'ಟಕಾ ಟಕ್‌ ಸ್ಟಾರ್‌' ಆಗಿ 'ಸಜನ್‌ ರೆ ಝೂಟ್‌ ಮತ್‌ ಬೋಲೊ' ಎಂದ ಹರ್ಷಿಕಾ ಪೂಣಚ್ಚ
ಕೋವಿಡ್‌ ಸಂತ್ರಸ್ತರ ನೆರವು ಕಾರ್ಯಗಳಲ್ಲಿಬಿಝಿಯಾಗಿದ್ದ ನಟಿ ಹರ್ಷಿಕಾ ಪೂಣಚ್ಚ ಅದರ ಮಧ್ಯೆಯೇ ಮತ್ತೊಂದು ಭೋಜ್‌ಪುರಿ ಭಾಷೆಯ ಸಿನಿಮಾ ಒಪ್ಪಿಕೊಂಡಿದ್ದಾರೆ. ಅದರಲ್ಲಿ ಅವರು ಸೋಷಿಯಲ್‌ ಮೀಡಿಯಾ ಸ್ಟಾರ್‌ ಪಾತ್ರದಲ್ಲಿ ನಟಿಸುತ್ತಿದ್ದಾರೆ.
Admin
0
9
(ಬಬಿತಾ ಎಸ್‌.)
ಸ್ಯಾಂಡಲ್‌ವುಡ್‌ ನಟಿ ಹರ್ಷಿಕಾ ಪೂಣಚ್ಚರಿಗೆ ಭೋಜ್‌ಪುರಿ ಚಿತ್ರರಂಗದಲ್ಲಿ ಅದೃಷ್ಟ ಖುಲಾಯಿಸುತ್ತಿರುವಂತೆ ಕಾಣುತ್ತಿದೆ. ಈಗಾಗಲೇ ಅವರು ಅಲ್ಲಿನ ಸಿನಿಮಾವೊಂದರಲ್ಲಿನಟಿಸಿದ್ದು, ಅದು ಬಿಡುಗಡೆಯಾಗುವ ಮುನ್ನವೇ ಅವರಿಗೆ ಮತ್ತೊಂದು ಬಿಗ್‌ ಸಿನಿಮಾ ಪ್ರಾಜೆಕ್ಟ್ ಸಿಕ್ಕಿದೆ.
'ಸಜನ್‌ ರೆ ಝೂಟ್‌ ಮತ್‌ ಬೋಲೊ' ಎಂಬ ಟೈಟಲ್‌ನ ಈ ರೊಮ್ಯಾಂಟಿಕ್‌ ಕಮ್‌ ಕಾಮಿಡಿ ಸಿನಿಮಾದಲ್ಲಿಅವರು ಭೋಜ್‌ಪುರಿಯ ಜನಪ್ರಿಯ ಸ್ಟಾರ್‌ ನಟ ಪ್ರದೀಪ್‌ ಪಾಂಡೆ ಚಿಂಟುರಿಗೆ ನಾಯಕಿಯಾಗಿ ನಟಿಸುತ್ತಿದ್ದಾರೆ.
ಈ ಬಗ್ಗೆ ಮಾತನಾಡಿರುವ , 'ಈ ಸಿನಿಮಾದಲ್ಲಿ ನನ್ನ ಪಾತ್ರ ಟಕಾ ಟಕ್‌ ಸ್ಟಾರ್‌ನಂಥದ್ದು. ಆಕೆ ಯಾವಾಗಲೂ ವಿಡಿಯೋಗಳನ್ನು ಮಾಡಿ ಸೋಶಿಯಲ್‌ ಮೀಡಿಯಾದಲ್ಲಿ ಶೇರ್‌ ಮಾಡುತ್ತಿರುತ್ತಾಳೆ. ತುಂಬಾ ಒಳ್ಳೆಯ ಪಾತ್ರವಿದು. ಮೊದಲಿಗೆ ಬಬ್ಲಿಬಬ್ಲಿಯಾಗಿರುವ ನನ್ನ ಪಾತ್ರ ಕೊನೆಗೆ ಭಾವನಾತ್ಮಕವಾಗಿ ಕ್ಲಾಸಿಯಾಗುತ್ತದೆ' ಎಂದಿದ್ದಾರೆ.
ಪ್ರೇಮಾಂಶು ಸಿಂಗ್‌ ನಿರ್ದೇಶನದ ಈ ಸಿನಿಮಾದ ಒಂದು ಹಂತದ ಶೂಟಿಂಗ್‌ ಕರ್ನಾಟಕ ಮಹಾರಾಷ್ಟ್ರ ಗಡಿಯಲ್ಲಿರುವ ಸೊಲ್ಹಾಪುರದಲ್ಲಿ ನಡೆದಿದೆ. ಸದ್ಯಕ್ಕೆ ಹೈದರಾಬಾದ್‌ನಲ್ಲಿ ಶೂಟಿಂಗ್‌ ನಡೆಯುತ್ತಿದ್ದು, ಮುಂದಿನ ಚಿತ್ರೀಕರಣ ಗುಜರಾತ್‌ನಲ್ಲಿ ನಡೆಯಲಿದೆ ಎಂದು ಹರ್ಷಿಕಾ ಹೇಳಿದ್ದಾರೆ.
ಕೋವಿಡ್‌ ನೆರವು ಕಾರ್ಯದಲ್ಲಿ ಪಾಲ್ಗೊಂಡು ಈಗ ಚಿತ್ರೀಕರಣದಲ್ಲಿ ತೊಡಗಿಕೊಂಡಿದ್ದೇನೆ. ನಾನು ಆಗಲೇ ಭೋಜ್‌ಪುರಿ ಭಾಷೆಯನ್ನು ಚೆನ್ನಾಗಿ ಕಲಿತುಕೊಂಡಿರುವ ಕಾರಣ ಈ ಸಿನಿಮಾದಲ್ಲಿ ತುಂಬಾ ಕಂಫರ್ಟಬಲ್‌ ಆಗಿ ನಟಿಸಿದ್ದೇನೆ ಎಂದು ಹೇಳಿದ್ದಾರೆ ಹರ್ಷಿಕಾ ಪೂಣಚ್ಚ
