ಕೋವಿಡ್‌ ಚಿಕಿತ್ಸೆ ಪಡೆಯುವಾಗಲೇ ನಿಧನರಾದ ಪ್ರಧಾನಿ ಮೋದಿ ಅವರ ಚಿಕ್ಕಮ್ಮ!
ಕೊರೊನಾ ವೈರಸ್ ಸರ್ವಾಂತರ್ಯಾಮಿ ಎಂಬಂತೆ ಹಬ್ಬುತ್ತಿದೆ. ಇದೀಗ ದೇಶದ ಪ್ರಧಾನಿ ನರೇಂದ್ರ ಮೋದಿ ಅವರ ಚಿಕ್ಕಮ್ಮ ನರ್ಮದಾಬೆನ್ ಮೋದಿ ಕೋವಿಡ್‌-19 ಮಹಾಮಾರಿಗೆ ಬಲಿಯಾಗಿದ್ದಾರೆ. ಅಹಮದಾಬಾದ್‌ನ ಸಿವಿಲ್ ಆಸ್ಪತ್ರೆಯಲ್ಲಿ ಬುಧವಾರ ನಿಧನರಾಗಿದ್ದಾರೆ.
Admin
0
7
ಅಹಮದಾಬಾದ್‌: ಕೊರೊನಾ ವೈರಸ್ ಸರ್ವಾಂತರ್ಯಾಮಿ ಎಂಬಂತೆ ಹಬ್ಬುತ್ತಿದೆ. ಇದೀಗ ದೇಶದ ಅವರ ಚಿಕ್ಕಮ್ಮ ನರ್ಮದಾಬೆನ್ ಮೋದಿ ಅವರು ಕೂಡ ಕೋವಿಡ್‌-19 ಮಾರಿಗೆ ಬಲಿಯಾಗಿದ್ದಾರೆ.
ನರ್ಮದಾಬೆನ್ ಮೋದಿ ಅವರು ಅಹಮದಾಬಾದ್‌ನ ಸಿವಿಲ್ ಆಸ್ಪತ್ರೆಯಲ್ಲಿ ಸೋಂಕಿಗೆ ಚಿಕಿತ್ಸೆ ಪಡೆಯುತ್ತಿದ್ದರು. ಆದರೆ, ಚಿಕಿತ್ಸೆ ಫಲಿಸದೆ ಮಂಗಳವಾರ ನಿಧನರಾಗಿದ್ದಾರೆ ಎಂದು ಕುಟುಂಬ ತಿಳಿಸಿದೆ. ನರ್ಮದಾಬೆನ್ (80) ತನ್ನ ಮಕ್ಕಳೊಂದಿಗೆ ಅಹಮದಾಬಾದ್‌ನ ನ್ಯೂ ರಾಣಿಪ್ ಪ್ರದೇಶದಲ್ಲಿ ವಾಸಿಸುತ್ತಿದ್ದರು.
'ಕೊರೊನಾವೈರಸ್ ಸೋಂಕಿನ ನಂತರ ಅವರ ಆರೋಗ್ಯ ಸ್ಥಿತಿ ಹದಗೆಟ್ಟಿತ್ತು. ನಂತರ ನಮ್ಮ ಚಿಕ್ಕಮ್ಮ ನರ್ಮದಬೆನ್ ಅವರನ್ನು ಹತ್ತು ದಿನಗಳ ಹಿಂದೆ ಸಿವಿಲ್ ಆಸ್ಪತ್ರೆಗೆ ದಾಖಲಿಸಲಾಯಿತು' ಎಂದು ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರ ಕಿರಿಯ ಸಹೋದರ ಪ್ರಹ್ಲಾದ್ ಮೋದಿ ತಿಳಿಸಿದ್ದಾರೆ.
'ನರ್ಮದಾಬೆನ್ ಅವರು ಬುಧವಾರ ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದರು' ಎಂದು ಪ್ರಹ್ಲಾದ್ ಮೋದಿ ಅವರು ಪಿಟಿಐಗೆ ತಿಳಿಸಿದ್ದಾರೆ. ಪ್ರಧಾನಿ ನರೇಂದ್ರ ಮೋದಿ ಅವರ ತಂದೆ ದಾಮೋದರ್ದಾಸ್ ಅವರ ಸಹೋದರ ಜಗ್ಜೀವನ್‌ದಾಸ್ (ನರ್ಮದಾಬೆನ್ ಪತಿ) ಹಲವು ವರ್ಷಗಳ ಹಿಂದೆಯೇ ನಿಧನ ಹೊಂದಿದ್ದರು ಎಂದು ಪ್ರಹ್ಲಾದ್ ಮೋದಿ ಹೇಳಿದ್ದಾರೆ.
