ಅಗ್ನಿ ಸರಣಿಯ ಅತ್ಯಾಧುನಿಕ ಅಣ್ವಸ್ತ್ರ ಕ್ಷಿಪಣಿ ‘ಅಗ್ನಿ ಪ್ರೈಮ್‌’ ಯಶಸ್ವಿ ಉಡಾವಣೆ
ಅಣ್ವಸ್ತ್ರ ಸಿಡಿತಲೆಯನ್ನು ಹೊತ್ತೊಯ್ಯಬಲ್ಲ ಸಾಮರ್ಥ್ಯದ, ಅಗ್ನಿ ಸರಣಿಯ ಹೊಸ ಕ್ಷಿಪಣಿ ಅಗ್ನಿ ಪ್ರೈಮ್‌ ಖಂಡಾಂತರ ಮಿಸೈಲ್‌ನ್ನು ಭಾರತ ಸೋಮವಾರ ಯಶಸ್ವಿಯಾಗಿ ಪರೀಕ್ಷೆಗೆ ಒಳಪಡಿಸಿದೆ.
Admin
0
10
ಹೊಸದಿಲ್ಲಿ: ಅಣ್ವಸ್ತ್ರ ಸಿಡಿತಲೆಯನ್ನು ಹೊತ್ತೊಯ್ಯಬಲ್ಲ ಸಾಮರ್ಥ್ಯದ ಖಂಡಾಂತರ ಕ್ಷಿಪಣಿಯನ್ನು ಭಾರತ ಸೋಮವಾರ ಯಶಸ್ವಿಯಾಗಿ ಪರೀಕ್ಷೆಗೊಳಪಡಿಸಿದೆ. ಅಗ್ನಿ ಸರಣಿಯ ಅತ್ಯಾಧುನಿಕ ಇದಾಗಿದ್ದು, ಸೋಮವಾರ ಬೆಳಿಗ್ಗೆ ಒಡಿಶಾ ಕರಾವಳಿಯಿಂದ ಉಡಾವಣೆ ಮಾಡಲಾಯಿತು.
ಈ ಕುರಿತು ಅಧಿಕೃತ ಹೇಳಿಕೆ ನೀಡಿರುವ ರಕ್ಷಣಾ ಸಂಶೋಧನಾ ಮತ್ತು ಅಭಿವೃದ್ಧಿ ಸಂಸ್ಥೆ (), ಇದು ಪಠ್ಯಪುಸ್ತಕ ಮಾದರಿಯ ಉಡಾವಣೆಯಾಗಿದ್ದು, ಸೋಮವಾರ ಬೆಳಿಗ್ಗೆ 10.55ಕ್ಕೆ ಉಡಾವಣೆಗೊಂಡಿತು. ಭುವನೇಶ್ವರದಿಂದ 150 ಕಿ.ಮೀ ದೂರದಲ್ಲಿರುವ ಡಾ ಎಪಿಜೆ ಅಬ್ದುಲ್‌ ಕಲಾಂ ದ್ವೀಪದಿಂದ ಈ ಉಡಾವಣೆ ನಡೆಸಲಾಯಿತು ಎಂದು ಹೇಳಿದೆ.
"ಪೂರ್ವ ಕರಾವಳಿಯಲ್ಲಿ ನಿಯೋಜಿಸಲಾಗಿದ್ದ ವಿವಿಧ ಟೆಲಿಮೆಟ್ರಿಗಳು ಮತ್ತು ರಾಡಾರ್‌ಗಳು ಕ್ಷಿಪಣಿಯನ್ನು ಟ್ರ್ಯಾಕ್‌ ಮಾಡಿ, ಮೇಲ್ವಿಚಾರಣೆ ನಡೆಸಿವೆ.ಇದು ಪಠ್ಯಪುಸ್ತಕದ ಪಥವನ್ನು ಅನುಸರಿಸಿತು ... ಮಿಷನ್‌ನ ಎಲ್ಲಾ ಉದ್ದೇಶಗಳನ್ನು, ಉನ್ನತ ಮಟ್ಟದ ನಿಖರತೆಯೊಂದಿಗೆ ಪೂರೈಸಿತು," ಎಂದು ಡಿಆರ್‌ಡಿಒ ವಿವರ ನೀಡಿದೆ.
ಅಗ್ನಿ ಪ್ರೈಮ್‌ ಮುಂದಿನ ಪೀಳಿಗೆಯ ಅಣ್ವಸ್ತ್ರ ಕ್ಷಿಪಣಿಯಾಗಿದ್ದು, 1,000 - 2,000 ಕಿ.ಮೀಗಳ ವ್ಯಾಪ್ತಿ ಹೊಂದಿದೆ.
ಎರಡು ದಿನ ಹಿಂದೆ ಡಿಆರ್‌ಡಿಒ ತಾನೇ ಅಭಿವೃದ್ಧಿಪಡಿಸಿದ ‘ಪಿನಾಕ’ ರಾಕೆಟ್‌ನ ಹೆಚ್ಚುವರಿ ದೂರದ ವ್ಯಾಪ್ತಿಯ ರಾಕೆಟ್‌ನ್ನು ಒಡಿಶಾದ ಚಾಂಡಿಪುರದಲ್ಲಿ ಪರೀಕ್ಷೆಗೆ ಒಳಪಡಿಸಿತ್ತು.
