ಮಹಾರಾಷ್ಟ್ರ: ಮೀನುಗಾರನ ಬಲೆಗೆ ಬಿದ್ದ 1 ಕೋಟಿ ರೂ. ಮೌಲ್ಯದ ಮೀನುಗಳು, ಅದೃಷ್ಟ ಬದಲಿಸಿದ 157 ಮೀನು!
ಅದೃಷ್ಟ ಎಂದರೆ ಹೀಗಿರಬೇಕು. ಯಾಕೆಂದರೆ ಕೇವಲ 157 ಮೀನುಗಳು ವ್ಯಕ್ತಿಯೊಬ್ಬನನ್ನು ಕೋಟ್ಯಧೀಶ ಮಾಡಿದೆ. ಹೌದು, 157 'ಘೋಲ್‌' ಮೀನುಗಳು ಬರೋಬ್ಬರಿ 1.33 ಕೋಟಿ ರೂ. ಗೆ ಮಾರಾಟವಾಗಿದೆ. ಹಾಗಾದರೆ ಈ ಮೀನಿಗೆ ಯಾಕಿಷ್ಟು ಬೆಲೆ? ಇಲ್ಲಿದೆ ಈ ಬಗ್ಗೆ ಸಂಪೂರ್ಣ ಮಾಹಿತಿ.
Admin
0
7
ಮುಂಬಯಿ: ತಾನು ಹಿಡಿಯುವ ಮೀನಿ ಕೋಟಿ ಬೆಲೆಗೆ ಮಾರಾಟವಾಗುತ್ತೆ, ನನ್ನ ಜೀವನವೇ ಬದಲಾಗುತ್ತೆ ಎಂಬ ವಿಚಾರ ಅರಿಯದೆ ಮೀನು ಹಿಡಿಯಲು ಹೋದ ವ್ಯಕ್ತಿಯೊಬ್ಬ ಕೋಟ್ಯಧೀಶನಾಗಿದ್ದಾನೆ. ಹೌದು, ಮಹಾರಾಷ್ಟ್ರದಲ್ಲಿ ಮೀನುಗಾರನೊಬ್ಬ ಸಮುದ್ರದಲ್ಲಿ ಎಸೆದ ಬಲೆಗೆ 1.33 ಕೋಟಿ ರೂ. ಮೌಲ್ಯದ ಮೀನುಗಳು ಬಿದ್ದಿದ್ದು, ರಾತ್ರೋರಾತ್ರಿ ಕೋಟ್ಯಧೀಶನಾಗಿದ್ದಾನೆ.
ಪಾಲ್ಘರ್‌ನ ಚಂದ್ರಕಾಂತ್‌ ತಾರೆ ಎಂಬುವರು ಎಂಟು ಮೀನುಗಾರರ ಜತೆ ಸಮುದ್ರಕ್ಕೆ ತೆರಳಿದ್ದು, ಅವರು ಎಸೆದ ಬಲೆಗೆ 'ಸಮುದ್ರದ ಸ್ವರ್ಣ' ಎಂದೇ ಖ್ಯಾತಿಯಾಗಿರುವ, ಜಗತ್ತಿನೆಲ್ಲೆಡೆ ಬೇಡಿಕೆ ಇರುವ 157 'ಘೋಲ್‌' ಮೀನುಗಳು ಬಿದ್ದಿವೆ. ಈ ಮೀನುಗಳಲ್ಲಿ ಔಷಧೀಯ ಗುಣಗಳಿರುವ ಕಾರಣ ತಾರೆಗೆ ಹರಾಜಿನಲ್ಲಿ 1.33 ಕೋಟಿ ರೂ. ಲಭಿಸಿದೆ.
ಹಾಂಕಾಂಗ್‌, ಮಲೇಷ್ಯಾ, ಇಂಡೋನೇಷ್ಯಾ ಸೇರಿ ಹಲವು ದೇಶಗಳಲ್ಲಿ ಘೋಲ್‌ ಮೀನುಗಳಿಗೆ ಭಾರಿ ಬೇಡಿಕೆ ಇದೆ. ಇದೀಗ ಉತ್ತರ ಪ್ರದೇಶ ಹಾಗೂ ಬಿಹಾರ ಮೂಲದ ಉದ್ಯಮಿಗಳು ಹರಾಜಿನಲ್ಲಿ ಈ ಮೀನುಗಳನ್ನು ಖರೀದಿಸಿದ್ದಾರೆ. ಈ ಮೀನುಗಳ ಪ್ರತೀ ಭಾಗದಲ್ಲಿ ಔಷಧೀಯ ಗುಣವಿದೆ ಹೀಗಾಗಿ ಈ ಮೊತ್ತಕ್ಕೆ ಈ ಮೀನುಗಳು ಹಾರಾಜಾಗಿವೆ. ಈ ಮೀನುಗಳು ಇದೀಗ ವಿದೇಶಕ್ಕೆ ರಫ್ತಾಗಲಿವೆ.
ಈ ಮೂಲಕ ಮೀನಿಗಾರನ ಜೀವನವೇ ಬದಲಾಗಿದೆ. ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಪಾಲ್ಘರ್‌ನ ಚಂದ್ರಕಾಂತ್‌ ತಾರೆ, ಇಷ್ಟು ದಿನ ಸಮುದ್ರಕ್ಕೆ ತೆರಳಲು ನಿಷೇಧ ಹೇರಲಾಗಿತ್ತು. ಮೊದಲ ದಿನವೇ ಭಾರೀ ಮೊತ್ತದ ಮೀನು ಸಿಕ್ಕಿರುವುದು ಖುಷಿಯಾಗಿದೆ. ಈ ಹಣದಿಂದ ನನ್ನ ಸಮಸ್ಯೆ ಬಗೆಹರಿಯಲಿದೆ ಎಂದು ತಿಳಿಸಿದ್ದಾರೆ.
