ಆಘಾತಕಾರಿ ಘಟನೆ: ಅಂತರ್ಜಾತಿ ವಿವಾಹವಾದ ಮಗಳ ಮೇಲೆ ಅತ್ಯಾಚಾರ ನಡೆಸಿ ಕೊಲೆಗೈದ ತಂದೆ
ಮಗಳ ಅಂತರ್ಜಾತಿ ಪ್ರೀತಿ ಮತ್ತು ಮದುವೆಯಿಂದ ಕುಪಿತಗೊಂಡಿದ್ದ ತಂದೆ, ಕಾಡಿನಲ್ಲಿ ಆಕೆಯ ಮೇಲೆ ಅತ್ಯಾಚಾರ ಎಸಗಿ, ಕತ್ತು ಹಿಸುಕಿ ಕೊಂದ ಘಟನೆ ಮಧ್ಯಪ್ರದೇಶದ ಭೋಪಾಲ್‌ನಲ್ಲಿ ನಡೆದಿದ್ದು, ತಡವಾಗಿ ಬೆಳಕಿಗೆ ಬಂದಿದೆ.
Admin
0
5
ಭೋಪಾಲ್: ಬೇರೆ ಜಾತಿಯ ಯುವಕನನ್ನು ಪ್ರೀತಿಸಿ ಮದುವೆಯಾಗಿದ್ದರಿಂದ ಆಕ್ರೋಶಗೊಂಡ 55 ವರ್ಷದ ವ್ಯಕ್ತಿಯೊಬ್ಬ ತನ್ನ ಮಗಳ ಮೇಲೆಯೇ ನಡೆಸಿ ಬರ್ಬರವಾಗಿ ಹತ್ಯೆ ಮಾಡಿದ ಎದೆನಡುಗಿಸುವ ಘಟನೆ ರಾಜಧಾನಿ ಜಿಲ್ಲೆಯ ರತಿಬಾದ್‌ನಲ್ಲಿ ನಡೆದಿದೆ.
ತನ್ನ ಎಂಟು ತಿಂಗಳ ಹಸುಗೂಸು ನ್ಯುಮೋನಿಯಾದಿಂದ ಮೃತಪಟ್ಟ ದುರಂತದಿಂದ ಆ 25 ವರ್ಷದ ಮಹಿಳೆ ಆಘಾತ ಹಾಗೂ ದುಃಖದಲ್ಲಿ ಇರುವಾಗಲೇ ಆಕೆಯ ತಂದೆ ಈ ಪಾಶವೀ ಕೃತ್ಯ ಎಸಗಿದ್ದಾನೆ. ಭೋಪಾಲ್‌ನ ಸಮಸ್ಗಡ ಅರಣ್ಯ ಪ್ರದೇಶದಲ್ಲಿ ಹಸುಗೂಸು ಹಾಗೂ ಅದರ ಅಮ್ಮನ ಮೃತದೇಹಗಳೆರಡೂ ಪತ್ತೆಯಾಗಿದೆ.
ಅನಾರೋಗ್ಯದಿಂದ ಮೃತಪಟ್ಟ ಮಗುವನ್ನು ಹೂತು ಹಾಕಲು ಆ ದುರುಳ ತಂದೆ ಮಗಳನ್ನು ಕರೆದುಕೊಂಡು ಗ್ರಾಮದ ಹೊರವಲಯದಲ್ಲಿರುವ ಅರಣ್ಯ ಪ್ರದೇಶಕ್ಕೆ ತೆರಳಿದ್ದ. ಆದರೆ ಅಲ್ಲಿಗೆ ಹೋಗುವಾ ತಂದೆ ಮತ್ತು ಮಗಳ ನಡುವೆ ವಿಚಾರಕ್ಕೆ ಸಂಬಂಧಿಸಿದಂತೆ ವಾದ ನಡೆದಿದೆ. ವರ್ಷದ ಹಿಂದೆಯೇ ಆಕೆ ಮದುವೆಯಾಗಿದ್ದರೂ ತಂದೆಯ ಕೋಪ ತಣ್ಣಗಾಗಿರಲಿಲ್ಲ. ಈ ವಾಗ್ವಾದದ ವೇಳೆ ತಂದೆ ಮಗಳ ಮೇಲೆಯೇ ಅತ್ಯಾಚಾರ ಎಸಗಿ, ಆಕೆಯ ಕತ್ತು ಹಿಸುಕು ಸಾಯಿಸಿದ್ದಾನೆ. ಬಳಿಕ ಅಲ್ಲಿಂದ ಪರಾರಿಯಾಗಿದ್ದಾನೆ. ಈ ಘಟನೆ ನವೆಂಬರ್ 5ರಂದು ನಡೆದಿದೆ.
