Head Bush Movie: 'ರಿಯಲ್ ಲೈಫ್ ವ್ಯಕ್ತಿಗಳ ಪಾತ್ರದಲ್ಲಿ ನಟಿಸುವುದು ದೊಡ್ಡ ಸವಾಲಿನ ಕೆಲಸ'- ನಟಿ ಶ್ರುತಿ ಹರಿಹರನ್‌

ಹರೀಶ್‌ ಬಸವರಾಜ್‌ ಸ್ಯಾಂಡಲ್‌ವುಡ್‌ನ ಪ್ರತಿಭಾವಂತ ನಟಿಯಾಗಿ ಗುರುತಿಸಲ್ಪಟ್ಟಿರುವ ಶ್ರುತಿ ಹರಿಹರನ್‌ ಅವರು 2-3 ವರ್ಷಗಳಿಂದ ಮದುವೆ, ಮಗು, ಸಂಸಾರದಲ್ಲಿ ಬಿಝಿಯಾಗಿದ್ದರು. ಕೆಲವು ದಿನಗಳ ಹಿಂದೆಯಷ್ಟೇ ಸೂರ್ಯ ವಸಿಷ್ಠ ಎಂಬ ಹೊಸ ನಿರ್ದೇಶಕರ ಸಿನಿಮಾ ಒಪ್ಪಿಕೊಂಡಿರುವ ಅವರು ಈಗ ಡಾಲಿ ನಟನೆಯ 'ಹೆಡ್‌ ಬುಷ್‌' ಸಿನಿಮಾದಲ್ಲಿ ವಿಶೇಷ ಪಾತ್ರವೊಂದರಲ್ಲಿನಟಿಸುತ್ತಿದ್ದಾರೆ. ಪ್ರಭಾವಿ ಮಹಿಳೆ ಸುಮಾರು 1970-80ರ ದಶಕದಲ್ಲಿ ಬೆಂಗಳೂರಿನ ಭೂಗತ ಲೋಕವನ್ನು ಆಳಿದ್ದ ಅಂಡರ್‌ವರ್ಲ್ಡ್ ಡಾನ್‌ ಜಯರಾಜ್‌ ಬಯೋಪಿಕ್‌ 'ಹೆಡ್‌ ಬುಷ್‌'ನಲ್ಲಿ ನಟ ಧನಂಜಯ ಅವರು ಜಯರಾಜ್‌ ಆಗಿ ನಟಿಸುತ್ತಿದ್ದಾರೆ. ಇವರೊಂದಿಗೆ ಲೂಸ್‌ ಮಾದ ಯೋಗಿ, ವಸಿಷ್ಠ ಸಿಂಹ, ಪಾಯಲ್‌ ರಜಪೂತ್‌ ಸೇರಿದಂತೆ ಹಲವು ಕಲಾವಿದರಿದ್ದಾರೆ. ಈಗ ಈ ಸಿನಿಮಾಗೆ ಶ್ರುತಿ ಹರಿಹರನ್‌ ಹೊಸ ಸೇರ್ಪಡೆಯಾಗಿದ್ದಾರೆ. ಅವರು ಇದರಲ್ಲಿ70-80ರ ದಶಕದಲ್ಲಿ ಬೆಂಗಳೂರಿನಲ್ಲಿದ್ದ ಪ್ರಭಾವಿ ಮಹಿಳೆಯೊಬ್ಬರ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಅಗ್ನಿ ಶ್ರೀಧರ್‌ ಸಿನಿಮಾಗಳೆಂದರೆ ನಂಗಿಷ್ಟ ಈ ಬಗ್ಗೆ ಹೇಳಿರುವ ಶ್ರುತಿ ಹರಿಹರನ್‌, 'ಕೆಲವು ದಿನಗಳ ಹಿಂದೆ ಧನಂಜಯ ಕರೆ ಮಾಡಿ ಜಯರಾಜ್‌ ಬಗ್ಗೆ ಸಿನಿಮಾ ಮಾಡುತ್ತಿದ್ದೇವೆ ಕಥೆ ಕೇಳಿ ನೋಡಿ ಎಂದಿದ್ದರು. ಆಮೇಲೆ ಅಗ್ನಿ ಶ್ರೀಧರ್‌ ಅವರು ಕಥೆ ವಿವರಿಸಿದರು. ಅಗ್ನಿ ಶ್ರೀಧರ್‌ ಅವರ 'ಆ ದಿನಗಳು', 'ಎದೆಗಾರಿಕೆ' ಸಿನಿಮಾಗಳನ್ನು ನೋಡಿ ನಾನು ಅವರ ಫ್ಯಾನ್‌ ಆಗಿದ್ದೆ. ಈಗ ಅವರೇ ನನಗೆ ಕಥೆ ವಿವರಿಸಿದಾಗ ಖುಷಿಯಾಯಿತು. ಅವರ ಕಥೆಯಲ್ಲಿ ನನಗೊಂದು ಪಾತ್ರವಿರುವುದು ನನ್ನ ಸಂತೋಷವನ್ನು ಹೆಚ್ಚಿಸಿತು' ಎಂದಿದ್ದಾರೆ. ಇದು ಚಾಲೆಂಜಿಂಗ್‌ ಪಾತ್ರ ಹೆಡ್‌ ಬುಷ್‌ ಸಿನಿಮಾದ ಕಥೆಯಲ್ಲಿ ನಾನು