ಕೋವಿಡ್ ಲಸಿಕೆ ಅಭಾವ: ಪ್ರಧಾನಿಗೆ 4 ಸಲಹೆಗಳನ್ನು ನೀಡಿದ ಅರವಿಂದ್ ಕೇಜ್ರಿವಾಲ್

ಹೊಸದಿಲ್ಲಿ: ಲಸಿಕೆ ಉತ್ಪಾದನೆಯನ್ನು ಹೆಚ್ಚಿಸುವ ಸಂಬಂಧ ಪ್ರಧಾನಿ ಅವರಿಗೆ ಪತ್ರ ಬರೆದಿರುವ ದೆಹಲಿ ಮುಖ್ಯಮಂತ್ರಿ , ನಾಲ್ಕು ಸಲಹೆಗಳನ್ನು ನೀಡಿದ್ದಾರೆ. ರಾಜ್ಯದಲ್ಲಿ ಡೋಸ್‌ಗಳ ಕೊರತೆ ಇರುವುದರಿಂದ 18-44 ವಯೋಮಿತಿಯ ಜನರಿಗೆ ಲಸಿಕೆ ನೀಡುವುದನ್ನು ಸ್ಥಗಿತಗೊಳಿಸಲಾಗಿದೆ ಎಂದಿರುವ ಅವರು, ಮೂರನೇ ಅಲೆ ಕೋವಿಡ್‌ನಿಂದ ದೇಶವನ್ನು ರಕ್ಷಿಸಲು ಲಸಿಕೆ ಕಾರ್ಯಕ್ರಮವನ್ನು ಚುರುಕುಗೊಳಿಸುವುದು ಮುಖ್ಯವಾಗಿದೆ ಎಂದು ಹೇಳಿದ್ದಾರೆ. 'ಕೇಂದ್ರ ಸರ್ಕಾರವು 18-44 ವರ್ಷದವರಿಗಾಗಿ ಕಳುಹಿಸಿದ ಎಲ್ಲ ಡೋಸ್‌ಗಳನ್ನೂ ನಾವು ಬಳಸಿದ್ದೇವೆ. ಕೆಲವು ಡೋಸ್‌ಗಳು ಬಾಕಿ ಉಳಿದಿವೆ. ಅವುಗಳನ್ನು ಕೂಡ ನಾವು ಸಂಜೆ ಬಳಸುತ್ತೇವೆ. ಇದು ದುಃಖದ ಸಂಗತಿ. ಇದರ ಬಗ್ಗೆ ಕೇಂದ್ರಕ್ಕೆ ಈ ಹಿಂದೆಯೂ ಪತ್ರ ಬರೆದಿದ್ದೆವು. ನಮಗೆ ಲಸಿಕೆ ಪೂರೈಕೆಯಾದ ಕೂಡಲೇ ಲಸಿಕೆ ನೀಡಿಕೆ ಕೇಂದ್ರಗಳನ್ನು ನಾವು ಮತ್ತೆ ತೆರೆಯುತ್ತೇವೆ' ಎಂದು ವಿಡಿಯೋ ಸಂವಾದದ ವೇಳೆ ಕೇಜ್ರಿವಾಲ್ ತಿಳಿಸಿದ್ದಾರೆ. ಲಸಿಕೆ ಡೋಸ್ ಸಾಲುತ್ತಿಲ್ಲದೆಹಲಿಗೆ ಪ್ರತಿ ತಿಂಗಳೂ 80 ಲಕ್ಷ ಡೋಸ್ ಲಸಿಕೆ ಬೇಕಾಗುತ್ತದೆ. ಆದರೆ ಮೇ ತಿಂಗಳಲ್ಲಿ ನಮಗೆ 16 ಲಕ್ಷ ಡೋಸ್ ಮಾತ್ರ ದೊರಕಿದೆ. ಜೂನ್ ತಿಂಗಳಿಗೆ ನಮ್ಮ ಪಾಲಿನ ಡೋಸ್‌ಗಳನ್ನು ಇನ್ನೂ ಎಂಟು ಲಕ್ಷ ಡೋಸ್‌ಗಳ ಇಳಿಸಲಾಗಿದೆ. ನಗರಕ್ಕೆ ಪ್ರತಿ ತಿಂಗಳೂ ಎಂಟು ಲಕ್ಷ ಡೋಸ್‌ನಷ್ಟು ಮಾತ್ರ ಲಸಿಕೆ ದೊರೆತರೆ, ಇಡೀ ನಗರಕ್ಕೆ ಲಸಿಕೆ ನೀಡಲು ಕನಿಷ್ಠ 30 ತಿಂಗಳು ಬೇಕಾಗುತ್ತದೆ ಎಂದು