ಒಂಬತ್ತು ದಿನಗಳ ಬಳಿಕ, ನವೆಂಬರ್ 14ರಂದು ಅರಣ್ಯ ಸಂರಕ್ಷಕರೊಬ್ಬರು ಈ ಮೃತದೇಹಗಳನ್ನು ಕಂಡು ಪೊಲೀಸರಿಗೆ ಮಾಹಿತಿ ನೀಡಿದ್ದರು. ಆರಂಭದಲ್ಲಿ ಇದು ಪ್ರಕರಣ ಎಂದು ಪೊಲೀಸರು ಭಾವಿಸಿದ್ದರು. ಆದರೆ ಮಹಿಳೆಯ ಮರಣೋತ್ತರ ಪರೀಕ್ಷೆ ನಡೆಸಿದ ಬಳಿಕ ಬಂದ ವರದಿಯಲ್ಲಿ, ಅತ್ಯಾಚಾರ ಎಸಗಿ ಹತ್ಯೆ ಮಾಡಿರುವುದು ಗೊತ್ತಾಗಿದೆ.
ಕಾಡಿನಲ್ಲಿ ದೊರೆತ ಮಹಿಳೆ ಮತ್ತು ಶಿಶುವಿನ ದೇಹಗಳು ಕೊಳೆಯಲಾರಂಭಿಸಿದ್ದವು. ತನಿಖೆ ನಡೆಸಿದ ರತಿಬಾದ್ ಪೊಲೀಸರಿಗೆ ಇದು ಸೆಹೋರ್ ಜಿಲ್ಲೆಯ ಬಿಲ್ಕಿಸ್‌ಗಂಜ್‌ನ ಮಹಿಳೆಯ ದೇಹ ಎನ್ನುವುದು ಗೊತ್ತಾಯಿತು. ಒಂದು ವರ್ಷದ ಹಿಂದೆ ಆಕೆಗೆ ಮದುವೆಯಾಗಿತ್ತು, ಆದರೆ ಆಕೆಯ ಕುಟುಂಬಕ್ಕೆ ಈ ಬಗ್ಗೆ ಅಸಮಾಧಾನವಿತ್ತು. ಮಗಳು ಅನ್ಯ ಜಾತಿಯವನನ್ನು ಪ್ರೀತಿಸಿ, ಓಡಿ ಹೋಗಿ ಮದುವೆಯಾಗಿದ್ದನ್ನು ಅವರು ಸಹಿಸಿರಲಿಲ್ಲ ಎನ್ನುವುದು ತಿಳಿದುಬಂದಿತು.
ಅನುಮಾನದ ಮೇರೆಗೆ ಕುಟುಂಬದವರನ್ನು ವಿಚಾರಣೆಗೆ ಒಳಪಡಿಸಿದಾಗ ತಾನೇ ಅಪರಾಧ ಎಸಗಿದ್ದಾಗಿ ತಂದೆ ಒಪ್ಪಿಕೊಂಡಿದ್ದಾನೆ. ಮಗಳ ಪ್ರೇಮ ವಿವಾಹದ ಬಗ್ಗೆ ಸ್ಥಳೀಯರು ಪದೇ ಪದೇ ಹಂಗಿಸುತ್ತಿದ್ದರು. ಇದರಿಂದ ನೋವು ಹಾಗೂ ಸಿಟ್ಟು ಬರುತ್ತಿತ್ತು. ಮದುವೆಯಾದ ಬಳಿಕ ಇದೇ ಕಾರಣಕ್ಕೆ ಆಕೆ ಕೂಡ ತವರು ಮನೆಗೆ ಬಂದಿರಲಿಲ್ಲ. ಗಂಡನೊಂದಿಗೆ ಶುಜಾಪುರ ಜಿಲ್ಲೆಯ ಶುಜಾಲ್ಪುರ ಪ್ರದೇಶದಲ್ಲಿ ವಾಸಿಸುತ್ತಿದ್ದಳು. ಆದರೆ ತನ್ನ ಭಾವ ಛತ್ತೀಸಗಡದ ರಾಯ್ಪುರಕ್ಕೆ ಕೆಲವು ದಿನ ತೆರಳಬೇಕಾಗಿದ್ದರಿಂದ ಅಕ್ಕ ಒಬ್ಬಂಟಿಯಾಗಿರುವುದು ಬೇಡ ಎಂದು ದೀಪಾವಳಿ ಹಬ್ಬದ ಆಚರಣೆಗಾಗಿ ಆಕೆ ಅಕ್ಟೋಬರ್ 20ರಂದು ಭೋಪಾಲ್‌ನಲ್ಲಿನ ಅಕ್ಕನ ಮನೆಗೆ ತೆರಳಿದ್ದಳು. ಆದರೆ ಅಕ್ಕನ ಮನೆಯಲ್ಲಿ ಇದ್ದಾಗ ನ್ಯುಮೋನಿಯಾ ತೀವ್ರಗೊಂಡು ಅಲ್ಲಿಯೇ ಅವಳ ಎಂಟು ತಿಂಗಳ ಕಂದಮ್ಮ ಅಸುನೀಗಿತ್ತು.
