ಭಾರತದ ಅತಿ ದೊಡ್ಡ ಮೆಗಾ 'ಐಪಿಒ'ಗೆ ಚಾಲನೆ ನೀಡಿದ 'ಪೇಟಿಎಂ'
ಭಾರತದ ಇದುವರೆಗಿನ ಅತಿ ದೊಡ್ಡ ಐಪಿಒಗೆ ಪೇಟಿಎಂ ಸೋಮವಾರ ಚಾಲನೆ ನೀಡಿದೆ. ಡಿಜಿಟಲ್‌ ಪೇಮೆಂಟ್‌ ವಲಯದ ಪೇಟಿಎಂ ಷೇರು ಮಾರುಕಟ್ಟೆ ಪ್ರವೇಶದ ಪರಿಣಾಮವೇನು? ಎಲ್ಲರೂ ತಿಳಿಯಲೇಬೇಕಾದ ವಿವರ ಇಲ್ಲಿದೆ.
Admin
0
6
ಹೊಸದಿಲ್ಲಿ: ಭಾರತದ ಇದುವರೆಗಿನ ಅತಿ ದೊಡ್ಡ ಐಪಿಒಗೆ ಸೋಮವಾರ ಚಾಲನೆ ನೀಡಿದೆ. ಡಿಜಿಟಲ್‌ ಪೇಮೆಂಟ್‌ ವಲಯದ ಪೇಟಿಎಂ ಷೇರು ಮಾರುಕಟ್ಟೆ ಪ್ರವೇಶದ ಪರಿಣಾಮವೇನು? ಇಲ್ಲಿದೆ ವಿವರ.
18,300 ಕೋಟಿ ರೂ. ಸಂಗ್ರಹದ ಗುರಿ:
ಪೇಟಿಎಂ ಷೇರು ಮಾರುಕಟ್ಟೆಯಲ್ಲಿ ಆರಂಭಿಕ ಷೇರು ಬಿಡುಗಡೆಯ ಮೂಲಕ ಅಂದಾಜು 2.5 ಶತಕೋಟಿ ಡಾಲರ್‌ (ಸುಮಾರು 18,300 ಕೋಟಿ ರೂ.) ಸಂಗ್ರಹಿಸುವ ಇರಾದೆಯನ್ನು ಹೊಂದಿದೆ. ಅಂದಾಜು 8300 ಕೋಟಿ ರೂ. ಮೌಲ್ಯದ ತಾಜಾ ಷೇರುಗಳನ್ನು ಬಿಡುಗಡೆಗೊಳಿಸಲಿದೆ. 10,000 ಕೋಟಿ ರೂ.ಗಳನ್ನು ಒಎಫ್‌ಎಸ್‌ ಮೂಲಕ ಬಿಡುಗಡೆಗೊಳಿಸಲಿದೆ.
ಅವಧಿ:
ಪೇಟಿಎಂ ಐಪಿಒ 2021 ನವೆಂಬರ್‌ 8ಕ್ಕೆ ಆರಂಭವಾಗಿ ನ.10 ತನಕ ನಡೆಯಲಿದೆ. ಪ್ರತಿ ಷೇರಿನ ದರ ಶ್ರೇಣಿಯು 2,080 ರೂ.ಗಳಿಂದ 2,150 ರೂ.ಗೆ ನಿಗದಿಯಾಗಿದೆ.
ಜಾಕ್‌ ಮಾ ಗ್ರೂಪ್‌ ಬೆಂಬಲ:
ಪೇಟಿಎಂ ಅನ್ನು ಚೀನಾ ಮೂಲದ ಜಾಕ್‌ ಮಾ ಅವರ ಆಂಟ್‌ ಗ್ರೂಪ್‌ ಬೆಂಬಲಿಸಿ 2015ರಲ್ಲಿಹೂಡಿಕೆ ಮಾಡಿದೆ. ಅದು ಸುಮಾರು 4 ಶತಕೋಟಿ ಡಾಲರ್‌ ಹೂಡಿದೆ. ಜಪಾನ್‌ ಮೂಲದ ಸಾಫ್ಟ್‌ ಬ್ಯಾಂಕ್‌ ಮತ್ತು ಅಮೆರಿಕದ ಹೂಡಿಕೆದಾರ ವಾರೆನ್‌ ಬಫೆಟ್‌ ಅವರ ಬರ್ಕ್ಶೈರ್‌ ಹಾಥ್‌ವೇ ಕೂಡ ಬಂಡವಾಳ ಹೂಡಿಕೆ ಮಾಡಿದೆ.
2010ರಲ್ಲಿ ಪೇಟಿಎಂ ಸ್ಥಾಪನೆ:
ಪೇಟಿಎಂ ಎಂದರೆ ಪೇ ತ್ರೂ ಮೊಬೈಲ್ (ಮೊಬೈಲ್ ಮೂಲಕ ಪಾವತಿಸಿ) ಎಂಬರ್ಥವಿದೆ. ಈ ಕಂಪನಿಯನ್ನು 2010ರಲ್ಲಿ, 11 ವರ್ಷಗಳ ಹಿಂದೆ ವಿಜಯ್‌ ಶೇಖರ್‌ ಶರ್ಮಾ ಸ್ಥಾಪಿಸಿದರು. ಉತ್ತರಪ್ರದೇಶದ ನೋಯ್ಡಾದಲ್ಲಿ ಪ್ರಧಾನ ಕಚೇರಿಯನ್ನು ಹೊಂದಿದೆ. ಆನ್‌ಲೈನ್‌ ಪೇಮೆಂಟ್‌ ಸಿಸ್ಟಮ್‌, ಯುಟಿಲಿಟಿ ಬಿಲ್‌ ಪೇಮೆಂಟ್‌, ಟ್ರಾವೆಲ್‌, ಸಿನಿಮಾ ಬುಕಿಂಗ್‌ ಇತ್ಯಾದಿ ವೈವಿಧ್ಯಮಯ ಸೇವೆಗಳನ್ನು ಒದಗಿಸುತ್ತದೆ. 11 ಭಾರತೀಯ ಭಾಷೆಗಳಲ್ಲಿ ಲಭ್ಯ. 2 ಕೋಟಿಗೂ ಹೆಚ್ಚು ವರ್ತಕರು ಪೇಟಿಎಂನ ಕ್ಯೂ ಆರ್‌ ಕೋಡ್‌ ಪೇಮೆಂಟ್‌ ಅನ್ನು ಅಳವಡಿಸಿದ್ದಾರೆ ಎಂದು ಸಂಸ್ಥೆ ತಿಳಿಸಿದೆ.
ಪೇಟಿಎಂಗೆ ಪ್ರಯೋಜನ ಏನು?
- ಪೇಟಿಎಂ ಭಾರತದ ಅಧಿಕ ಮೌಲ್ಯದ ತಂತ್ರಜ್ಞಾನ ಕಂಪನಿಯಾಗುವ ನಿರೀಕ್ಷೆ ಇದೆ. ಕಂಪನಿಯ ಮಾರುಕಟ್ಟೆ ಮೌಲ್ಯ ಅಂದಾಜು 1.48 ಲಕ್ಷ ಕೋಟಿ ರೂ.
- ಕಂಪನಿಗೆ ಮುಂದಿನ ಹಂತದ ಬೆಳವಣಿಗೆಗೆ, ಇತರ ಕಂಪನಿಗಳ ಖರೀದಿಗೆ ಹಣಕಾಸು ಲಭಿಸಲಿದೆ.
