Afghanistan To Gujarat 20,000 ಕೋಟಿ ಮೌಲ್ಯದ ಹೆರಾಯಿನ್!: ಆಂಧ್ರದ ನಿಗೂಢ ಮನೆಗೆ ಇರುವ ನಂಟೇನು?

ಅಹಮದಾಬಾದ್: ಅಫ್ಘಾನಿಸ್ತಾನದ ಅಧಿಕಾರವನ್ನು ತಾಲಿಬಾನ್ ವಹಿಸಿಕೊಂಡ ಬಳಿಕ ಭಾರತದ ಮೇಲೆ ಉಗ್ರರ ದಾಳಿ ಹೆಚ್ಚುವ ಜತೆಯಲ್ಲಿ, ಸಾಗಣೆಯ ಚಟುವಟಿಕೆಯ ಅಪಾಯವೂ ಹೆಚ್ಚಾಗಿದೆ. ಸುಮಾರು 20,000 ಕೋಟಿ ಮೊತ್ತದ ಮೂರು ಟನ್‌ನಷ್ಟು ತೂಕದ ಗುಜರಾತ್‌ನ ಒಂದರಲ್ಲಿ ಪತ್ತೆಯಾಗಿದೆ ಎಂದು ಅಧಿಕಾರಿಗಳು ಸೋಮವಾರ ತಿಳಿಸಿದ್ದಾರೆ. ಹೆರಾಯಿನ್ ಪತ್ತೆಯಾದ ಬಳಿಕ ಇಬ್ಬರನ್ನು ಬಂಧಿಸಲಾಗಿದೆ. ಎರಡು ಕಂಟೇನರ್‌ಗಳಲ್ಲಿ ಭಾರಿ ಪ್ರಮಾಣದ ಮಾದಕವಸ್ತುಗಳನ್ನು ತುಂಬಿಡಲಾಗಿತ್ತು. ಇದು ಮುಂದ್ರಾ ಬಂದರಿನಲ್ಲಿ ಕಂದಾಯ ಗುಪ್ತಚರ ನಿರ್ದೇಶನಾಲಯದ ಕಣ್ಣಿಗೆ ಬಿದ್ದಿದೆ. ಒಂದು ಕಂಟೇನರ್‌ನಲ್ಲಿ ಸುಮಾರು 2,000 ಕೆಜಿ ತೂಕದ ಹೆರಾಯಿನ್ ಇದ್ದರೆ, ಇನ್ನೊಂದರಲ್ಲಿ 1,000 ಕೆಜಿಯಷ್ಟು ಹೆರಾಯಿನ್ ಪತ್ತೆಯಾಗಿದೆ. ಇದು ಅಫ್ಘಾನಿಸ್ತಾನದಿಂದ ಹೊರಟು ಇರಾನ್‌ನ ಬಂದಾರ್ ಅಬ್ಬಾಸ್ ಬಂದರಿನ ಮೂಲಕ ಗುಜರಾತ್ ಬಂದರಿಗೆ ತಲುಪಿದೆ. ಅಂದಾಜು 20,900 ಕೋಟಿ ರೂ ಮೊತ್ತದ ಹೆರಾಯಿನ್ ಇದರಲ್ಲಿ ಇದೆ ಎನ್ನಲಾಗಿದೆ. ಪ್ರಕರಣಕ್ಕೆ ತಿರುವುಗುಜರಾತ್ ಬಂದರಿನಲ್ಲಿ ಮಾದಕವಸ್ತು ಪತ್ತೆಯಾದ ಬಳಿಕ, ಆಂಧ್ರಪ್ರದೇಶದ ವಿಜಯವಾಡದ ಹೊರವಲಯದಲ್ಲಿರುವ ಅಪೂರ್ಣ ಮನೆಯೊಂದು ಚರ್ಚೆಯ ವಸ್ತುವಾಗಿದೆ. ಸತ್ಯನಾರಾಯಣಪುರಂ ಪ್ರದೇಶದ ಸಂಪೂರ್ಣ ಹೊರಗಿನ ಹಳದಿ ಬಣ್ಣದ ಅಪೂರ್ಣ ಮನೆಯ ವಿಳಾಸವಿರುವ ಆಶಿ ಟ್ರೇಡಿಂಗ್ ಕಂಪೆನಿ 'ಟಾಲ್ಕಂ ಪೌಡರ್' ಸರಕನ್ನು ಆಮದುಮಾಡಿಕೊಂಡಿರುವುದು, ಬಂದರಿನಲ್ಲಿ ಸಿಕ್ಕ ಮಾದಕವಸ್ತುವಿಗೂ, ವಿಜಯವಾಡಕ್ಕೆ ಇರುವ ನಂಟನ್ನು ಬಯಲುಮಾಡಿದೆ. ಚೆನ್ನೈನ ದುರ್ಗಾ ಪೂರ್ಣ ವೈಶಾಲಿ ಎಂಬ ಮಹಿಳೆಯ ಟ್ರೇಡಿಂಗ್ ಕಂಪೆನಿ ಹೆಸರಿನಲ್ಲಿ ಈ ಮನೆಯನ್ನು ಬಾಡಿಗೆಗೆ ನೀಡಲಾಗಿತ್ತು. ಕಂಪೆನಿಯ ಸಂಪರ್ಕ ಸಂಖ್ಯೆಯು ಆಂಧ್ರಪ್ರದೇಶದ ಕಾಕಿನಾಡದ ನಿವಾಸಿ ಮಚಾವರಂ ಸುಧಾಕರ್ ಎಂಬುವವರಿಗೆ ಸಂಬಂಧಿಸಿತ್ತು. ಸುಧಾಕರ್ ಅವರು ವೈಶಾಲಿ ಅವರ ಪತಿ. ಮಹಿಳೆ ಬಂಧನ, ಪತಿ ಪರಾರಿಕಂಪೆನಿಯ ಆಮದು ಮತ್ತು ರಫ್ತು ಪರವಾನಗಿಯು ವೈಶಾಲಿ ಅವರ ಹೆಸರಿನಲ್ಲಿದೆ. ಜಿಎಸ್‌ಟಿ ನೋಂದಣಿಯನ್ನು 2020ರ ಆಗಸ್ಟ್ 18ರಂದು ಮಾಡಲಾಗಿದೆ. ಈ ದಂಪತಿ ಚೆನ್ನೈನ ಕೊಲಾಪಾಕಂ ಪ್ರದೇಶದ ಬಾಡಿಗೆ ಅಪಾರ್ಟ್‌ಮೆಂಟ್ ಒಂದರಲ್ಲಿ ಕಳೆದ ಎಂಟು ವರ್ಷಗಳಿಂದ ನೆಲೆಸಿದೆ. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ವೈಶಾಲಿ ಅವರನ್ನು ಡಿಆರ್‌ಐ ಬಂಧಿಸಿದೆ. ಅವರ ಪತಿ ಸುಧಾಕರ್ ತಲೆಮರೆಸಿಕೊಂಡಿದ್ದಾರೆ. ಗುಜರಾತ್ ಬಂದರಿನಲ್ಲಿ ದೊರೆತ ಸರಕು ದಿಲ್ಲಿಯತ್ತ ರವಾನೆಯಾಗುವುದರಲ್ಲಿತ್ತು ಎಂದು ವಿಜಯವಾಡ ಪೊಲೀಸ್ ಆಯುಕ್ತ ಬಿ ಶ್ರೀನಿವಾಸುಲು ಹೇಳಿದ್ದಾರೆ. 