Pushpa: ‘’ಸುಕುಮಾರ್ ಇಲ್ಲದೆ ನಾನೇನೂ ಅಲ್ಲ’’ ಅಂತ್ಹೇಳಿ ಕಣ್ಣೀರು ಹಾಕಿದ ಅಲ್ಲು ಅರ್ಜುನ್
‘ಪುಷ್ಪ’ ಸಿನಿಮಾದ ಸಕ್ಸಸ್ ಮೀಟ್‌ನಲ್ಲಿ ನಿರ್ದೇಶಕ ಸುಕುಮಾರ್ ಬಗ್ಗೆ ಮಾತನಾಡಿದ ಟಾಲಿವುಡ್‌ನ ಸ್ಟೈಲಿಶ್ ಸ್ಟಾರ್ ಅಲ್ಲು ಅರ್ಜುನ್ ಕಣ್ಣೀರು ಹಾಕಿದರು.
Admin
0
4
ಎಷ್ಟೇ ನೆಗೆಟಿವ್ ಕಾಮೆಂಟ್ಸ್ ಬಂದರೂ, ‘’ (: The Rise) ಚಿತ್ರ ಯಶಸ್ವಿಯಾಗಿದೆ. ಬಾಕ್ಸ್ ಆಫೀಸ್‌ ಕಲೆಕ್ಷನ್‌ನಲ್ಲಿ ‘ಪುಷ್ಪ’ ಚಿತ್ರದ ನಾಗಾಲೋಟ ಮುಂದುವರೆದಿದೆ. ಕಲೆಕ್ಷನ್‌ನಲ್ಲಿ ಕೋಟಿ ಕೋಟಿ ಬಾಚುತ್ತಿರುವ ‘ಪುಷ್ಪ’ ಸಿನಿಮಾದ ಸಕ್ಸಸ್ ಮೀಟ್ ಇತ್ತೀಚೆಗಷ್ಟೇ ನಡೆದಿತ್ತು. ‘ಪುಷ್ಪ’ ಸಿನಿಮಾದ ಸಕ್ಸಸ್ ಮೀಟ್‌ನಲ್ಲಿ ಇಡೀ ಸಿನಿಮಾ ತಂಡ ಭಾಗವಹಿಸಿತ್ತು. ಈ ವೇಳೆ ನಿರ್ದೇಶಕ ಬಗ್ಗೆ ಮಾತನಾಡಿದ ಟಾಲಿವುಡ್‌ನ ಸ್ಟೈಲಿಶ್ ಸ್ಟಾರ್ ಕಣ್ಣೀರು ಹಾಕಿದರು.
ಅಲ್ಲು ಅರ್ಜುನ್ ಹೇಳಿದ್ದೇನು?
‘’ಜೀವನದಲ್ಲಿ ಕೆಲವೇ ಕೆಲವು ಜನರಿಗೆ ಮಾತ್ರ ನಾನು ಆಭಾರಿಯಾಗಿದ್ದೇನೆ. ನನಗೆ ಜೀವ ನೀಡಿದ ನನ್ನ ತಂದೆ-ತಾಯಿ, ನಮ್ಮನ್ನು ಸಿನಿಮಾ ಜಗತ್ತಿಗೆ ಕರೆತಂದ ನನ್ನ ಅಜ್ಜ, ನನಗೆ ಸದಾ ಬೆಂಬಲ ನೀಡಿದ ಚಿರಂಜೀವಿ, ಹಾಗೂ ನಿರ್ದೇಶಕ ಸುಕುಮಾರ್‌ಗೆ ನಾನು ಯಾವಾಗಲೂ ಆಭಾರಿಯಾಗಿರುತ್ತೇನೆ’’
‘’ಆರ್ಯ’ ಚಿತ್ರದ ನಂತರ ನಾನು ಒಂದು ಸ್ಪೋರ್ಟ್ಸ್ ಕಾರನ್ನು ಖರೀದಿ ಮಾಡಿದೆ. 85 ಲಕ್ಷ ರೂಪಾಯಿ ಖರ್ಚು ಮಾಡಿ ನಾನು ಆ ಕಾರನ್ನು ಖರೀದಿಸಿದೆ. ಆ ಕಾರಿನಲ್ಲಿ ಕೂತು ನಾನು ಸ್ಟೇರಿಂಗ್ ಹಿಡಿದಾಗ ‘’ಇಲ್ಲಿಯವರೆಗೆ ನಾನು ಹೇಗೆ ಬಂದೆ’’ ಎಂದು ಯೋಚಿಸಿದೆ. ಆಗ ನನಗೆ ಮೊದಲು ನೆನಪಾದವರು ನಿರ್ದೇಶಕ ಸುಕುಮಾರ್. ನೀವು ಇಲ್ಲದೆ ನಾನೇನೂ ಅಲ್ಲ ಸಾರ್’’ ಎಂದು ಸುಕುಮಾರ್ ಅವರನ್ನು ಉದ್ದೇಶಿಸಿ ಅಲ್ಲು ಅರ್ಜುನ್ ಹೇಳಿದರು.
‘’ನನ್ನ ಜೀವನದಲ್ಲಿ ಸುಕುಮಾರ್ ಎಷ್ಟು ಮುಖ್ಯ ಅಂತ ಪದಗಳಲ್ಲಿ ಹೇಳಲು ಸಾಧ್ಯವಿಲ್ಲ. ಸುಕುಮಾರ್ ಇಲ್ಲದೆ ಹೋಗಿದ್ದರೆ ನಾನು ಏನಾಗಿಬಿಡುತ್ತಿದ್ದೆನೋ..’’ ಎನ್ನುತ್ತಾ ಅಲ್ಲು ಅರ್ಜುನ್ ಕಣ್ಣೀರು ಹಾಕಿದರು. ಅಲ್ಲು ಅರ್ಜುನ್ ಅವರ ಮಾತುಗಳನ್ನು ಕೇಳಿ ನಿರ್ದೇಶಕ ಸುಕುಮಾರ್ ಕೂಡ ಭಾವುಕರಾದರು. ಬಳಿಕ ಒಬ್ಬರನ್ನೊಬ್ಬರು ಅಪ್ಪಿಕೊಂಡು ಬೆನ್ನಿತಟ್ಟಿಕೊಂಡರು.
‘ಪುಷ್ಪ-2’ ಚಿತ್ರದ ಬಗ್ಗೆ ಸುಕುಮಾರ್ ಹೇಳಿದ್ದೇನು?
‘‘ಪುಷ್ಪ-2’ ಸಿನಿಮಾ ಮುಂದಿನ ವರ್ಷದ ಡಿಸೆಂಬರ್ ಹೊತ್ತಿಗೆ ತೆರೆಗೆ ಬರಲಿದೆ. ‘ಪುಷ್ಪ: ದಿ ರೂಲ್’ ಚಿತ್ರದ ಸೀನ್‌ಗಳನ್ನು ನಾವು ಶೂಟ್ ಮಾಡಿದ್ವಿ. ಆದ್ರೀಗ, ಅದನ್ನ ರೀ-ಶೂಟ್ ಮಾಡಬೇಕು ಎಂದೆನಿಸುತ್ತಿದೆ. ಸ್ಕ್ರಿಪ್ಟ್ ಲಾಕ್ ಆಗಿದೆ. ಫೆಬ್ರವರಿ ಕೊನೆಯ ವಾರದಿಂದ ‘ಪುಷ್ಪ: ದಿ ರೂಲ್’ ಸಿನಿಮಾದ ಚಿತ್ರೀಕರಣ ಶುರುವಾಗಲಿದೆ’’ ಎಂದು ನಿರ್ದೇಶಕ ಸುಕುಮಾರ್ ತಿಳಿಸಿದ್ದಾರೆ.
‘ಆರ್ಯ’
2004ರಲ್ಲಿ ತೆರೆಕಂಡ ಸಿನಿಮಾ ‘ಆರ್ಯ’. ನಿರ್ದೇಶಕ ಸುಕುಮಾರ್ ಚೊಚ್ಚಲ ಬಾರಿಗೆ ಆಕ್ಷನ್ ಕಟ್ ಹೇಳಿದ ಚಿತ್ರ ‘ಆರ್ಯ’. ಅಲ್ಲು ಅರ್ಜುನ್ ಅವರ ವೃತ್ತಿ ಬದುಕಿಗೂ ದೊಡ್ಡ ತಿರುವು ಕೊಟ್ಟಿದ್ದು ಇದೇ ‘ಆರ್ಯ’ ಸಿನಿಮಾ. ಆ ಸಮಯದಲ್ಲೇ ‘ಆರ್ಯ’ ಚಿತ್ರ 30 ಕೋಟಿ ರೂಪಾಯಿಗೂ ಅಧಿಕ ಕಲೆಕ್ಷನ್ ಮಾಡಿತ್ತು. ಸುಕುಮಾರ್ ಮತ್ತು ಅಲ್ಲು ಅರ್ಜುನ್ ಕಾಂಬಿನೇಶನ್‌ನಲ್ಲಿ ತೆರೆಗೆ ಬಂದಿದ್ದ ‘ಆರ್ಯ 2’ ಚಿತ್ರ ಕೂಡ ಸೂಪರ್ ಸಕ್ಸಸ್ ಆಗಿತ್ತು. ಇದೀಗ ‘ಪುಷ್ಪ: ದಿ ರೈಸ್’ ಮೂಲಕ ಅಲ್ಲು ಅರ್ಜುನ್ ಮತ್ತು ಸುಕುಮಾರ್ ಜೋಡಿ ಹ್ಯಾಟ್ರಿಕ್ ಹಿಟ್ ಕೊಟ್ಟಿದ್ದಾರೆ.
