ಮೊದಲ ಬಾರಿಗೆ 53,000 ಅಂಕಗಳ ಗಡಿ ದಾಟಿದ ಸೆನ್ಸೆಕ್ಸ್‌, ದಾಖಲೆ ಎತ್ತರಕ್ಕೆ ಷೇರು ಪೇಟೆ ಸೂಚ್ಯಂಕ
ಮುಂಬಯಿ ಷೇರು ವಿನಿಮಯ ಮಾರುಕಟ್ಟೆ ಸಂವೇದಿ ಸೂಚ್ಯಂಕ ಸೆನ್ಸೆಕ್ಸ್‌ ಬುಧವಾರ 194 ಅಂಕಗಳ ಜಿಗಿತದೊಂದಿದೆ 53,000 ಅಂಕಗಳ ಗಡಿ ದಾಟಿ ದಿನದ ವಹಿವಾಟು ಮುಕ್ತಾಯಗೊಳಿಸುವ ಮೂಲಕ ಹೊಸ ಮೈಲುಗಲ್ಲನ್ನು ದಾಖಲಿಸಿದೆ.
Admin
0
6
ಮುಂಬಯಿ: ಮುಂಬಯಿ ಸಂವೇದಿ ಸೂಚ್ಯಂಕ ಬುಧವಾರ 53,000 ಅಂಕಗಳ ಗಡಿ ದಾಟಿ ದಿನದ ವಹಿವಾಟು ಮುಕ್ತಾಯಗೊಳಿಸಿ ಹೊಸ ಮೈಲುಗಲ್ಲು ದಾಖಲಿಸಿದೆ.
ಸೂಚ್ಯಂಕ 194 ಅಂಕ ಜಿಗಿದಿದ್ದು, ಲೋಹ, ಹಣಕಾಸು, ಬ್ಯಾಂಕಿಂಗ್‌ ಷೇರುಗಳ ದರ ಭಾರಿ ಏರಿಕೆ ಕಂಡಿತು. ಕೇಂದ್ರ ಸಚಿವ ಸಂಪುಟ ಪುನಾರಚನೆಗೆ ಪೂರ್ವಭಾವಿಯಾಗಿ ಷೇರು ಪೇಟೆ ಉತ್ಸಾಹದಲ್ಲಿ ವಹಿವಾಟು ನಡೆಸಿತು. ಹೀಗಿದ್ದರೂ ಡಾಲರ್‌ ಎದುರು ರೂಪಾಯಿ ದುರ್ಬಲವಾಗಿರುವುದು, ಜಾಗತಿಕ ಷೇರು ಮಾರುಕಟ್ಟೆಯ ನಕಾರಾತ್ಮಕ ಫಲಿತಾಂಶ ಹೆಚ್ಚಿನ ಜಿಗಿತವನ್ನು ತಡೆಯಿತು ಎಂದು ವಿಶ್ಲೇಷಕರು ಹೇಳಿದ್ದಾರೆ.
ಇದೇ ರೀತಿ 61 ಅಂಕ ಚೇತರಿಸಿ 15,879ಕ್ಕೆ ದಿನದ ವಹಿವಾಟು ಮುಕ್ತಾಯಗೊಳಿಸಿತು. ಟಾಟಾ ಸ್ಟೀಲ್‌ ಷೇರು ದರ ಶೇ.4.38ರಷ್ಟು ಚೇತರಿಸಿತು. ಬಜಾಜ್‌ ಫಿನ್‌ಸರ್ವ್‌, ಇಂಡಸ್‌ಇಂಡ್‌ ಬ್ಯಾಂಕ್‌, ಎಚ್‌ಡಿಎಫ್‌ಸಿ, ನೆಸ್ಲೆಇಂಡಿಯಾ, ಏಷ್ಯನ್‌ ಪೇಂಟ್ಸ್‌, ಸನ್‌ ಫಾರ್ಮಾ, ಪವರ್‌ಗ್ರಿಡ್‌ ಷೇರು ದರ ಲಾಭ ಗಳಿಸಿತು. ಮತ್ತೊಂದು ಕಡೆ ಟೈಟಾನ್‌, ರಿಲಯನ್ಸ್‌ ಇಂಡಸ್ಟ್ರೀಸ್‌, ಎಂಆ್ಯಂಡ್‌ಎಂ, ಟೆಕ್‌ ಮಹೀಂದ್ರಾ, ಬಜಾಜ್‌ ಆಟೋ ಷೇರು ದರ ಇಳಿಯಿತು. ಡಾಲರ್‌ ಎದುರು ರೂಪಾಯಿ ಮೌಲ್ಯ 74.62 ರೂ.ಗೆ ಇಳಿಯಿತು. ಹಾಂಕಾಂಗ್‌, ಸೋಲ್‌, ಟೋಕಿಯೊದಲ್ಲಿ ಷೇರು ಸೂಚ್ಯಂಕಗಳು ನಷ್ಟಕ್ಕೀಡಾಯಿತು.