'ಟಾಲ್ಕಂ ಪೌಡರ್ ಹೆಸರಿನಲ್ಲಿ ರವಾನೆಯಾಗುತ್ತಿದ್ದ ಹೆರಾಯಿನ್ ಅನ್ನು ದಿಲ್ಲಿಗೆ ಕಳುಹಿಸಲು ಉದ್ದೇಶಿಸಲಾಗಿತ್ತೇ ವಿನಾ ವಿಜಯವಾಡಕ್ಕಲ್ಲ. ಆಮದು ಮಾಡಿಕೊಳ್ಳುವ ಕಂಪೆನಿ ಹೆಸರನ್ನು ಹೊರತುಪಡಿಸಿ ವಿಜಯವಾಡಕ್ಕೆ ಯಾವುದೇ ನಂಟು ನಮಗೆ ಈವರೆಗೂ ಕಂಡುಬಂದಿಲ್ಲ. ನಾವು ಡಿಆರ್‌ಐ ಜತೆ ಸಹಕರಿಸುತ್ತಿದ್ದೇವೆ. ಅಕ್ರಮ ಕಳ್ಳಸಾಗಣೆಗೆ ಆಮದು ಮತ್ತು ರಫ್ತು ಪರವಾನಗಿ ಪಡೆಯುವುದಕ್ಕಾಗಿ ಆಶಿ ಟ್ರೇಡಿಂಗ್ ಕಂಪೆನಿಯನ್ನು ನಕಲಿ ಕಂಪೆನಿಯಾಗಿ ಬಳಸಿಕೊಂಡಿರುವ ಸಾಧ್ಯತೆ ಇದೆ' ಎಂದು ಅವರು ತಿಳಿಸಿದ್ದಾರೆ. ಮನೆಯಲ್ಲಿ ಯಾರೂ ಇರಲಿಲ್ಲಕಂಪೆನಿಯ ಹೆಸರು ಮತ್ತು ಜಿಎಸ್‌ಟಿ ನೋಂದಣಿ ಸಂಖ್ಯೆಯನ್ನು ಮುದ್ರಿಸಿದ ಎ4 ಅಳತೆಯ ಕಾಗದವನ್ನು ಆ ನಿರ್ಮಾಣ ಹಂತದ ಮನೆಯ ಹೊರ ಗೋಡೆಗೆ ಅಂಟಿಸಿದ್ದರ ಹೊರತಾಗಿ, ಅಂತಹ ಕಂಪೆನಿ ಅಸ್ತಿತ್ವದಲ್ಲಿ ಇದೆ ಎನ್ನುವುದಕ್ಕೆ ಯಾವುದೇ ನಿರ್ದಿಷ್ಟ ಪುರಾವೆಗಳಿಲ್ಲ. ಈ ಮನೆಯು ಹಲವು ತಿಂಗಳಿನಿಂದ ಬಾಗಿಲು ಮುಚ್ಚಿಯೇ ಇದೆ ಎಂದು ನೆರೆಹೊರೆಯವರು ತಿಳಿಸಿದ್ದಾರೆ. ಆದರೆ ಅದಕ್ಕೂ ಮುನ್ನ ಕೆಲವು ಸರಕುಗಳನ್ನು ಇಲ್ಲಿ ಇಳಿಸುವ ಮತ್ತು ಸಾಗಿಸುವ ಕಾರ್ಯ ನಡೆಯುತ್ತಿತ್ತು ಎಂದು ಕೆಲವರು ಹೇಳಿದ್ದಾರೆ. 'ಈ ಜಾಗವನ್ನು ನೋಡಿಕೊಳ್ಳುವವರೊಬ್ಬರು, ಕಂಪೆನಿಯು ಅಕ್ಕಿ, ಹಣ್ಣು, ತರಕಾರಿ ಮುಂತಾದ ಅಗತ್ಯ ವಸ್ತುಗಳ ವ್ಯವಹಾರ ನೋಡಿಕೊಳ್ಳುತ್ತದೆ ಎಂದಿದ್ದರು. ಆದರೆ ಬಹಳ ಕಾಲದಿಂದ ಇದು ಮುಚ್ಚಿಯೇ ಇದೆ' ಎಂದು ಪಕ್ಕದ ಮನೆಯಲ್ಲಿ ವಾಸಿಸುವ ಮಹಿಳೆಯೊಬ್ಬರು ತಿಳಿಸಿದ್ದಾರೆ.