ಕೇಜ್ರಿವಾಲ್ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ನಾಲ್ಕು ಸಲಹೆಗಳುಪ್ರಧಾನಿಗೆ ನಾಲ್ಕು ಸಲಹೆಗಳನ್ನು ನೀಡಿರುವ ಕೇಜ್ರಿವಾಲ್, ಲಸಿಕೆ ಉತ್ಪಾದನೆ ಹೆಚ್ಚಿಸುವುದಕ್ಕಾಗಿ ದೇಶದಲ್ಲಿನ ಎಲ್ಲ ಲಸಿಕೆ ತಯಾರಕರಿಗೂ 24 ಗಂಟೆಯೊಳಗೆ ಭಾರತ್ ಬಯೋಟೆಕ್‌ನ ಕೋವ್ಯಾಕ್ಸಿನ್ ಉತ್ಪಾದನೆ ಆರಂಭಿಸುವಂತೆ ಆದೇಶಿಸಬೇಕು ಎಂದಿದ್ದಾರೆ. ವಿದೇಶಿ ಲಸಿಕೆ ತಯಾರಕರಿಗೂ ಭಾರತದಲ್ಲಿ ಲಸಿಕೆ ನೀಡಲು 24 ಗಂಟೆಗಳ ಒಳಗೆ ಅನುಮತಿ ನೀಡಬೇಕು. ಕೇಂದ್ರ ಸರ್ಕಾರವು ಅಂತಾರಾಷ್ಟ್ರೀಯ ಲಸಿಕೆ ಉತ್ಪಾದಕರೊಂದಿಗೆ ಮಾತುಕತೆ ನಡೆಸಬೇಕು. ಅವುಗಳನ್ನು ಖರೀದಿಸಿ ರಾಜ್ಯಗಳಿಗೆ ಹಂಚಿಕೆ ಮಾಡಬೇಕು. ರಾಜ್ಯಗಳು ಹಾಗೂ ಕೇಂದ್ರಾಡಳಿತ ಪ್ರದೇಶಗಳು ಪರಸ್ಪರ ಕಚ್ಚಾಡುವಂತಾಗಿದೆ ಎಂದು ಹೇಳಿದ್ದಾರೆ. ಲಸಿಕೆ ನಮಗೆ ನೀಡಲು ಮನವಿ ಮಾಡಿಕೆಲವು ದೇಶಗಳು ತಮಗೆ ಅಗತ್ಯವಿರುವುದಕ್ಕಿಂತಲೂ ಹೆಚ್ಚಿನ ಲಸಿಕೆಗಳನ್ನು ಸಂಗ್ರಹಿಸಿವೆ. ಹೆಚ್ಚುವರಿ ಲಸಿಕೆಗಳನ್ನು ಭಾರತಕ್ಕೆ ನೀಡುವಂತೆ ಆ ದೇಶಗಳಿಗೆ ಕೇಂದ್ರ ಮನವಿ ಮಾಡಬೇಕು ಎಂದು ಸಲಹೆ ನೀಡಿದ್ದಾರೆ. ಭಾರತದಲ್ಲಿ ಉತ್ಪಾದನೆಗಾಗಿ ಅಂತಾರಾಷ್ಟ್ರೀಯ ಲಸಿಕೆ ಉತ್ಪಾದಕರಿಗೆ ಅನುಮತಿ ನೀಡಬೇಕು ಎಂದು ಅವರು ಒತ್ತಿ ಹೇಳಿದ್ದಾರೆ. ಕೋವ್ಯಾಕ್ಸಿನ್ ಲಸಿಕೆಯನ್ನು ಉತ್ಪಾದಿಸಲು ಇತರೆ ಲಸಿಕೆ ತಯಾರಕ ಕಂಪೆನಿಗಳಿಗೆ ಅನುಮತಿ ನೀಡಿದರೂ, ಅದಕ್ಕೆ ಪೂರಕವಾದ ವ್ಯವಸ್ಥೆ ಹಾಗೂ ಸಂಪನ್ಮೂಲ ಅವುಗಳಲ್ಲಿ ಇಲ್ಲ. ಇವುಗಳನ್ನು ಕಲ್ಪಿಸಲು ಹಲವು ತಿಂಗಳುಗಳೇ ಬೇಕಾಗಲಿದೆ ಎಂದು ತಜ್ಞರು ಹೇಳಿದ್ದರೂ, ಅರವಿಂದ್ ಕೇಜ್ರಿವಾಲ್ ಪದೇ ಪದೇ ಆ ಬೇಡಿಕೆ ಇರಿಸುತ್ತಿದ್ದಾರೆ.