'ತಲ್ವಾರ್ ಪೇಟೆ'ಯಲ್ಲಿ ವಿಶಿಷ್ಟ ವಸಿಷ್ಟ ಸಿಂಹಗೆ ಜೋಡಿಯಾದ ಸೋನಲ್ ಮಂಥೆರೋ

ಲವಲವಿಕೆ ಸುದ್ದಿಲೋಕ ಸ್ಯಾಂಡಲ್‌ವುಡ್ ನಟ ವಿಭಿನ್ನ ರೀತಿಯ ಪಾತ್ರಗಳನ್ನು ಒಪ್ಪಿಕೊಳ್ಳುತ್ತಿದ್ದು, ಈಗ ಅವರು ನಟಿಸುತ್ತಿರುವ ‘ತಲ್ವಾರ್‌ ಪೇಟೆ’ಯಲ್ಲೂ ಅವರ ಪಾತ್ರ ವಿಶಿಷ್ಟವಾಗಿದೆ. ಇಂದು ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿರುವ ಅವರ ಬಗ್ಗೆ ಈ ಸಿನಿಮಾದ ನಿರ್ಮಾಪಕ ಶೈಲೇಶ್‌ ಕುಮಾರ್‌ ಮಾತನಾಡಿದ್ದಾರೆ. ವಿಶಿಷ್ಟ ಪಾತ್ರದಲ್ಲಿ ವಸಿಷ್ಠ ಸಿಂಹ ಕೊರೋನಾ ಲಾಕ್‌ಡೌನ್‌ ತೆರವಾದ ಮೇಲೆ ಕರ್ನಾಟಕದ ವಿವಿಧ ಭಾಗಗಳಲ್ಲಿ ಸದ್ದಿಲ್ಲದೆ ಚಿತ್ರೀಕರಣ ನಡೆಸುತ್ತಿರುವ ‘ತಲ್ವಾರ್‌ ಪೇಟೆ’ ಸಿನಿಮಾದಲ್ಲಿ ವಸಿಷ್ಠ ಸಿಂಹ ವಿಶಿಷ್ಟ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಸಿನಿಮಾವನ್ನು ಶ್ರೀ ನಾಗಬ್ರಹ್ಮ ಕ್ರಿಯೇಷನ್ಸ್‌ ಬ್ಯಾನರ್‌ನಿಂದ ಡಾ. ಶೈಲೇಶ್‌ ಕುಮಾರ್‌ ನಿರ್ಮಾಣ ಮಾಡುತ್ತಿದ್ದಾರೆ. ಸಿನಿಮಾದಲ್ಲಿನ ವಸಿಷ್ಠ ಸಿಂಹ ಅವರ ಪಾತ್ರದ ಬಗ್ಗೆ ಮಾತನಾಡಿರುವ ಡಾ.ಶೈಲೇಶ್‌ ಕುಮಾರ್‌, ‘ವಸಿಷ್ಠ ಸಿಂಹ ನಮ್ಮ ಸಿನಿಮಾದಲ್ಲಿ ವಿಶಿಷ್ಟವಾದ ನಾಯಕನ ಪಾತ್ರದಲ್ಲಿ ಮಿಂಚಲಿದ್ದಾರೆ. ತಮ್ಮ ಧ್ವನಿ ಮತ್ತು ನೈಜ ನಟನೆಯಿಂದ ಈಗಾಗಲೇ ಹಲವು ಸಿನಿಮಾಗಳಲ್ಲಿ ನಾಯಕ ಹಾಗೂ ಖಳನಾಯಕ ಎರಡನ್ನೂ ನಿರ್ವಹಿಸಿ ಕನ್ನಡಿಗರ ಮನಗಳಲ್ಲಿ ಮನೆಮಾತಾಗಿದ್ದಾರೆ. ಈಗ ನಮ್ಮ ‘ತಲ್ವಾರ್‌ ಪೇಟೆ’ಯಲ್ಲಿ ನಾಯಕನಟನಾಗಿ ಪರಿಪೂರ್ಣ ಅಭಿನಯ ನೀಡಲಿದ್ದಾರೆ. ಅವರ ಅಭಿನಯವನ್ನು ಅಷ್ಟೇ ವಿಶಿಷ್ಟವಾಗಿ ನಂದಕುಮಾರ್‌ ತಮ್ಮ ಕ್ಯಾಮೆರಾದಲ್ಲಿ ಸೆರೆ ಹಿಡಿಯಲಿದ್ದಾರೆ’ ಎಂದಿದ್ದಾರೆ. ಪ್ರೇಮಕಥೆ ಇರುವ '' ‘ತಲ್ವಾರ್‌ಪೇಟೆ’ ಒಂದು ಮುಗ್ಧ ಪ್ರೇಮಕಥೆ. ಇದನ್ನು ಲಕ್ಷ್ಮಣ್‌- ಶ್ರೀರಾಮ್‌ ಎಂಬ ಸಹೋದರರ ಜೋಡಿ ನಿರ್ದೇಶನ ಮಾಡುತ್ತಿದೆ. ಈ ಸಿನಿಮಾಗೆ ಹರ್ಷವರ್ಧನ್‌ ರಾಜ್‌ ಸಂಗೀತ ನಿರ್ದೇಶನವಿದೆ. 