ನಟ ರಾಮ್ ಚರಣ್ ಧರಿಸಿದ್ದ ಈ ಜಾಕೆಟ್‌ನ ಬೆಲೆ ಎಷ್ಟಿರಬಹುದು? ಇಲ್ಲಿದೆ ಅಚ್ಚರಿಯ ಉತ್ತರ!
ಈಚೆಗಷ್ಟೇ ತಮ್ಮ ನಟನೆಯ 15ನೇ ಸಿನಿಮಾವನ್ನು ಲಾಂಚ್ ಮಾಡಿದ್ದ ನಟ ರಾಮ್ ಚರಣ್ ಅವರು ಈಗ ಬಿಗ್ ಬಾಸ್ ವೇದಿಕೆ ಮೇಲೆ ಕಾಣಿಸಿಕೊಂಡಿದ್ದಾರೆ. ಆ ವೇಳೆ ಅವರು ಧರಿಸಿದ್ದ ಜಾಕೆಟ್ ಈಗ ಸಖತ್ ಸದ್ದು ಮಾಡುತ್ತಿದೆ.
Admin
0
6
ಸೆಲೆಬ್ರಿಟಿಗಳು ಎಂದಮೇಲೆ ಕೊಂಚ ರಾಯಲ್ ಆಗಿ ಇರುವುದು ಸಹಜ. ಅದರಲ್ಲೂ ನಟ ಅವರು ದೊಡ್ಡ ಸೆಲೆಬ್ರಿಟಿ ಕುಟುಂಬದಲ್ಲಿ ಜನಿಸಿದರು. ಅಪ್ಪ-ಚಿಕ್ಕಪ್ಪ ಎಲ್ಲರೂ ಸ್ಟಾರ್‌ಗಳೇ. ಇನ್ನು, ರಾಮ್ ಚರಣ್ ಕೂಡ ದೊಡ್ಡ ಸ್ಟಾರ್ ನಟ ಅನ್ನೋದರಲ್ಲಿ ಎರಡು ಮಾತಿಲ್ಲ. ಇಂತಿಪ್ಪ ರಾಮ್ ಚರಣ್, ವೇದಿಕೆ ಮೇಲೆ ಕಾಣಿಸಿಕೊಂಡಿದ್ದರು. ಅಲ್ಲಿ ನಿರೂಪಕ ಜೊತೆಗೆ ಒಂದಷ್ಟು ಹೊತ್ತು ಕಾಲ ಕಳೆದರು. ಆ ವೇಳೆ ಅವರು ಧರಿಸಿದ್ದ ಒಂದು ಜಾಕೆಟ್ ಈಗ ಎಲ್ಲರ ಗಮನಸೆಳೆಯುತ್ತಿದೆ. ಅಷ್ಟಕ್ಕೂ ಇದರ ಬೆಲೆ ಎಷ್ಟು ಅಂತೀರಾ? ಬರೋಬ್ಬರಿ 1.30 ಲಕ್ಷ ರೂ.!
1.30 ಲಕ್ಷ ರೂ. ಜಾಕೆಟ್ ಧರಿಸಿ ಬಂದ ರಾಮ್ ಚರಣ್
ರಾಮ್ ಚರಣ್‌ಗೆ ಟಾಲಿವುಡ್‌ನಲ್ಲಿ ಭಾರಿ ಬೇಡಿಕೆ ಇದೆ. ಆರ್ಆರ್ಆರ್ ಮೂಲಕ ಅವರು ಪ್ಯಾನ್ ಇಂಡಿಯಾ ಸ್ಟಾರ್ ಆಗೋಕೆ ಹೊರಟಿದ್ದಾರೆ. ಈ ಮಧ್ಯೆ ಅವರಿಗೆ ಓಟಿಟಿಯೊಂದರಿಂದ ದೊಡ್ಡ ಆಫರ್ ಸಿಕ್ಕಿದೆ. ಡಿಸ್ನೀ ಪ್ಲಸ್ ಹಾಟ್‌ಸ್ಟಾರ್‌ನ ಬ್ರ್ಯಾಂಡ್ ಅಂಬಾಸಿಡರ್ ಆಗಿ ರಾಮ್ ಚರಣ್ ನೇಮಕಗೊಂಡಿದ್ದಾರೆ. ಅದನ್ನು ಬಿಗ್ ಬಾಸ್ ವೇದಿಕೆ ಮೇಲೆ ನಾಗಾರ್ಜುನ ಅನ್ನು ಘೋಷಣೆ ಮಾಡಿದ್ದಾರೆ. ಆ ವೇಳೆ ಡೆನಿಮ್ ಜೀನ್ಸ್, ಬ್ಲ್ಯಾಕ್ ಟೀ-ಶರ್ಟ್, ಅದರ ಮೇಲೊಂದು ಡೆನಿಮ್ ಜಾಕೆಟ್ ಧರಿಸಿ ಬಂದಿದ್ದರು ರಾಮ್ ಚರಣ್. ಇದೀಗ ಎಲ್ಲರ ಕಣ್ಣು ಆ ಜಾಕೆಟ್ ಮೇಲೆ ಬಿದ್ದಿದೆ. ಅದನ್ನು ನೋಡಿ, ಅದರ ರೇಟ್ ತಿಳಿದುಕೊಂಡವರು ಶಾಕ್ ಆಗಿದ್ದಾರೆ.
