ಹಲವು ವರ್ಷಗಳ ನಂತರ ತಮಿಳಿನಿಂದ ಜಗ್ಗೇಶ್ 'ರಂಗನಾಯಕ'ಕ್ಕೆ ಬಂದ ಕನ್ನಡತಿ ರಚಿತಾ ಮಹಾಲಕ್ಷ್ಮೀ

'ನವರಸನಾಯಕ' ನಟ ನಟನೆಯ 'ರಂಗನಾಯಕ' ಸಿನಿಮಾದ ಶೂಟಿಂಗ್ ಕಾರ್ಯ ಭರದಿಂದ ಸಾಗುತ್ತಿದೆ. 'ಮಠ' ಸಿನಿಮಾ ಖ್ಯಾತಿಯ ನಿರ್ದೇಶಕ ಗುರುಪ್ರಸಾದ್ ಅವರು ಈ ಸಿನಿಮಾದ ನಿರ್ದೇಶನದ ಜವಾಬ್ದಾರಿ ಹೊತ್ತಿದ್ದಾರೆ. ಜಗ್ಗೇಶ್‌ಗೆ ಜೊತೆಯಾಗಿ ನಟಿ ಅಭಿನಯಿಸುತ್ತಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ರಚಿತಾ ಮಹಾಲಕ್ಷ್ಮೀ, ಜಗ್ಗೇಶ್, ಇಮ್ರಾನ್ ಸರ್ದಾರಿಯಾ, ಗುರುಪ್ರಸಾದ್ ಜೊತೆಗಿರುವ ಫೋಟೋಗಳು ವೈರಲ್ ಆಗುತ್ತಿವೆ. 2012ರಲ್ಲಿ 'ಪಾರಿಜಾತ' ಸಿನಿಮಾದಲ್ಲಿ ರಚಿತಾ ನಟಿಸಿದ್ದರು. ಆಮೇಲೆ ತಮಿಳಿನ 'ಉಪ್ಪು ಕರುವಾಡು' ಸಿನಿಮಾದಲ್ಲೂ ರಚಿತಾ ಅಭಿನಯಿಸಿದ್ದರು. ಸಿನಿಮಾಗಳಿಗಿಂತ ಜಾಸ್ತಿ ರಚಿತಾ ಧಾರಾವಾಹಿಯಲ್ಲಿ ನಟಿಸಿದ್ದಾರೆ. ಕೆಲ ವರ್ಷಗಳಿಂದ ಅವರು ತಮಿಳು ಚಿತ್ರರಂಗದಲ್ಲಿಯೇ ಬ್ಯುಸಿಯಾಗಿದ್ದರು. ಕನ್ನಡ ಕಿರುತೆರೆಯಲ್ಲಿಯೂ ರಚಿತಾ ಹೆಸರು ಮಾಡಿದ್ದು, ಅವರಿಗೆ ಉತ್ತಮವಾದ ಅಭಿಮಾನಿ ಬಳಗವಿದೆ. 'ಮೇಘ ಮಂದಾರ', 'ಬಂದೆ ಬರತವ್ವ ಕಾಲ', 'ಸವಿಗನಸು', 'ಸುಪ್ರಭಾತ', 'ಮನೆಯೊಂದು ಮೂರು ಬಾಗಿಲು', 'ಸೂರ್ಯಕಾಂತಿ', 'ಸ್ವಾತಿ ಚಿಂಕುಲು', 'ಮಾ ನನ್ನ', 'ಪಿರಿವೊಮ್ ಸಂತಿಪ್ಪೊಮ್', 'ಸಾಗುತ ದೂರ ದೂರ', 'ಮಸಾಲ ಕುದುಂಬಮ್', 'ಇಲ್ಲವರಸಿ', 'ಮಿಸ್ಟರ್ & ಮಿಸ್‌ಸ್ ಕಿಲಾಡಿಸ್', 'ಉಪ್ಪು ಕರುವಾಡು', 'ಸರವಣ್ ಮೀನಾಚಿ ಸೀಸನ್ 2', 'ಸರವಣ್ ಮೀನಾಚಿ ಸೀಸನ್ 3', 'ಗೀತಾಂಜಲಿ', 'ಜ್ಯೂನಿಯರ್ ಸೀನಿಯರ್', 'ಜ್ಯೂನಿಯರ್ ಸೂಪರ್ ಸ್ಟಾರ್ 3.0', 'ನಚಿವರಪುರಂ' ಮುಂತಾದ ಧಾರಾವಾಹಿಗಳಲ್ಲಿ ರಚಿತಾ ಬಣ್ಣ ಹಚ್ಚಿದ್ದಾರೆ. ಒಟ್ಟಾರೆಯಾಗಿ ಕನ್ನಡ, ತಮಿಳು, ತೆಲುಗು ಕಿರುತೆರೆಯ ಅನೇಕ ಧಾರಾವಾಹಿಗಳಲ್ಲಿ ರಚಿತಾ ನಟಿಸಿದ್ದಾರೆ. ತಮಿಳಿನ ಧಾರಾವಾಹಿಯೊಂದರಲ್ಲಿ ನಟಿಸುತ್ತಿರುವಾಗಲೇ ಸಹನಟ ದಿನೇಶ್ ಗೋಪಾಲಸ್ವಾಮಿ ಅವರನ್ನೇ ರಚಿತಾ ಲವ್ ಮಾಡಿ, ಮದುವೆಯಾಗಿದ್ದಾರೆ. ಆನಂತರವೂ ಈ ಜೋಡಿ ಒಟ್ಟಾಗಿ ನಟಿಸಿದೆ. ಸದ್ಯ ರಚಿತಾ ಪರಭಾಷೆಯ ಕಿರುತೆರೆಯಲ್ಲಿ ಬ್ಯುಸಿಯಾಗಿದ್ದಾರೆ. ಈಗ ಅವರು ಮತ್ತೆ ಕನ್ನಡಕ್ಕೆ ಮರಳಿರುವುದು ಅನೇಕರಿಗೆ ಖುಷಿ ಕೊಟ್ಟಿದೆ. ರಚಿತಾಗೆ ಮೀನಾಕ್ಷಿ, ಮಹಾ, ರಚಿತಾ ದಿನೇಶ್ ಎಂದೂ ಕೂಡ ಕರೆಯುತ್ತಾರೆ.