'ಧೂಮಪ್ರಿಯ'ರಿಗೆ ಕಡಿವಾಣ: ಪಬ್, ಬಾರ್‌ಗಳಲ್ಲಿ ಧೂಮಪಾನ ನಿಷೇಧ ನಿಯಮ ಕಠಿಣ?
ಪಬ್‌ಗಳು, ಬಾರ್‌ಗಳು, ಹೋಟೆಲ್ ಮುಂತಾದ ಕಡೆಗಳಲ್ಲಿ ಧೂಮಪಾನ ನಿಷೇಧ ಕಾನೂನನ್ನು ಕಟ್ಟುನಿಟ್ಟಾಗಿ ಜಾರಿಗೆ ತರುವಂತೆ ಕರ್ನಾಟಕ ಸರ್ಕಾರ ಸಂಬಂಧಿಸಿದ ಇಲಾಖೆಗಳಿಗೆ ಸೂಚನೆ ನೀಡಿದೆ.
Admin
0
8
ಬೆಂಗಳೂರು: ಬಾರ್‌ಗಳು, ಪಬ್‌ಗಳು, ರೆಸ್ಟೋರೆಂಟ್ ಮತ್ತು ಹೋಟೆಲ್‌ಗಳಲ್ಲಿ ಸಿಗರೇಟ್ ಮತ್ತು ಹುಕ್ಕಾ ಸೇದುವಿಕೆಯನ್ನು ನಿಷೇಧಿಸುವುದಕ್ಕೆ ಸಂಬಂಧಿಸಿದಂತೆ ಉನ್ನತಾಧಿಕಾರ ಸಮಿತಿ ಕಳವಳ ವ್ಯಕ್ತಪಡಿಸಿರುವ ಹಿನ್ನೆಲೆಯಲ್ಲಿ, ಇನ್ನಷ್ಟು ಕಠಿಣ ನಿಯಮಗಳನ್ನು ಜಾರಿಗೊಳಿಸಲು ಸಂಬಂಧಿತ ಇಲಾಖೆಗಳಿಗೆ ಕರ್ನಾಟಕ ಸರ್ಕಾರ ಸೂಚನೆ ನೀಡಿದೆ.
ಪಬ್‌ಗಳಲ್ಲಿ ಮಾಡುವುದು, ಧೂಮಪಾನಿಗಳಿಗೆ ಶ್ವಾಸಕೋಶ ಸಂಬಂಧಿ ಸಮಸ್ಯೆಗಳನ್ನು ಉಂಟುಮಾಡುವುದು ಮಾತ್ರವಲ್ಲ, ವ್ಯಾಪಕ ಹರಡುವಿಕೆ ಸನ್ನಿವೇಶಗಳಿಗೂ ಕಾರಣವಾಗುತ್ತದೆ ಎಂದು ಪರಿಣತರು ಎಚ್ಚರಿಕೆ ನೀಡಿದ್ದಾರೆ.
ಗ್ರಂಥಿ ಶಾಸ್ತ್ರಜ್ಞ ಮತ್ತು ನಿಯಂತ್ರಣ ಉನ್ನತ ಅಧಿಕಾರ ಸಮಿತಿ ಸದಸ್ಯ ಡಾ. ಯುಎಸ್ ವಿಶಾಲ್ ರಾವ್, ಕಳೆದ ತಿಂಗಳು ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಅವರಿಗೆ ಪತ್ರ ಬರೆದಿದ್ದಾರೆ. ಹೋಟೆಲ್‌ಗಳು, ಬಾರ್, ರೆಸ್ಟೋರೆಂಟ್ ಮತ್ತು ಪಬ್‌ಗಳಲ್ಲಿ ಮುಖ್ಯವಾಗಿ ಕೋವಿಡ್ ಮೂರನೇ ಅಲೆ ಭೀತಿ ಇರುವ ಹಿನ್ನೆಲೆಯಲ್ಲಿ ಧೂಮಪಾನವನ್ನು ಕಟ್ಟುನಿಟ್ಟಾಗಿ ಜಾರಿಗೆ ತರುವಂತೆ ಮನವಿ ಮಾಡಿದ್ದಾರೆ.
