ಬೆಂಗಳೂರು: ಒಎಲ್‌ಎಕ್ಸ್‌ನಲ್ಲಿ ಬೆಡ್‌, ಬೆಡ್‌ಶೀಟ್‌ ಮಾರಾಟಕ್ಕಿಟ್ಟದ್ದ ಮಹಿಳೆಗೆ ಲಕ್ಷಾಂತರ ರೂ. ವಂಚನೆ
ತನ್ನ ಮೊಬೈಲ್‌ಗೆ ಬಂದ ಲಿಂಕ್‌ ಮೇಲೆ ಕ್ಲಿಕ್‌ ಮಾಡಿದಾಗ ಮಹಿಳೆಯ ಬ್ಯಾಂಕ್‌ ಖಾತೆಯಿಂದ ಹಂತ ಹಂತವಾಗಿ 2.54 ಲಕ್ಷ ರೂ. ಕಡಿತವಾಗಿದೆ. ಎಚ್ಚೆತ್ತುಕೊಳ್ಳುವ ವೇಳೆಗೆ ಹಣವೇ ಖಾಲಿ ಆಗಿದೆ..!
Admin
0
16
: ಒಎಲ್‌ಎಕ್ಸ್‌ನಲ್ಲಿ ಸಿಂಗಲ್‌ ಬೆಡ್‌ ಮತ್ತು ಬೆಡ್‌ಶೀಟ್‌ ಮಾರಾಟಕ್ಕಿಟ್ಟಿದ್ದ ಮಹಿಳೆಗೆ ಗ್ರಾಹಕನ ಸೋಗಿನಲ್ಲಿ ಸೈಬರ್‌ ಕಳ್ಳರು 2.64 ಲಕ್ಷ ರೂ. ವಂಚಿಸಿದ್ದಾರೆ.
ಮಲ್ಲಸಂದ್ರದ 43 ವರ್ಷದ ಮಹಿಳೆ ವಂಚನೆಗೊಳಗಾದವರು. ಕೆಲ ದಿನಗಳ ಹಿಂದೆ ಹಳೆಯ ಸಿಂಗಲ್‌ ಬೆಡ್‌ ಮತ್ತು ಬೆಡ್‌ಶೀಟ್‌ಗಳನ್ನು ಒಎಲ್‌ಎಕ್ಸ್‌ನಲ್ಲಿ ಮಹಿಳೆ ಮಾರಾಟಕ್ಕಿಟ್ಟಿದ್ದರು. ತಮ್ಮ ಮೊಬೈಲ್ ನಂಬರ್‌ ಕೂಡಾ ಅಪ್‌ಡೇಟ್ ಮಾಡಿದ್ದರು.
ಇದನ್ನು ಗಮನಿಸಿದ ಸೈಬರ್‌ ಕಳ್ಳ, ಮಹಿಳೆಗೆ ಕರೆ ಮಾಡಿ ಬೆಡ್‌ ಮತ್ತು ಬೆಡ್‌ಶೀಟ್‌ ಖರೀದಿ ಮಾಡಲು ಬಯಸಿದ್ದೇನೆ. ಆನ್‌ಲೈನ್‌ನಲ್ಲಿ ಹಣವನ್ನು ವರ್ಗಾವಣೆ ಮಾಡುತ್ತೇನೆ ಎಂದು ಹೇಳಿ ಯುಪಿಎ ಲಿಂಕ್‌ ಒಂದನ್ನು ಕಳುಹಿಸಿ ಅದರ ಮೇಲೆ ಕ್ಲಿಕ್‌ ಮಾಡಿದರೆ ನಿಮ್ಮ ಬ್ಯಾಂಕ್‌ ಖಾತೆಗೆ ಹಣ ಜಮೆ ಆಗಲಿದೆ ಎಂದು ಹೇಳಿದ್ದಾನೆ.
ಸ್ವಲ್ಪ ಹೊತ್ತಿಗೆ ತನ್ನ ಮೊಬೈಲ್‌ಗೆ ಬಂದ ಲಿಂಕ್‌ ಮೇಲೆ ಕ್ಲಿಕ್‌ ಮಾಡಿದಾಗ ಮಹಿಳೆಯ ಬ್ಯಾಂಕ್‌ ಖಾತೆಯಿಂದ ಹಂತ ಹಂತವಾಗಿ 2.54 ಲಕ್ಷ ರೂ. ಕಡಿತವಾಗಿದೆ. ಎಚ್ಚೆತ್ತುಕೊಳ್ಳುವ ವೇಳೆಗೆ ಹಣವೇ ಖಾಲಿ ಆಗಿದೆ. ವಾಪಸ್‌ ಗ್ರಾಹಕನ ಮೊಬೈಲ್‌ಗೆ ಕರೆ ಮಾಡಿದಾಗ ಆತನ ಮೊಬೈಲ್ ಸ್ವಿಚ್‌ ಆಫ್‌ ಆಗಿತ್ತು.
ವಂಚನೆಗೊಳಗಾದ ಮಹಿಳೆ ಕೊನೆಗೆ ದಕ್ಷಿಣ ವಿಭಾಗ ಸಿಇಎನ್‌ ಠಾಣೆಗೆ ಬಂದು ದೂರು ನೀಡಿದ್ದಾರೆ.