ತನ್ನ ತಂದೆಗೆ ಕರೆ ಮಾಡಿದ್ದ ಮಹಿಳೆಯ ಅಕ್ಕ, ಅಲ್ಲಿ ನಡೆದ ಘಟನೆಯನ್ನು ವಿವರಿಸಿದ್ದಳು. ಮಗನೊಂದಿಗೆ ರತಿಬಾದ್‌ಗೆ ಹೋಗಿದ್ದ ತಂದೆ, ಮಗುವನ್ನು ಹೂತು ಹಾಕುವುದಾಗಿ ಹೇಳಿದ್ದ. ಅರಣ್ಯ ಪ್ರದೇಶಕ್ಕೆ ತೆರಳಿದಾಗ ಬೈಕ್ ಬಳಿ ಇರುವಂತೆ ಮಗನಿಗೆ ಸೂಚಿಸಿದ್ದ ತಂದೆ, ಕಾಡಿನೊಳಗೆ ತೆರಳಿದಾಗ ಮಗಳೊಂದಿಗೆ ಜಗಳ ತೆಗೆದಿದ್ದ. ಇದಕ್ಕೆ ಆಕೆ ಯಾವುದೇ ಪ್ರತಿಕ್ರಿಯೆ ನೀಡಿರಲಿಲ್ಲ. ಇದರಿಂದ ತಾಳ್ಮೆ ಕಳೆದುಕೊಂಡು ಆಕೆಯ ಮೇಲೆ ಹಲ್ಲೆ ನಡೆಸಿದ್ದ. ನಂತರ ಅತ್ಯಾಚಾರ ಎಸಗಿ ಕತ್ತು ಹಿಸುಕಿ ಸಾಯಿಸಿದ್ದಾನೆ.
ಹೆಂಡತಿಯ ಹತ್ಯೆ ಬಗ್ಗೆ ಗೊತ್ತೇ ಇರಲಿಲ್ಲಆಕೆಯ ಮೇಲೆ ಅತ್ಯಾಚಾರ ಎಸಗಿದ ಸಂಗತಿ ಮಗ ಹಾಗೂ ಅಕ್ಕ ಇಬ್ಬರಿಗೂ ತಿಳಿದಿರಲಿಲ್ಲ. ಕೊಲೆಯಾದ ಮಹಿಳೆಯ ಪತಿಗೂ ಈ ಬಗ್ಗೆ ಗೊತ್ತಿರಲಿಲ್ಲ. ಮಹಿಳೆ ಬಳಿ ಮೊಬೈಲ್ ಫೋನ್ ಇರಲಿಲ್ಲ. ದೀಪಾವಳಿ ವೇಳೆ ಬೇರೆ ಯಾರದ್ದೋ ಫೋನ್ ಬಳಸಿ ಗಂಡನೊಂದಿಗೆ ಆಕೆ ಮಾತನಾಡಿದ್ದಳು. ಹೀಗಾಗಿ ಹೆಂಡತಿ ಆಕೆಯ ಅಕ್ಕನ ಮನೆಯಲ್ಲಿಯೇ ಇದ್ದಾಳೆ ಎಂದು ಆತ ಭಾವಿಸಿದ್ದ.
'ನಾವು ಒಂದೂವರೆ ವರ್ಷದ ಹಿಂದೆ ಮದುವೆಯಾಗಿದ್ದೆವು. ಮಗಳು ಕಾಣೆಯಾಗಿದ್ದಾಳೆ ಎಂದು ಆಕೆಯ ತಂದೆ ಬಿಲ್ಕಿಸ್‌ಗಂಜ್ ಠಾಣೆಯಲ್ಲಿ ಸುಳ್ಳು ದೂರು ನೀಡಿದ್ದ. ಆದರೆ ನಾವಿಬ್ಬರೂ ಮದುವೆಯಾಗಿದ್ದೇವೆ ಎಂದು ಪೊಲೀಸರಿಗೆ ಮಾಹಿತ ನೀಡಿದ್ದೆವು. ಬಳಿಕ, ಮನೆಗೆ ವಾಪಸ್ ಆದರೆ ಕೊಲೆ ಮಾಡುವುದಾಗಿ ಮಗಳಿಗೆ ಆತ ಬೆದರಿಕೆ ಹಾಕಿದ್ದ' ಎಂದು ಮಹಿಳೆಯ ಗಂಡ ತಿಳಿಸಿದ್ದಾನೆ.