4 ಕೋಟಿ ರೂ. ಮೌಲ್ಯದ ಕಾರು ಖರೀದಿಸಿದ್ದ ರಾಮ್ ಚರಣ್
ಈಚೆಗಷ್ಟೇ ರಾಮ್ ಚರಣ್ ದುಬಾರಿ ಬೆಲೆಯ ಐಷಾರಾಮಿ ಕಾರನ್ನು ಕೊಂಡುಕೊಂಡಿದ್ದರು. ಬರೋಬ್ಬರಿ 4 ಕೋಟಿ ರೂ. ಬೆಲೆಯ ಮರ್ಸಿಡಿಸ್ ಮೇಬ್ಯಾಚ್ ಜಿಎಲ್‌ಎಸ್ 600 (ಕಸ್ಟಮೈಸ್ಡ್ ವರ್ಷನ್) ಕಾರನ್ನು ಅವರು ಖರೀದಿ ಮಾಡಿದ್ದರು. ಭಾರತದ ಮೊದಲ ಮರ್ಸಿಡಿಸ್ ಮೇಬ್ಯಾಚ್ ಜಿಎಲ್‌ಎಸ್ 600 ಕಸ್ಟಮೈಸ್ಡ್ ವರ್ಷನ್ ಆವೃತ್ತಿಯ ಕಾರು ಇದಾಗಿದ್ದು, ರಾಮ್ ಚರಣ್ ಕಾರು ಖರೀದಿ ಮಾಡುತ್ತಿರುವ ಫೋಟೋಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದವು. ಈಗಾಗಲೇ ಅರ ಬಳಿ ರೇಂಜ್ ರೋವರ್ ಆಟೋಬಯೋಗ್ರಫಿ, ರೋಲ್ಸ್ ರಾಯ್ಸ್ ಫ್ಯಾಂಥಮ್, ಮರ್ಸಿಡಿಸ್ ಬೆಂಜ್ ಜಿಎಲ್ 350, ಆಸ್ಟನ್ ಮಾರ್ಟಿನ್ ವಿ8 ವಾಂಟೇಜ್ ಮುಂತಾದ ಕಾರುಗಳಿವೆ. ಇದೀಗ ನಟ ರಾಮ್ ಚರಣ್ ಅವರ ಸೂಪರ್ ಕಾರುಗಳ ಕಲೆಕ್ಷನ್‌ಗೆ ಮರ್ಸಡಿಸ್ ಮೇಬ್ಯಾಚ್ ಜಿಎಲ್‌ಎಸ್ 600 ಕಸ್ಟಮೈಸ್ಡ್ ವರ್ಷನ್ ಕೂಡ ಸೇರಿಕೊಂಡಿದೆ.
ಇನ್ನು, ಆರ್ಆರ್ಆರ್ ನಂತರ ತಮ್ಮ ಅಭಿನಯದ 15ನೇ ಸಿನಿಮಾವನ್ನು ರಾಮ್ ಚರಣ್ ಈಚೆಗಷ್ಟೇ ಗ್ರ್ಯಾಂಡ್ ಲಾಂಚ್ ಮಾಡಿದ್ದರು. ಈ ಚಿತ್ರಕ್ಕೆ ನಿರ್ದೇಶಕ ಶಂಕರ್ ಆಕ್ಷನ್-ಕಟ್ ಹೇಳುತ್ತಿದ್ದಾರೆ. ರಾಮ್ ಚರಣ್ ಮತ್ತು ಜೂ.ಎನ್‌ಟಿಆರ್ ಅಭಿನಯದ ರಾಜಮೌಳಿ ನಿರ್ದೇಶನದ 'ಆರ್ಆರ್ಆರ್' ಚಿತ್ರದ ಶೂಟಿಂಗ್ ಮುಗಿದಿದೆ. ಚಿರಂಜೀವಿ ನಟನೆಯ 'ಆಚಾರ್ಯ' ಚಿತ್ರ ಬಿಡುಗಡೆಗೆ ಸಿದ್ಧವಾಗಿದೆ. ಅದರಲ್ಲಿ ರಾಮ್ ಚರಣ್ ಕೂಡ ನಟಿಸಿದ್ದು, ಜೊತೆಗೆ ನಿರ್ಮಾಣ ಕೂಡ ಮಾಡಿದ್ದಾರೆ.
