ದುಬೈನಿಂದ ಬಂದವನಿಗೆ ಒಮಿಕ್ರಾನ್ : ತೆಲಂಗಾಣದ ಈ ಗ್ರಾಮದಲ್ಲಿ 10 ದಿನ ಸ್ವಯಂ ಲಾಕ್‌ಡೌನ್‌

ದೇಶದಲ್ಲಿ ಒಮಿಕ್ರಾನ್ ಸೋಂಕು ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದೆ. ಇದು ದೇಶವಾಸಿಗಳಲ್ಲಿ ಆತಂಕಕ್ಕೆ ಮನೆ ಮಾಡಿದೆ. ಈ ಮಧ್ಯೆ ದುಬೈನಿಂದ ಹಿಂದಿ ರುಗಿದ ವ್ಯಕ್ತಿಯೊಬ್ಬರಲ್ಲಿಓಮಿಕ್ರಾನ್‌ ರೂಪಾಂತರಿ ದೃಢಪಟ್ಟ ಹಿನ್ನೆಲೆಯಲ್ಲಿ ತೆಲಂಗಾಣದ ಗ್ರಾಮವೊಂದು 10 ದಿನಗಳ ಸ್ವಯಂ ಲಾಕ್‌ಡೌನ್‌ ಘೋಷಣೆ ಮಾಡಿದೆ. ಹಾಗಾದರೆ ಇಡೀ ದೇಶಕ್ಕೆ ಮಾದರಿಯಾದ ಆ ಗ್ರಾಮ ಯಾವುದು? ಇಲ್ಲಿದೆ ಈ ಬಗ್ಗೆ ಮಾಹಿತಿ.

ದುಬೈನಿಂದ ಬಂದವನಿಗೆ ಒಮಿಕ್ರಾನ್ : ತೆಲಂಗಾಣದ ಈ ಗ್ರಾಮದಲ್ಲಿ 10 ದಿನ ಸ್ವಯಂ ಲಾಕ್‌ಡೌನ್‌
Linkup
ಹೈದರಾಬಾದ್‌: ದುಬೈನಿಂದ ಹಿಂದಿ ರುಗಿದ ವ್ಯಕ್ತಿಯೊಬ್ಬರಲ್ಲಿ ದೃಢಪಟ್ಟ ಹಿನ್ನೆಲೆಯಲ್ಲಿ ತೆಲಂಗಾಣದ ಗ್ರಾಮವೊಂದು 10 ದಿನಗಳ ಘೋಷಣೆ ಮಾಡಿದ್ದು, ಸೋಂಕು ನಿಯಂತ್ರಣಕ್ಕೆ ಹೊಸ ಮಾದರಿ ನಿರ್ಮಿಸಿಕೊಟ್ಟಿದೆ. ಸಿರ್ಸಿಲ್ಲ ಜಿಲ್ಲೆಯ ಗುಡೆಂ ಗ್ರಾಮ ಅಂತಹದ್ದೊಂದು ಸ್ವಯಂ ಶಿಸ್ತು ಪಾಲನೆ ಮಾಡುವ ಮೂಲಕ ಸುದ್ದಿಯಾಗಿದೆ. ದುಡಿಮೆಗೆಂದು ಗಲ್‌್ಫಗೆ ಹೋಗಿದ್ದ ಈ ಗ್ರಾಮದ ಚಂದು ಎಂಬವವರು ಇತ್ತೀಚೆಗೆ ವಾಪಸ್‌ ಬಂದಿದ್ದರು. ಬಂದ ಶುರುವಿನಲ್ಲಿ ಟೆಸ್ಟ್‌ಗೆ ಒಳಗಾದ ಅವರಲ್ಲಿ ಓಮಿಕ್ರಾನ್‌ ಸೋಂಕು ದೃಢಪಟ್ಟಿತ್ತು. ಇದರಿಂದ ಎಚ್ಚೆತ್ತ ಗುಡೆಂ ಜನರು ಅಧಿಕಾರಿಗಳು ಬಂದು ಬುದ್ಧಿ ಹೇಳುವ ಮೊದಲೇ ಸ್ವಯಂ ಲಾಕ್‌ಡೌನ್‌ ಘೋಷಿಸಿ, ಹೊರ ಜಗತ್ತಿನ ಸಂಪರ್ಕ ಕಡಿದುಕೊಂಡರು. ಸೋಂಕಿತನ ಸಂಪರ್ಕಕ್ಕೆ ಬಂದ ಮನೆಯವರು ಮತ್ತು ನೆರೆಹೊರೆಯವರನ್ನೆಲ್ಲ ಪ್ರತ್ಯೇಕವಾಗಿ ಇರಿಸಲಾಗಿದೆ. ''ಇದು ಶಿಕ್ಷೆಯೆಂದು ಪರಿಗಣಿ ಸುವ ಅಗತ್ಯ ಇಲ್ಲ. ತೀವ್ರವಾಗಿ ಹರಡುವ ಓಮಿಕ್ರಾನ್‌ ಬಗ್ಗೆ ನಾವು ವಹಿಸಬೇಕಾದ ಎಚ್ಚರ. ಐಸೋಲೇಷನ್‌ನಲ್ಲಿಇರುವವರಿಗೆ ಉತ್ತಮ ಶುಶ್ರೂಷೆ ವ್ಯವಸ್ಥೆ ಮಾಡಲಾಗಿದೆ. ಬುಡದಲ್ಲಿಯೇ ಸೋಂಕು ತಡೆದರೆ, ನಿಯಂತ್ರಣ ಸುಲಭವಾಗುತ್ತದೆ,'' ಎಂದು ಗ್ರಾಮದ ಮುಖಂಡರು ತಿಳಿಸಿದ್ದಾರೆ. ತೆಲಂಗಾಣದಲ್ಲಿ ಓಮಿಕ್ರಾನ್‌ನ ಹೊಸ 12 ಪ್ರಕರಣಗಳು ಪತ್ತೆಯಾಗಿದ್ದು, ಒಟ್ಟು ಸಂಖ್ಯೆ 31ಕ್ಕೆ ಏರಿಕೆಯಾಗಿದೆ. ಕೇಂದ್ರದಿಂದ ರಾಜ್ಯಗಳಿಗೆ ಖಡಕ್‌ ನಿರ್ದೇಶನಹೊಸದಿಲ್ಲಿ: ದೇಶದ 16 ರಾಜ್ಯಗಳಲ್ಲಿ270 ಜನರಿಗೆ ಓಮಿಕ್ರಾನ್‌ ಸೋಂಕು ತಗುಲಿರುವುದು ದೃಢಪಟ್ಟ ಬೆನ್ನಲ್ಲಿಯೇ, ಕ್ರಿಸ್‌ಮಸ್‌ ಹಾಗೂ ಹೊಸ ವರ್ಷ ಸಂಭ್ರಮಾಚರಣೆಗೆ ನಿರ್ಬಂಧ ಹೇರುವಂತೆ ಕೇಂದ್ರ ಸರಕಾರವು ರಾಜ್ಯ ಸರಕಾರಗಳು ಹಾಗೂ ಕೇಂದ್ರಾಡಳಿತ ಪ್ರದೇಶಗಳಿಗೆ ನಿರ್ದೇಶನ ನೀಡಿದೆ. ಕ್ರಿಸ್‌ಮಸ್‌ ಮತ್ತು ಹೊಸ ವರ್ಷಾಚರಣೆ ವೇಳೆ ಜನಜಂಗುಳಿ ಸೇರದಂತೆ ಹಾಗೂ ಕೊರೊನಾ ಮುನ್ನೆಚ್ಚರಿಕೆ ಕ್ರಮಗಳು ಉಲ್ಲಂಘನೆ ಆಗದಂತೆ ಕಟ್ಟೆಚ್ಚರ ವಹಿಸಬೇಕು. ಗರಿಷ್ಠ 14 ದಿನಗಳ ಮಟ್ಟಿಗೆ ಯಾವುದೇ ರೀತಿಯ ಸಂಚಾರ ನಿರ್ಬಂಧಗಳನ್ನು ಹೇರಬಹುದು. ಅಗತ್ಯವಿ­ದ್ದಲ್ಲಿ ರಾತ್ರಿ ವೇಳೆ ಕಫ್ರ್ಯೂ, ಕ್ಲಸ್ಟರ್‌ಗಳನ್ನು ಗುರುತಿಸಿ ಸೀಮಿತ ಪ್ರದೇಶದ ಸೀಲ್‌ಡೌನ್‌ನಂತಹ ಕ್ರಮಗಳನ್ನು ತಜ್ಞರ ಸಮಿತಿ ಜತೆಗೆ ಚರ್ಚಿಸಿ ರಾಜ್ಯಗಳು ಕೈಗೊಳ್ಳಬಹುದು ಎಂದು ಕೇಂದ್ರ ಸರಕಾರ ತಿಳಿಸಿದೆ.