ಕೊರೊನಾದಿಂದ ಸತ್ತವರ ಅಸ್ಥಿಯನ್ನು ಕಾಶಿಯಲ್ಲಿ ವಿಸರ್ಜನೆ ಮಾಡಿದ ಸ್ಯಾಂಡಲ್‌ವುಡ್ ನಟ!
ಸ್ಯಾಂಡಲ್‌ವುಡ್ ನಟ ಅರ್ಜುನ್ ಗೌಡ ಅವರು ಕೊರೊನಾ ವೈರಸ್‌ನಿಂದ ಸತ್ತವರ ಅಸ್ಥಿಯನ್ನು ಕಾಶಿಯಲ್ಲಿ ವಿಸರ್ಜನೆ ಮಾಡಿದ್ದಾರಂತೆ. ಆ ಕುರಿತು ಸೋಶಿಯಲ್ ಮೀಡಿಯಾ ಪೋಸ್ಟ್ ಹಾಕಿದ್ದಾರೆ. ಆ ಬಗ್ಗೆ ಮಾಹಿತಿ ಇಲ್ಲಿದೆ.
Admin
0
8
ನಟ ಅವರು ಕೊರೊನಾ ವೈರಸ್ ಎರಡನೇ ಅಲೆ ಬಂದಾಗಿನಿಂದ ಸಾಕಷ್ಟು ಮಹತ್ವದ ಕೆಲಸ ಮಾಡುತ್ತಿದ್ದಾರೆ. ಆಂಬುಲೆನ್ಸ್ ಮೂಲಕ ಸಮಯಕ್ಕೆ ಸರಿಯಾಗಿ ಕೊರೊನಾ ರೋಗಿಗಳನ್ನು ಆಸ್ಪತ್ರೆಗೆ ಸೇರಿಸಿ ಜೀವ ಉಳಿಸಿದ್ದಾರೆ, ಇನ್ನೂ ಕೆಲವರ ಅಂತ್ಯಕ್ರಿಯೆ ಕೂಡ ಮಾಡಿದ್ದರು. ಈಗ ಅಂತ್ಯಕ್ರಿಯೆ ಮಾಡಿದವರ ಅಸ್ಥಿಯನ್ನು ಕಾಶಿಯಲ್ಲಿ ವಿಸರ್ಜನೆ ಮಾಡಿದ್ದಾರಂತೆ.
ಅರ್ಜುನ್ ಸೋಶಿಯಲ್ ಮೀಡಿಯಾ ಪೋಸ್ಟ್ ಹೀಗಿದೆ
ಕಾಶಿಯಲ್ಲಿನ ಫೋಟೋ ಹಂಚಿಕೊಂಡಿರುವ ಅರ್ಜುನ್ ಗೌಡ ಅವರು "ತಾಯಿ ಗಂಗಾಳಲ್ಲಿ ಅಸ್ಥಿ ಬಿಡಲು ಕಾಶಿ ತಲುಪಿದ್ದೇನೆ. ಆತ್ಮಗಳಿಗೆ ಶಾಂತಿ ಸಿಗಲಿ. ಹರ ಹರ ಮಹಾದೇವ, ಅಂತ್ಯವು ಹೊಸ ಆರಂಭಕ್ಕೆ ಬುನಾದಿ" ಎಂದು ಸೋಶಿಯಲ್ ಮೀಡಿಯಾ ಪೋಸ್ಟ್ ಹಾಕಿದ್ದಾರೆ. ಅನೇಕರು ಅರ್ಜುನ್ ಗೌಡ ಕೆಲಸಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಸಂಬಂಧಿಕರ ಮಡಿಲಿಗೆ ಮಕ್ಕಳನ್ನು ಒಪ್ಪಿಸಿದ ಅರ್ಜುನ್ ಗೌಡ
ಕೆಲ ದಿನಗಳ ಹಿಂದೆ ಶಿರಾದಲ್ಲಿನ ಪಾಲಕರಿಬ್ಬರಿಗೂ ಕೊರೊನಾ ಪಾಸಿಟಿವ್ ಬಂದಿತ್ತು, ಮಕ್ಕಳಿಬ್ಬರನ್ನು ನೋಡಿಕೊಳ್ಳಲು ಯಾರೂ ಇರಲಿಲ್ಲ. ಇರೋದರಿಂದ ಸಂಬಂಧಿಕರು ಕೂಡ ಶಿರಾಕ್ಕೆ ತಲುಪಾಗಲಿಲ್ಲ. ಆಗ ಅರ್ಜುನ್ ಗೌಡ ಅವರು ಶಿರಾಕ್ಕೆ ತಲುಪಿ ಮಕ್ಕಳನ್ನು ಸಂಬಂಧಿಕರಿಗೆ ಒಪ್ಪಿಸಿದ್ದಾರೆ. ಈ ಮೂಲಕ ಅರ್ಜುನ್ ಗೌಡ ಮಾನವೀಯತೆ ಮೆರೆದಿದ್ದಾರೆ.
ಕನ್ನಡದ ಕೆಲ ಸಿನಿಮಾಗಳಲ್ಲಿ ಅರ್ಜುನ್ ನಟನೆ
ಕಳೆದ ಲಾಕ್‌ಡೌನ್‌ನಲ್ಲಿ ಫಿಟ್‌ನೆಸ್‌ ಕುರಿತಂತೆ ಕೆಲ ವಿಚಾರಗಳ ಕಡೆಗೆ ಗಮನಕೊಟ್ಟಿದ್ದ ಅರ್ಜುನ್ ಗೌಡ ಅವರು ಈ ವರ್ಷದ ಕೊರೊನಾ ಅಲೆಯಲ್ಲಿ ಏನಾದರೂ ಮಾಡಬೇಕು ಎಂದು ಕೊರೊನಾ ರೋಗಿಗಳಿಗೆ ಸಹಾಯ ಮಾಡಲು ಆರಂಭಿಸಿದ್ದಾರೆ. ಸಾಕಷ್ಟು ವರ್ಷಗಳಿಂದ ಫಿಟ್‌ನೆಸ್‌ಗೆ ಮಹತ್ವ ನೀಡಿರುವ ಅರ್ಜುನ್ ಗೌಡ ಅವರಿಗೆ ದೇಹದಲ್ಲಿ ಏನಾದರೂ ವ್ಯತ್ಯಾಸ ಆದರೆ ಗೊತ್ತಾಗಿಬಿಡುತ್ತದೆ. ಹೀಗಾಗಿ ಅರ್ಜುನ್ ಅವರ ಆರೋಗ್ಯದ ಕಡೆಗೆ ಗಮನ ನೀಡುತ್ತಾರಂತೆ. 'ಒಡೆಯ', 'ಆ ದೃಶ್ಯ', 'ರುಸ್ತುಂ', 'ಯುವರತ್ನ' ಮುಂತಾದ ಸಿನಿಮಾಗಳಲ್ಲಿ ಅರ್ಜುನ್ ನಟಿಸಿದ್ದಾರೆ.