60% ಚಿತ್ರೀಕರಣ ಮುಕ್ತಾಯ ಶ್ರೀರಾಮ್‌ ಮತ್ತು ಲಕ್ಷ್ಮಣ್‌ ಅವರಿಗೆ ‘ಉಗ್ರಂ’ ಮತ್ತು ‘ಮಫ್ತಿ’ಯಲ್ಲಿ ಕೆಲಸ ಮಾಡಿದ ಅನುಭವವಿದೆ. ಹೊಸ ರೀತಿಯ ಮೇಕಿಂಗ್‌ ಮೂಲಕ ಪ್ರೇಕ್ಷಕರಿಗೆ ಉತ್ತಮ ಸಿನಿಮಾ ನೀಡುವ ಆಸೆಯಿಂದ ಈ ಸಿನಿಮಾವನ್ನು ಈ ಅವಳಿ ಸಹೋದರರು ನಿರ್ದೇಶನ ಮಾಡುತ್ತಿದ್ದಾರೆ. ಇವರಿಗೆ ನಿರ್ಮಾಪಕ ಡಾ. ಶೈಲೇಶ್‌ ಕುಮಾರ್‌ ಸಂಪೂರ್ಣ ಸಹಕಾರ ನೀಡುತ್ತಿದ್ದು, ಈಗಾಗಲೇ ಶೇ.60ರಷ್ಟು ಚಿತ್ರೀಕರಣ ಮುಗಿದಿದೆ. ತಾರಾಗಣದಲ್ಲಿ ಯಾರಿದ್ದಾರೆ? ಈ ಸಿನಿಮಾದಲ್ಲಿ ನಾಯಕಿಯಾಗಿ ಸೋನಲ್ ಮಂಥೆರೋ ನಟಿಸುತ್ತಿದ್ದಾರೆ. ಸೀರಿಯಲ್‌ ಸೆಟ್‌ ಚಂದ್ರಪ್ಪ ಎಂಬ ವಿಶೇಷ ಪಾತ್ರದಲ್ಲಿಆರ್ಮುಗಂ ರವಿಶಂಕರ್‌ ಕಾಣಿಸಿಕೊಳ್ಳುತ್ತಿದ್ದಾರೆ. ಪಂಚಭಾಷೆಗಳಲ್ಲಿ ನಟಿಸಿ ಹೆಸರು ಮಾಡಿರುವ ಹರೀಶ್‌ ಉತ್ತಮನ್‌, ಯಶ್‌ ಶೆಟ್ಟಿ, ಆಶಾಲತಾ, ವೀಣಾ ಪೊನ್ನಪ್ಪ, ಸುರೇಶ್‌ ಚಂದ್ರ, ಮನು ಮತ್ತಿತರರು ನಟಿಸಿದ್ದಾರೆ. ವಸಿಷ್ಠ ಸಿಂಹ ಅವರಿಗೆ ಹುಟ್ಟುಹಬ್ಬದ ಸಂಭ್ರಮ ವಸಿಷ್ಠ ಅವರು ಈ ಸಿನಿಮಾದಲ್ಲಿ ವಿಶಿಷ್ಟವಾದ ನಾಯಕನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಶ್ರೀನಾಗಬ್ರಹ್ಮ ಕ್ರಿಯೇಷನ್ಸ್‌ ಮತ್ತು ನಮ್ಮ ‘ತಲ್ವಾರ್‌ ಪೇಟೆ’ ಚಿತ್ರತಂಡದಿಂದ ವಸಿಷ್ಠ ಅವರಿಗೆ ಹುಟ್ಟುಹಬ್ಬದ ಶುಭಾಶಯಗಳನ್ನು ತಿಳಿಸುತ್ತಿದ್ದೇವೆ" ಎಂದು ನಿರ್ಮಾಪಕ ಡಾ. ಶೈಲೇಶ್‌ ಕುಮಾರ್‌ ಹೇಳಿದ್ದಾರೆ. 'ಕಾಲಚಕ್ರ' ಸಿನಿಮಾದಲ್ಲಿಯೂ ವಸಿಷ್ಠ ಸಿಂಹ ನಟಿಸಿದ್ದಾರೆ. ಪಶ್ಚಿಮ ಬಂಗಾಳದ ಟ್ಯಾಗೂರ್ ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಪ್ರದರ್ಶನಗೊಂಡು, ತೀರ್ಪುಗಾರರ ಮೆಚ್ಚುಗೆಗೆ ಪಾತ್ರವಾಗಿತ್ತು.