆಯಾಗಿದೆ ಎಂದು ನಂಬಲಾದ ಡಬಲ್ ಮ್ಯೂಟಂಟ್ ಎಂದು ಆರಂಭದಲ್ಲಿ ಕರೆಯಲಾಗುತ್ತಿದ್ದ ಡೆಲ್ಟಾ ತಳಿಯು ದೇಶದೆಲ್ಲೆಡೆ ಎರಡನೆಯ ಅಲೆಗೆ ಕಾರಣವಾಗಿದೆ. ತೆಲಂಗಾಣ ಸರಕಾರದ ಕೋವಿಡ್ ಪಾಸಿಟಿವ್ ವರದಿ ಕೂಡ ಎಲ್ಲ ವಯೋಮಾನದವರೂ ಸೋಂಕಿಗೆ ಒಳಗಾಗಿರುವುದನ್ನು ತೋರಿಸಿದೆ.
20-29 ಮತ್ತು 30-39 ವಯೋಮಾನದ ಜನರ ಗುಂಪು ಶೇ 40ರಷ್ಟು ಡೆಲ್ಟಾ ತಳಿ ಸೋಂಕಿಗೆ ಒಳಗಾಗಿದ್ದಾರೆ. ಈ ಡೆಲ್ಟಾ ತಳಿಯು ಕೆ417ಎನ್ ರೂಪಾಂತರದೊಂದಿಗೆ ಡೆಲ್ಟಾ ಪ್ಲಸ್ ಸ್ವರೂಪ ಪಡೆದುಕೊಂಡಿದೆ. ಡೆಲ್ಟಾಗೆ ಈಗ ಎರಡು ಮೂಲಗಳಿದ್ದು, T95I ಸ್ಪೈಕ್ ರೂಪಾಂತರದ AY.1 ಹಾಗೂ A22V ಸ್ಪೈಕ್ ರೂಪಾಂತರದ AY.2 ಎಂದು ಹೆಸರಿಸಲಾಗಿದೆ. ಎರಡನೆಯ ಅಲೆ ಆರಂಭವಾಗುವ ವೇಳೆ ಮಾರ್ಚ್‌ನಲ್ಲಿ ಪತ್ತೆಯಾಗಿದ್ದ AY.1 ಗುಂಪಿನಲ್ಲಿ ಜೂನ್ 16ರವರೆಗೂ ಎಂಟು ಪ್ರಕರಣಗಳು ಪತ್ತೆಯಾಗಿವೆ. AY.2 ಪ್ರಸ್ತುತ ಭಾರತದಲ್ಲಿ ಕಂಡುಬಂದಿಲ್ಲ. ಅಮೆರಿಕದಲ್ಲಿ ಮಾತ್ರ ಪತ್ತೆಯಾಗಿದೆ.
