ಹಿಂದೂಗಳು ಜಾತ್ಯತೀತರಂತೆ ಬದುಕುವ ಒತ್ತಡಕ್ಕೆ ಸಿಲುಕಿದ್ದರು: ಜನಸಂಖ್ಯಾ ನಿಯಂತ್ರಣ ಕ್ರಮ ಸ್ವಾಗತಿಸಿದ ಶಿವಸೇನಾ
ದೇಶ ವಿಭಜನೆ ಸಂದರ್ಭದಲ್ಲಿ ಉಳಿದ ಧರ್ಮಗಳು ಸ್ವಾತಂತ್ರ್ಯ ಆನಂದಿಸುತ್ತಿದ್ದರೆ ಹಿಂದೂಗಳು ಜಾತ್ಯತೀರಂತೆ ಬದುಕುವ ಒತ್ತಡಕ್ಕೆ ಒಳಗಾಗಿದ್ದರು ಎಂದು ಶಿವಸೇನಾ ಸಂಸದ ಸಂಜಯ್ ರಾವತ್ ಹೇಳಿದ್ದಾರೆ.
Admin
0
6
ಮುಂಬಯಿ: ಉತ್ತರ ಪ್ರದೇಶದಲ್ಲಿ ರೂಪಿಸಿರುವ ಜನಸಂಖ್ಯಾ ನಿಯಂತ್ರಣ ಕರಡನ್ನು ಶಿವಸೇನಾ ಮುಖಂಡ ಸ್ವಾಗತಿಸಿದ್ದಾರೆ. ಆದರೆ ಇದನ್ನು ಮುಂಬರುವ ವಿಧಾನಸಭೆ ಚುನಾವಣೆಯ ಉದ್ದೇಶದಿಂದ ಪರಿಚಯ ಮಾಡಬಾರದು ಎಂದು ಹೇಳಿದ್ದಾರೆ.
ಬಿಹಾರ ಮುಖ್ಯಮಂತ್ರಿ ನಿತೀಶ್ ಕುಮಾರ್ ಅವರು ಮಸೂದೆಯನ್ನು ವಿರೋಧಿಸುತ್ತಿದ್ದಾರೆ. ನಿತೀಶ್ ಕುಮಾರ್ ಸರಕಾರವು ಶಾಸನವನ್ನು ವಿರೋಧಿಸಿದರೆ ಅವರಿಗೆ ನೀಡಿರುವ ಬೆಂಬಲವನ್ನು ಹಿಂದಕ್ಕೆ ಪಡೆದುಕೊಳ್ಳಬೇಕು ಎಂದು ಸಲಹೆ ನೀಡಿದ್ದಾರೆ.
ಬಿಹಾರ ಮತ್ತು ಎರಡೂ ಮಿತಿ ಮೀರಿದ ಜನಸಂಖ್ಯೆಯಿಂದ ಸಂಕಷ್ಟಕ್ಕೆ ಒಳಗಾಗಿವೆ. ಇದರಿಂದ ಜನರು ಜೀವನೋಪಾಯ ಹುಡುಕಿಕೊಂಡು ಬೇರೆ ರಾಜ್ಯಗಳಿಗೆ ವಲಸೆ ಹೋಗುತ್ತಿದ್ದಾರೆ. ಈ ರಾಜ್ಯಗಳ ಬಹುಪಾಲು ಜನರು ವಲಸೆ ಹೋಗುತ್ತಿದ್ದಾರೆ. ಈ ರಾಜ್ಯಗಳಲ್ಲಿ ಜನಸಂಖ್ಯೆ ನಿಯಂತ್ರಿಸಲು ಕಾನೂನಾತ್ಮಕ ಕ್ರಮಗಳನ್ನು ತೆಗೆದುಕೊಳ್ಳಬೇಕು ಎಂದು ಹೇಳಿದ್ದಾರೆ.
1947ರಲ್ಲಿ ಧರ್ಮ ಆಧಾರಿತ ದೇಶ ವಿಭಜನೆ ಉಲ್ಲೇಖಿಸಿರುವ ರಾವತ್, ಮುಸ್ಲಿಮರು ಮತ್ತು ಇತರೆ ಧರ್ಮಗಳ ಜನರು ತಮ್ಮ ಧಾರ್ಮಿಕ ಸ್ವಾತಂತ್ರ್ಯವನ್ನು ಆನಂದಿಸುತ್ತಿದ್ದರೆ, ಹಿಂದೂಗಳು ಜಾತ್ಯತೀತರಾಗುವಂತೆ ಬಲಾತ್ಕಾರಕ್ಕೆ ಒಳಗಾಗಿದ್ದರು. ಈ ಜನರು ಜನಸಂಖ್ಯಾ ನಿಯಂತ್ರಣ ಮತ್ತು ಕುಟುಂಬ ಕಲ್ಯಾಣಗಳಲ್ಲಿ ನಂಬಿಕೆ ಇರಿಸಿಲ್ಲ. ಒಂದಕ್ಕಿಂತ ಹೆಚ್ಚು ಹೆಂಡತಿಯರು ಮತ್ತು ಮಕ್ಕಳಿಗೆ ಜನ್ಮ ನೀಡುವುದು ಅವರಿಗೆ ಸ್ವಾತಂತ್ರ್ಯ ಎನಿಸಿದೆ. ಖಂಡಿತವಾಗಿಯೂ ದೇಶದ ಜನಸಂಖ್ಯೆ ಹೆಚ್ಚಾಗಿದೆ. ಆದರೆ ಅವರಲ್ಲಿ ಹೆಚ್ಚಿನವರು ಅವಿದ್ಯಾವಂತರು ಮತ್ತು ನಿರುದ್ಯೋಗಿಗಳಾಗಿದ್ದಾರೆ' ಎಂದು ಹೇಳಿದ್ದಾರೆ.
'ಹೆಚ್ಚುತ್ತಿರುವ ಮುಸ್ಲಿಮರ ಜನಸಂಖ್ಯೆಗೆ ಪ್ರತಿಯಾಗಿ ಹಿಂದೂಗಳೂ ಐದು ಅಥವಾ ಆರು ಮಕ್ಕಳಿಗೆ ಜನ್ಮ ನೀಡುವಂತೆ ಬಯಸುತ್ತಿದ್ದ ಹಿಂದುತ್ವವಾದಿಗಳೇ ತರುತ್ತಿದ್ದಾರೆ. ಉತ್ತರ ಪ್ರದೇಶ ಕರಡು ಮಸೂದೆಯನ್ನು ಪ್ರಯೋಗ ಎಂದುಕೊಳ್ಳಬಾರದು. ಎಲ್ಲಾ ಒಳ್ಳೆಯ ಸಂಗತಿಗಳನ್ನು ಧರ್ಮ, ಜಾತಿ ಮತ್ತು ರಾಜಕೀಯವಾಗಿ ನೋಡಬಾರದು' ಎಂದಿದ್ದಾರೆ.
