ವೈದ್ಯರ ಪ್ರತಿಭಟನೆಗೆ ಏಮ್ಸ್ ಮತ್ತು ಫೈಮಾ ಬೆಂಬಲ: ಹೆಚ್ಚಲಿದೆ ರೋಗಿಗಳ ಸಂಕಷ್ಟ

ಹೊಸದಿಲ್ಲಿ: ಸುಪ್ರೀಂಕೋರ್ಟ್ ಕಡೆಗೆ ಮೆರವಣಿಗೆ ಸಾಗುತ್ತಿದ್ದವರನ್ನು ತಡೆದ ಕಾರಣಕ್ಕೆ ಪೊಲೀಸರು ಹಾಗೂ ನಿವಾಸಿ ವೈದ್ಯರ ನಡುವೆ ತೀವ್ರ ಸಂಘರ್ಷ ನಡೆದ ಘಟನೆ ದಿಲ್ಲಿಯ ಸಫ್ಡರ್‌ಜಂಗ್ ಆಸ್ಪತ್ರೆಯಲ್ಲಿ ನಡೆದಿದೆ. () ಕೌನ್ಸೆಲಿಂಗ್‌ನಲ್ಲಿನ ವಿಳಂಬಗಳ ವಿರುದ್ಧ () ಪ್ರತಿಭಟನೆ ನಡೆಸುವಾಗ ಈ ಅಹಿತಕರ ಘಟನೆ ನಡೆದಿದೆ ಎನ್ನಲಾಗಿದೆ. ಪ್ರವೇಶಾತಿ ಕೌನ್ಸೆಲಿಂಗ್ ವಿವಾದವು ಸುಪ್ರೀಂಕೋರ್ಟ್‌ನಲ್ಲಿ ವಿಚಾರಣೆಯಲ್ಲಿದ್ದು, ಕೌನ್ಸೆಲಿಂಗ್ ಅನ್ನು ತಡೆಹಿಡಿಯಲಾಗಿದೆ. ನೀಟ್-ಪಿಜಿ ಪರೀಕ್ಷೆಯ ಬಳಿಕ ಕಾಲೇಜು ಹಂಚಿಕೆಯಲ್ಲಿ ವಿಳಂಬವಾಗುತ್ತಿರುವುದನ್ನು ಒಪ್ಪಿಕೊಳ್ಳಲು ಸಾಧ್ಯವಿಲ್ಲ ಎಂದು ಪ್ರತಿಭಟನಾನಿರತ ವೈದ್ಯರು ಹೇಳಿದ್ದಾರೆ. ದಿಲ್ಲಿಯ ನಿವಾಸಿ ವೈದ್ಯರ ಗುಂಪುಗಳು ವೈದ್ಯಕೀಯ ಸೇವೆಗಳ ಸಂಪೂರ್ಣ ಸ್ಥಗಿತದ ಬೆದರಿಕೆ ಒಡ್ಡಿವೆ. ಇದರಿಂದ ಬುಧವಾರ ದೇಶಾದ್ಯಂತ ಬುಧವಾರ ವೈದ್ಯಕೀಯ ಸೇವೆಗಳಿಗೆ ಭಾರಿ ಹೊಡೆತ ಬೀಳುವ ಭೀತಿ ಎದುರಾಗಿದೆ. ಪ್ರತಿಭಟನಾನಿರತ ವೈದ್ಯರು ಹೊರಗೆ ಬಾರದಂತೆ ಪೊಲೀಸರು ಸಫ್ದರ್‌ಜಂಗ್ ಆಸ್ಪತ್ರೆಯ ಎಲ್ಲ ಮುಖ್ಯ ದ್ವಾರಗಳನ್ನು ಮುಚ್ಚಿದ್ದರು. ಸೋಮವಾರ ರಾತ್ರಿ ಪ್ರತಿಭಟನೆ ಸಂದರ್ಭದಲ್ಲಿ ಪೊಲೀಸ್ ಸಿಬ್ಬಂದಿ ತಮ್ಮ ಮೇಲೆ ಹಲ್ಲೆ ನಡೆಸಿದ್ದಾರೆ ಎಂದು ವೈದ್ಯರು ಆರೋಪಿಸಿದ್ದಾರೆ. ಆದರೆ ಬಲಪ್ರಯೋಗ ನಡೆಸಿರುವ ಆರೋಪವನ್ನು ಪೊಲೀಸರು ನಿರಾಕರಿಸಿದ್ದಾರೆ. ವೈದ್ಯರು ಮತ್ತು ಪೊಲೀಸರ ನಡುವೆ ಚಕಮಕಿ ನಡೆಯುವ ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ. ಬೆಂಬಲಈ ನಡುವೆ ಪ್ರತಿಭಟನಾ ನಿರತ ನಿವಾಸಿ ವೈದ್ಯರನ್ನು ಸೇರಿಕೊಳ್ಳಲು ಏಮ್ಸ್ () ಮತ್ತು ಅಖಿಲ ಭಾರತ ವೈದ್ಯಕೀಯ ಸಂಸ್ಥೆಗಳ ಒಕ್ಕೂಟ (FAIMA) ನಿರ್ಧರಿಸಿವೆ. ಪ್ರತಿಭಟನೆಯಿಂದ ದೂರವೇ ಉಳಿದಿರುವ ಕೆಲವು ಪ್ರಮುಖ ಸರ್ಕಾರಿ ವೈದ್ಯಕೀಯ ಕಾಲೇಜು ಆಸ್ಪತ್ರೆಗಳಲ್ಲಿ ಒಂದಾಗಿರುವ ಏಮ್ಸ್, ಕೇಂದ್ರ ಆರೋಗ್ಯ ಸಚಿವರಿಗೆ ಪತ್ರ ಬರೆದಿದೆ. ಈ ಸಂಬಂಧ ಯಾವುದೇ ಕಠಿಣ ಕ್ರಮ ತೆಗೆದುಕೊಳ್ಳದೆ ಇದ್ದರೆ, ಎಲ್ಲ ತುರ್ತು ಸೇವಾಯೇತರ ಕೆಲಸಗಳನ್ನು ಸ್ಥಗಿತಗೊಳಿಸುವ ಎಚ್ಚರಿಕೆ ನೀಡಿದೆ. 'ಈವರೆಗೆ ನಡೆದಿರುವ ಸಂಗತಿಗಳ ಬಗ್ಗೆ ಸರ್ಕಾರವು ವರದಿ ಬಿಡುಗಡೆ ಮಾಡುತ್ತದೆ ಎಂದು ಸುದೀರ್ಘ ಸಮಯ ಕಾದಿದ್ದೆವು. ಹಾಗೆಯೇ ನೀಟ್-ಪಿಜಿ ಕೌನ್ಸೆಲಿಂಗ್ ನಡೆಸಲು ಸರ್ಕಾರ ಇರಿಸಲಿರುವ ಹೆಜ್ಜೆಗಳ ಯೋಜನೆಗಳ ಬಗ್ಗೆಯೂ ಕಾಯುತ್ತಿದ್ದೇವೆ. 24 ಗಂಟೆಗಳ ಒಳಗೆ ಸರ್ಕಾರದಿಂದ ಯಾವುದೇ ಸೂಕ್ತ ಪ್ರತಿಕ್ರಿಯೆ ಬಾರದೆ ಹೋದರೆ ಏಮ್ಸ್ ಆರ್‌ಡಿಎ ಬುಧವಾರದಂದು ಮುನ್ನೆಚ್ಚರಿಕೆ ನೀಡುವ ಪ್ರತಿಭಟನೆಯನ್ನು ನಡೆಸಲಿದೆ. ಇದರಿಂದ ತುರ್ತು ಸೇವಾಯೇತರ ಎಲ್ಲ ಸೇವೆಗಳೂ ಸ್ಥಗಿತಗೊಳ್ಳಲಿವೆ' ಎಂದು ಪತ್ರದಲ್ಲಿ ತಿಳಿಸಲಾಗಿದೆ. ಇದರಿಂದ ರಾಜಧಾನಿಯ ರೋಗಿಗಳ ಚಿಕಿತ್ಸೆಗೆ ಮತ್ತಷ್ಟು ಸಂಕಷ್ಟ ಎದುರಾಗಲಿದೆ. ಸಫ್ದರ್‌ಜಂಗ್ ಮತ್ತು ಲೋಕ ನಾಯಕ್‌ನಂತಹ ದೊಡ್ಡ ಆಸ್ಪತ್ರೆಗಳು ಮುಷ್ಕರದಲ್ಲಿ ತೊಡಗಿವೆ. ಹೀಗಾಗಿ ಚಿಕಿತ್ಸೆಗಾಗಿ ರೋಗಿಗಳನ್ನು ಏಮ್ಸ್‌ಗೆ ಸ್ಥಳಾಂತರಿಸಲಾಗಿದೆ. ಏಮ್ಸ್‌ ಕೂಡ ಪ್ರತಿಭಟನೆಗೆ ಕೈಜೋಡಿಸಿದರೆ ರೋಗಿಗಳ ಪರದಾಟ ಹೆಚ್ಚಲಿದೆ. ಇದರೆ ಜತೆಗೆ ಫೈಮಾ, ಎಮರ್ಜೆನ್ಸಿ ಸೇವೆಗಳು ಸೇರಿದಂತೆ ಎಲ್ಲ ಕೆಲಸಗಳನ್ನೂ ಹಿಂಪಡೆಯುವಂತೆ ತನ್ನ ನಿವಾಸಿ ವೈದ್ಯರ ಸಂಸ್ಥೆಗೆ ಕರೆ ನೀಡಿದೆ. ಸೋಮವಾರ ನಡೆದ ಪೊಲೀಸ್ ದೌರ್ಜನ್ಯದ ಬಳಿಕ ಪ್ರತಿಭಟನೆ ತೀವ್ರಗೊಳ್ಳುವ ಸೂಚನೆ ದೊರೆತಿದೆ. ಎರಡು ರಾಷ್ಟ್ರೀಯ ಸಂಘಟನೆಗಳಾದ ನಿವಾಸಿ ವೈದ್ಯರ ಸಂಸ್ಥೆಯ ಒಕ್ಕೂಟ (FORDA) ಮತ್ತು FAIMA ನವೆಂಬರ್ ಅಂತ್ಯದಲ್ಲಿ ಹೊರರೋಗಿಗಳ ವಿಭಾಗದ (OPD) ಸೇವೆಗಳನ್ನು ಸ್ಥಗಿತಗೊಳಿಸಿದ್ದವು.