ಅಬುಧಾಬಿಯಲ್ಲಿ ಚಾಲಕನಾಗಿ ಕೆಲಸ ಮಾಡುತ್ತಿದ್ದ ಕೇರಳ ಮೂಲದ ವ್ಯಕ್ತಿಗೆ 40 ಕೋಟಿ ರೂ. ಲಾಟರಿ ಜಾಕ್‌ಪಾಟ್‌!
ಬಡವರಿಗೆ ದೇವರ ದಯೆ ಖಂಡಿತವಾಗಿಯೂ ಒಂದಲ್ಲ ಒಂದು ದಿನ ಇರಲಿದೆ ಎನ್ನುವುದಕ್ಕೆ ಅಬುಧಾಬಿಯಲ್ಲಿ ಚಾಲಕನಾಗಿ ಕೆಲಸ ಮಾಡುತ್ತಿದ್ದ ಈ ವ್ಯಕ್ತಿಯೇ ಕಾರಣ. ಕಳೆದ ಕೆಲವು ವರ್ಷಗಳಿಂದ ಕೆಲಸ ಮಾಡುತ್ತಿದ್ದ ವ್ಯಕ್ತಿಗೆ ಈಗ ಲಾಟರಿ ಮೂಲಕ ಅದೃಷ್ಟ ಒಲಿದಿದೆ. ಲಾಟರಿಯಲ್ಲಿ 40 ಕೋಟಿ ಬಹುಮಾನ ಸಿಕ್ಕಿದೆ.
Admin
0
8
ಅಬುಧಾಬಿ: ಅರಬ್‌ ಸಂಯುಕ್ತ ಸಂಸ್ಥಾನದಲ್ಲಿ 37 ವರ್ಷದ ಭಾರತೀಯ ಹಾಗೂ ಆತನ 9 ಸಹಚರರು ಬರೋಬ್ಬರಿ 40 ಕೋಟಿ ರೂ. ಲಾಟರಿ ಬಹುಮಾನ ಗೆಲ್ಲುವ ಮೂಲಕ ಕೋವಿಡ್‌ ಸಂಕಷ್ಟದ ಸಮಯದಲ್ಲೂ ಜಾಕ್‌ಪಾಟ್‌ ಗಿಟ್ಟಿಸಿದ್ದಾರೆ.
ಮೂಲದ ರಂಜಿತ್‌ ಸೋಮರಾಜನ್‌ ಅಬುಧಾಬಿಯಲ್ಲಿ ಚಾಲಕನಾಗಿ ಕೆಲಸ ಮಾಡುತ್ತಿದ್ದು, ಕಳೆದ 3 ವರ್ಷಗಳಿಂದ ಲಾಟರಿ ಟಿಕೆಟ್‌ ಖರೀದಿಸುತ್ತಿದ್ದರು. ಇವರು ತಮ್ಮ 9 ಸಹಚರರೊಟ್ಟಿಗೆ ಈ ಬಾರಿ ಲಾಟರಿ ಖರೀದಿಸಿದ್ದರು. ಮಸೀದಿಯಲ್ಲಿ ಪ್ರಾರ್ಥನೆ ಮುಗಿಸಿ ಹೊರಬಂದ ಕೂಡಲೇ ಲಕ್ಕಿ ಡ್ರಾನಲ್ಲಿ ಅದೃಷ್ಟ ಖುಲಾಯಿಸಿರುವ ಸುದ್ದಿ ಅವರಿಗೆ ಮುಟ್ಟಿದೆ.
''ನನಗೆ ಈ ಬಾರಿ ಜಾಕ್‌ಪಾಟ್‌ ಹೊಡೆಯುತ್ತದೆಂದು ಎಣಿಸಿರಲಿಲ್ಲ. ಎರಡನೇ ಅಥವಾ ಮೂರನೇ ಬಹುಮಾನ ಬರಬಹುದೆಂದು ಭಾವಿಸಿದ್ದೆ,''ಎಂದು ಸೋಮರಾಜನ್‌ ಹೇಳಿದ್ದಾರೆ. 2008ರಿಂದಲೂ ಅವರು ದುಬೈನಲ್ಲಿ ಟ್ಯಾಕ್ಸಿ ಸೇರಿದಂತೆ ವಿವಿಧ ವಾಹನಗಳ ಚಾಲಕನಾಗಿ ಕೆಲಸ ಮಾಡುತ್ತಿದ್ದರು. ಕಳೆದ ವರ್ಷ ಕೋವಿಡ್‌ ಹಿನ್ನೆಲೆಯಲ್ಲಿ ಅವರ ಸಂಬಳ ಕಡಿತಗೊಂಡಿತ್ತು. ಹೀಗಾಗಿ 9 ಜನರೊಂದಿಗೆ ಸೇರಿ ಜೂನ್‌ 29ರಂದು ಲಾಟರಿ ಖರೀದಿಸಿದ್ದರು.
