ಕೊರೊನಾ ನಿಗ್ರಹಿಸುವ ಬದಲು ಗಂಟೆ ಬಾರಿಸುವಂತೆ ಪ್ರಧಾನಿ ಕರೆ: ರಾಹುಲ್ ಆಕ್ರೋಶ
'ದೇಶದ ಆರ್ಥಿಕತೆ ಉಳಿಸಿ, ವಲಸೆ ಕಾರ್ಮಿಕರ ಹಿತ ಕಾಪಾಡಿ, ಸಣ್ಣ ಕೈಗಾರಿಕೆಗಳನ್ನು ಉಳಿಸಿ ಎಂದು ನಾವು ಸಲಹೆ ನೀಡಿದ್ದೆವು. ಆದ್ರೆ, ನಮ್ಮ ಎಚ್ಚರಿಕೆಗಳನ್ನು ಮಾಧ್ಯಮಗಳು ವ್ಯಂಗ್ಯವಾಡಿದವು' - ರಾಹುಲ್ ಗಾಂಧಿ
Admin
0
7
ಡಾರ್ಜೆಲಿಂಗ್ (ಪಶ್ಚಿಮ ಬಂಗಾಳ): ಜನರ ನೆರವಿಗೆ ನಿಲ್ಲುವ ಬದಲು ಬಾರಿಸಿ ಎಂದು ಪ್ರಧಾನಿ ಹೇಳಿದರು ಎಂದು ನಾಯಕ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಪಶ್ಚಿಮ ಬಂಗಾಳ ಚುನಾವಣೆ ಹಿನ್ನೆಲೆಯಲ್ಲಿ ಡಾರ್ಜೆಲಿಂಗ್‌ನಲ್ಲಿ ಪಕ್ಷದ ಅಭ್ಯರ್ಥಿಗಳ ಪರ ಪ್ರಚಾರ ನಡೆಸಿದ ಅವರು, ಕೊರೊನಾ ವೈರಸ್ ಸೋಂಕು ಏರಿಕೆಯನ್ನೇ ಅಸ್ತ್ರವನ್ನಾಗಿ ಬಳಸಿಕೊಂಡರು.
ಚಪ್ಪಾಳೆ ತಟ್ಟಿ, ಗಂಟೆ ಬಾರಿಸಿ ಎನ್ನುವ ಮೂಲಕ ಜನರ ದಾರಿ ತಪ್ಪಿಸಿದರು. ಚಿಕಿತ್ಸೆ ಹಾಗೂ ಲಸಿಕೆಗೆ ಕ್ರಮ ಕೈಗೊಳ್ಳುವ ಬದಲು ಮೊಬೈಲ್ ಫೋನ್‌ನ ಫ್ಲಾಷ್‌ ಲೈಟ್‌ಗಳನ್ನು ತೋರಿಸಿ ಎಂದು ಪ್ರಧಾನಿ ಮೋದಿ ಜನರಿಗೆ ಕರೆ ನೀಡಿದರು ಎಂದು ರಾಹುಲ್ ಗಾಂಧಿ ವ್ಯಂಗ್ಯವಾಡಿದರು.
ಕೊರೊನಾ ವೈರಸ್ ಕುರಿತಾಗಿ 2020ರ ಫೆಬ್ರುವರಿಯಿಂದಲೇ ನಾವು ಸರ್ಕಾರವನ್ನು ಎಚ್ಚರಿಸುತ್ತಿದ್ದೆವು ಎಂದು ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಹೇಳಿದ್ದಾರೆ. ನಮ್ಮ ಪಕ್ಷದ ನಾಯಕರು ಹಾಗೂ ನಾನು ಕಳೆದ ವರ್ಷ ಫೆಬ್ರುವರಿಯಿಂದಲೇ ಪ್ರಧಾನಿಗೆ ಎಚ್ಚರಿಕೆ ನೀಡಿದ್ದೆವು ಎಂದು ಅವರು ತಿಳಿಸಿದ್ದಾರೆ.
ಪಶ್ಚಿಮ ಬಂಗಾಳದ ಡಾರ್ಜೆಲಿಂಗ್‌ನಲ್ಲಿ ಮಾತನಾಡಿದ ಅವರು, ದೇಶದ ಆರ್ಥಿಕತೆ ಉಳಿಸಿ, ವಲಸೆ ಕಾರ್ಮಿಕರ ಹಿತ ಕಾಪಾಡಿ, ಸಣ್ಣ ಕೈಗಾರಿಕೆಗಳನ್ನು ಉಳಿಸಿ ಎಂದು ನಾವು ಸಲಹೆ ನೀಡಿದ್ದೆವು. ಆದ್ರೆ, ನಮ್ಮ ಎಚ್ಚರಿಕೆಗಳನ್ನು ಮಾಧ್ಯಮಗಳು ವ್ಯಂಗ್ಯವಾಡಿದವು. ನಾವು ಜನರನ್ನು ಹೆದರಿಸುತ್ತಿದ್ದೇವೆ ಎಂದು ಪ್ರತಿ ವಾದಿಸಿದರು ಎಂದು ರಾಹುಲ್ ಗಾಂಧಿ ಹೇಳಿದ್ದಾರೆ.
ಇದೇ ವೇಳೆ ಅಸ್ಸಾಂ ಜನರ ಸಂಸ್ಕೃತಿ ಮೇಲೆ ದಾಳಿ ನಡೆದಿದೆ ಎಂದೂ ರಾಹುಲ್ ಗಾಂಧಿ ಆರೋಪಿಸಿದರು. ಅಸ್ಸಾಂ ಜನರ ಇತಿಹಾಸ ಹಾಗೂ ಸಂಸ್ಕೃತಿ ಮೇಲೆ ದಾಳಿ ನಡೆದಿದೆ. ತಮಿಳುನಾಡು ಹಾಗೂ ಪಶ್ಚಿಮ ಬಂಗಾಳದಲ್ಲೂ ಇದೇ ಪರಿಸ್ಥಿತಿ ಉದ್ಭವವಾಗಿದೆ.
ಬಿಜೆಪಿ ಹಾಗೂ ಆರ್‌ಎಸ್‌ಎಸ್‌ ಹೋದ ಕಡೆಯಲ್ಲೆಲ್ಲಾ ದ್ವೇಷ ಹಾಗೂ ಪ್ರತೀಕಾರ ಭಾವನೆಗಳು ಹೆಚ್ಚುತ್ತವೆ ಎಂದು ರಾಹುಲ್ ಗಾಂಧಿ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