'ಧೂಮಪಾನದ ಕ್ರಿಯೆಯೇ ಹೊಗೆ ಉಗುಳುವಿಕೆಯ ಮೂಲಕ ಏರೋಸೊಲ್‌ಗಳು ಮತ್ತು ವೈರಾಣು ಅಂಶಗಳನ್ನು ಹರಡಬಲ್ಲವು. ಜತೆಗೆ, ಸಾಮಾನ್ಯ ಮಾತುಕತೆ ವೇಳೆ ನಡೆಸುವ ಉಸಿರಾಟವು ಹೊಗೆ ಎರಡು ಪಟ್ಟು ಹೆಚ್ಚು ವೇಗವಾಗಿ ಹರಡಬಲ್ಲದು. ಧೂಮಪಾನಿಗಳು ಸಿಗರೇಟ್ ಅಥವಾ ವ್ಯಾಪಿಂಗ್ ಬಳಸುವಾಗ ಮಾಸ್ಕ್ ಧರಿಸಿರುವುದಿಲ್ಲ. ಇದರಿಂದ ಧೂಮಪಾನಿಗಳಿಗೆ ಸೋಂಕು ತಗುಲುವ ಅಪಾಯ ಅತಿ ಹೆಚ್ಚಿರುತ್ತದೆ' ಎಂದು ಅವರು ಹೇಳಿದ್ದಾರೆ.
ಧೂಮಪಾನಿಗಳು ಉಸಿರನ್ನು ಬಲವಂತವಾಗಿ ಹೊರಬಿಡುತ್ತಾರೆ. ಇದರಿಂದ ಅವರ ಶ್ವಾಸಕೋಶದಿಂದ ಹೊರಬರುವ ಅಂಶಗಳು ಇನ್ನೂ ಹೆಚ್ಚು ವೇಗವಾಗಿ ಮತ್ತು ದೂರಕ್ಕೆ ಪ್ರಸರಣವಾಗಬಲ್ಲವು ಎಂದು ಅವರು ತಿಳಿಸಿದ್ದಾರೆ.
ಈ ಪತ್ರದ ಬಳಿಕ ಮುಖ್ಯಮಂತ್ರಿಗಳ ಪ್ರಧಾನ ಕಾರ್ಯದರ್ಶಿ ಎನ್ ಮಂಜುನಾಥ್ ಪ್ರಸಾದ್ ಅವರು ಸೆ. 22ರಂದು ಬಿಬಿಎಂಪಿ ಮುಖ್ಯ ಆಯುಕ್ತರು, ನಗರ ಪೊಲೀಸ್ ಆಯುಕ್ತರು, ನಗರಾಭಿವೃದ್ಧಿ ಇಲಾಖೆ, ಗೃಹ ಇಲಾಖೆ ಮತ್ತು ಅಬಕಾರಿ ಇಲಾಖೆಗಳಿಗೆ ಸೂಚನೆ ರವಾನಿಸಿದ್ದು, ರೆಸ್ಟೋರೆಂಟ್, ದರ್ಶಿನಿಗಳು, , ಹೋಟೆಲ್ ಮತ್ತು ಕೆಫೆಗಳಲ್ಲಿ ಧೂಮಪಾನವನ್ನು ಕಟ್ಟುನಿಟ್ಟಾಗಿ ನಿಷೇಧಿಸುವಂತೆ ಹೇಳಿದ್ದಾರೆ.
ಸಾಂಕ್ರಾಮಿಕದ ಸಂದರ್ಭದಲ್ಲಿ ಸಿಒಟಿಪಿಎ (ಸಿಗರೇಟ್ ಮತ್ತು ಇತರೆ ತಂಬಾಕು ಉತ್ಪನ್ನಗಳ ಕಾಯ್ದೆ) ಉಲ್ಲಂಘನೆಯಾಗುತ್ತಿರುವ ಬಗ್ಗೆ ಮುಖ್ಯಮಂತ್ರಿಗಳ ಕಚೇರಿಯಿಂದ ಸೂಚನೆ ಬಂದಿರುವುದನ್ನು ಬಿಬಿಎಂಪಿ ವಿಶೇಷ ಆಯುಕ್ತ ರಣದೀಪ್ ಡಿ ಖಚಿತಪಡಿಸಿದ್ದಾರೆ. ಕೋವಿಡ್ ವ್ಯಾಖ್ಯಾನವು ಅಂತಹ ಸ್ಥಳಗಳಲ್ಲಿ ಧೂಮಪಾನ ನಿಷೇಧವನ್ನು ಜಾರಿಗೊಳಿಸಲು ನಮಗೆ ಸುಲಭವಾಗಿಸಲಿದೆ ಎಂದು ಅವರು ತಿಳಿಸಿದ್ದಾರೆ.