ನಿರ್ವಹಿಸಬೇಕಾಗಿರುವ ಪಾತ್ರ ಬಹಳ ಚಾಲೆಂಜಿಂಗ್‌ ಇದೆ ಎಂದು ಅನಿಸಿತು ಎಂದಿರುವ ಶ್ರುತಿ ಹರಿಹರನ್‌, 'ಕಾಲ್ಪನಿಕ ಪಾತ್ರಕ್ಕೆ ಜೀವ ತುಂಬುವುದಕ್ಕಿಂತ, ಬದುಕಿದ್ದ ವ್ಯಕ್ತಿಯ ಪಾತ್ರದಲ್ಲಿ ನಟಿಸುವುದು ದೊಡ್ಡ ಸವಾಲಿನ ಕೆಲಸ. ಆ ಸವಾಲನ್ನು ನಿರ್ವಹಿಸಿದರೆ ಕಲಾವಿದೆಯಾಗಿ ನನಗೆ ಸಾರ್ಥಕತೆ ಮೂಡುತ್ತದೆ. ಹಾಗಾಗಿ ನಾನು ಪಾತ್ರವನ್ನು ಒಪ್ಪಿಕೊಂಡೆ. ಈ ಪಾತ್ರಕ್ಕಾಗಿ ಆ ದಿನಗಳ ಬಾಡಿ ಲಾಂಗ್ವೇಜ್‌, ಕಾಸ್ಟ್ಯೂಮ್‌ ಎಲ್ಲವೂ ವಿಶೇಷವಾಗಿರುತ್ತವೆ. ತೆರೆಯ ಮೇಲೆ ನೋಡಿದಾಗ ಜನರಿಗೆ ಈ ಪಾತ್ರಕ್ಕೆ ನಾನು ನ್ಯಾಯ ಸಲ್ಲಿಸಿದ್ದೇನೆ ಎಂದು ಅನಿಸಿದರೆ ಸಾಕು. ಧನಂಜಯ ಅವರ ಜತೆಗೆ ಕಾಂಬಿನೇಶನ್‌ ಸೀನ್‌ಗಳಿರುತ್ತವೆ. ಹಾಗಂತ ನಾನು ಅವರಿಗೆ ನಾಯಕಿಯಲ್ಲ. ನನ್ನ ಪಾತ್ರದ ಬಗ್ಗೆ ಹೆಚ್ಚಿಗೆ ಹೇಳುವುದಕ್ಕಿಂತ ತೆರೆಯ ಮೇಲೆ ನೋಡಬೇಕು' ಎಂದು ವಿವರಿಸಿದ್ದಾರೆ. ಹಲವು ಅವಕಾಶ ಶ್ರುತಿ ಹರಿಹರನ್‌ಗೆ ಈಗಾಗಲೇ ಹಲವು ಸಿನಿಮಾಗಳ ಆಫರ್‌ಗಳು ಬರುತ್ತಿವೆ. ಸೂರ್ಯ ವಸಿಷ್ಠ ಅವರ ಸಿನಿಮಾದ ಚಿತ್ರೀಕರಣ ಕಂಪ್ಲೀಟ್‌ ಆಗಿದ್ದು, ಇದಕ್ಕೆ 'ಸಾಲುಗಾರ' ಎಂಬ ಟೈಟಲ್‌ ಇಡಬಹುದು ಎಂದು ಹೇಳಲಾಗುತ್ತಿದೆ. ಒಟಿಟಿ ಕಂಟೆಂಟ್‌ಗಳಿಂದಲೂ ಶ್ರುತಿಗೆ ಕರೆ ಬರುತ್ತಿದೆ. ಪರ್ಫಾಮೆನ್ಸ್‌ಗೆ ಅವಕಾಶ ಇರುವ ಪಾತ್ರಗಳು ಸಿಕ್ಕರೆ ಒಪ್ಪಿಕೊಳ್ಳುತ್ತೇನೆ. ಈಗ ಒಪ್ಪಿಕೊಂಡಿರುವ ಸಿನಿಮಾಗಳೆಲ್ಲವೂ ಅಂಥದ್ದೇ ಆಗಿವೆ ಎಂದು ಅವರು ಹೇಳಿದ್ದಾರೆ. 'ಹೆಡ್‌ ಬುಷ್‌' ಸಿನಿಮಾದಲ್ಲಿ 'ಹುಲಿರಾಯ' ಸಿನಿಮಾ ಖ್ಯಾತಿಯ ಬಾಲು ನಾಗೇಂದ್ರ ಪ್ರಮುಖ ಪಾತ್ರವೊಂದನ್ನು ಪೋಷಿಸುತ್ತಿದ್ದಾರೆ. ಕೋಟ್‌ ಹೆಡ್‌ ಬುಷ್‌ ಸಿನಿಮಾದಲ್ಲಿ ಜಯರಾಜ್‌ ಕಾಲದಲ್ಲಿದ್ದ ಮಹಿಳೆಯೊಬ್ಬರ ಪಾತ್ರ ನನ್ನದು. ಇದು ಚಿತ್ರದಲ್ಲಿ ಪ್ರಬಲವಾದ ಪಾತ್ರ ಎನ್ನಬಹುದು. ಈಗಾಗಲೇ ಒಂದು ವಾರದ ಚಿತ್ರೀಕರಣ ಕಂಪ್ಲೀಟ್‌ ಆಗಿದೆ. ನನ್ನ ಈ ಹಿಂದಿನ ಸಿನಿಮಾಗಳಲ್ಲಿನ ನಟನೆಗೂ ಈ ಸಿನಿಮಾದ ನಟನೆಗೂ ಬಹಳಷ್ಟು ವ್ಯತ್ಯಾಸವಿದೆ. -ಶ್ರುತಿ ಹರಿಹರನ್‌, ನಟಿ